диплома – Kurir.mk

Лани дипломирале 7 753 студенти, за 12.2 отсто повеќе од 2020 година

Ивона Петрова — Fri, 27 May 2022 06:37:57 +0000

Во 2021 година дипломирале 7 753 студенти на додипломски студии на високите стручни школи и на факултетите во земјава, што претставува зголемување за 12.2 отсто во споредба со 2020, покажуваат податоците на Државниот завод за статистика. Од вкупниот број дипломирани студенти, 6 528, односно 84.2 отсто се редовни, а 1 225, односно 15.8 проценти се вонредни студенти. Од дипломираните, 58.8 отсто се студентки. Во рок дипломирале 28 проценти од вкупниот број студенти, а по рокот 72 отсто.

ВМРО-ДПМНЕ: Ковачевски да се извини што лажеше за наводната диплома од Харвард која е курс

Катерина Бојаџиева — Fri, 17 Dec 2021 07:50:28 +0000

Ковачевски да се извини што лажеше за наводната диплома од Харвард која е курс. Ковачевски лажно се претставува како студент на Харвард, велат од ВМРО-ДПМНЕ. -Ковачевски молчеше кога во медиумите беше ословуван како студент од Харвард и му беа правени фотографии како да бил дипломец. Тој се надеваше дека лагата ќе помине. Откако виде дека е уплеткан во лагите, самиот Ковачевски преку соопштение од СДСМ призна дека манипулирал и дека не е студент, стои во соопштнието и се додава: „Тој дури и на неговиот профил на Линкдин курсот од Харвард го пишува во доменот образование, а не во доменот курсеви или други усовршувања. Ковачевски е претседател на партија и е крајно несериозно да лаже за неговото образование. Ако Ковачевски лаже за сопственото образование тогаш што останува со другите работи?“.

ВМРО-ДПМНЕ: Ковачевски кога лаже за диплома на Харвард, лаже и за се друго, исти луѓе исти вредности

Тале Кристо — Wed, 15 Dec 2021 07:40:58 +0000

Ковачевски кога лаже за диплома на Харвард, лаже и за се друго, исти луѓе исти вредности, велат во партиското соопштение од ВМРО-ДПМНЕ. Ковачевски посетил курс на Харвард од неколку дена, кој може да го посети секој еден кој може да плати десетина илјади евра за таа намена. Доколку Ковачевски беше дипломец на Харвард тој ќе имаше алумни број, кој ќе го покажеше наместо да се крие зад партиски памфлети. Ковачевски не е дипломец на Харвард. Тој лаже уште не седнат на местото на Заев, можеме да замислиме како ќе лаже кога допрва ќе седне. Ковачевски ги врти истите празни флоскули кои ги вртеше Заев и не ги исполни. Ковачевски исто како и Заев манипулира, тоа се истите празни ветувања, кои одамна се прочитани од граѓаните, стои во соопштението на ВМРО-ДПМНЕ.

Се помалку дипломирани: Лани додипломски студии завршиле 12,3 отсто помалку отколку во 2019

Ивона Петрова — Mon, 05 Jul 2021 11:53:31 +0000

На високите стручни школи и на факултетите во земјава во 2020 година додипломски студии завршиле 12,3 проценти помалку студенти во однос на предминатата 2019 година. Според податоците што денеска ги објави Државниот завод за статистика, од вкупниот број дипломирани, 81,9 проценти се редовни, а 18,1 проценти се вонредни студенти. Процентот на дипломирани студентки е 59,5. Од вкупниот број, 37 отсто дипломирале во рокот, додека 63 отсто дипломирале по рокот.

Кумановец фалсификувал димплома за да го вработат во фирма

Ивана Ефремовски — Mon, 23 Nov 2020 15:21:34 +0000

Жител на Куманово доби кривична пријава поради фалсификување исправа, благодарение на која бил вработен во фирма од 2006 година. СВР Куманово поднесе кривична пријава против Р.С.(51) од Куманово, за сторено кривично дело „фалсификување исправа“. Р.С. во текот на 2016, откако претходно имал завршено III степен на образование во СОУ„Киро Бурназ“ Куманово, за што поседувал диплома, со која бил и вработен во приватна фирма од Куманово од 2006 година, со цел да се здобие со четврт степен на образование, а и поради потребата при вработувањето да има најмалку IV-ти степен ниво на класификација, набавил фалсификувана исправа со невистинита содржина „диплома“, за положен завршен испит и свидетелство за завршена IV-та година, со невистинита содржина, од средно училиште од Скопје. Притоа, фалсификуваната диплома ја приложил како вистинита во два наврата, и тоа во 2017 во Агенција за вработување и во 2020 во приватна фирма од Куманово.

Кумановец со фалсификувана косовска диплома шест години изигрувал професор

Дарко Андоновски — Wed, 18 Sep 2019 14:15:41 +0000

СВР Куманово до Основното јавно обвинителство Куманово поднесе кривична пријава против С.З.(51) од Куманово, поради постоење основи на сомнение за сторено кривично дело „фалсификување исправа“. Пријавениот набавил фалсификувана диплома од Универзитет во Приштина, Р.Косово, со која се стекнал со квалификација „професор по математика“. Дипломата ја употребил во општинското основно училиште „Бајрам Шабани“ Куманово, каде склучил Договор за работа и засновал работен однос на определено време. До 2017 му биле изготвувани повеќе договори за работа на определено време, при што пријавениот се стекнал со противправна имотна корист од Буџетот во износ од платите што му биле исплаќани од 01.12.2011 до 05.05.2017.

Се намалил бројот на дипломирани студенти на додипломски студии

Дарко Андоновски — Fri, 24 May 2019 07:26:58 +0000

Во минатата година со диплома на додипломски студии на универзитетите во земјата се здобиле вкупно 7698 лица, од нив диплома од државните универзитети добиле 6204 лица, а од приватните 1472 лица. Лани е забележан пад на бројот на дипломирани лица за 10 отсто во однос на 2017 година. Најбројни биле оние што добиле дипломи на Економскиот факултет во Скопје 662. Податоците на Државниот завод за статистика покажуваат дека од вкупниот број дипломирани студенти, 87 отсто се редовни, а 13 отсто се вонредни студенти. Повеќе од половината или 58,9 отсто се жени и поголемиот дел односно 66,4 отсто дипломираат по рокот. Најмногу дипломи се стекнати на Скопскиот универзитет 3194, на Тетовскиот 1174, Штипскиот 949, Битолскиот 744, Охридскиот 51 диплома. Од приватните универзитети најмногу дипломирани излегле од Универзитетот на ЈИЕ во Тетово 361, Меѓунродниот славјански институт 259, потоа Европскиот универзитет 157, Американ колеџ 139, Меѓународниот балкански универзитет 126, ФОН 111, по 75 дипломирани имало на Еуро колеџ Куманово и МИТ, 39 на ЕФТА, 38 на Факултетот за бизнис и економија Скопје и 34 на Меѓународнито универзитет „Визион“ – Готивар. На верските факултетити дипломирале 22 лица од кои седум на Богословскиот и 15 на Факултетот за исламски науки.

Ги крие од јавноста, а на нив им го должи целото нејзино богатство: Родителите на Цеца никогаш нема да и простат една работа (ФОТО)

Дарко Андоновски — Fri, 25 Jan 2019 17:23:34 +0000

Фолк ѕвездата Цеца често говори дека ова што е денес им го должи на своите родители Мира и Слободан Величковиќ. За нејзината кариера сонуваат многумина, а пејачката често им се заблагодарува јавно на своите родители кои и даваат поддршка, љубов и воспитување низ сиве овие години. Цеца во една прилика откри и дека нејзините родители никогаш нема да и опростат една работа. -Единствено на што ми замеруваат е тоа што немам завршено факултет и тоа остана до ден денес. Можам да нанижам било какви музички успеси, но они пак ќе речат: „Да, но можеше да имаш диплома“, призна пејачката.

Ретко кој може да се споредува со неа: Кога ќе дознаете колку факултети има завршено Неда Украден ќе се онесвестите

Дарко Андоновски — Fri, 27 Jul 2018 18:22:56 +0000

Понесени од музиката и кариерата речиси ретко која музичка ѕвезда има универзитетска диплома или завршено високо образование, некои дури и средно. Пејачката Неда Украден е една од најобразованите естрадни личности на овие простори, таа има две дипломи и завршено два факултета. Украден дипломирала на правен и филолошки факултет, додека нејзините чекори ги следат малкумина естрадни колеги. Едни од нив се Зорица Брнуцлиќ која има истото така диплома од правниот факултет во Ниш, додека Здравко Чолиќ има завршено економски факултет во Сараево.

Кумановка 14 години земала плата со фалсификувана универзитетска диплома

Александар Михаилов — Thu, 11 Jan 2018 12:26:29 +0000

Кумановската полиција поднела кривична пријава против С.Џ.Е. од село Романовце поради сомнение дека сторила кривично дело „фалсификување исправа“ и продолжено кривично дело „употреба на исправа со невистинита содржина“. Како што информираат од МВР, во текот на 1999-та година, пријавената набавила фалсификувана диплома од Софискиот универзитет „Климент Охридски“ (Бугарија) при што се стекнала со квалификација од 7-ми степен, специјалност Педагогија. Дипломата во 2000 година ја приложила како вистинска на универизитетот „Св. Климент Охридски“ – Филозофски факултет во Скопје, за нострификација, за што добила и решение за нострификација. По ова, во 2003-та година, пријавената како вистински ги приложила фалсификуваната диплома и добиеното решение за нострификација во општинското основно училиште „Кирил и Методиј“ во село Романовце, кумановско, каде од 06 октомври 2003 година па до 2009-та година и биле изготвувани договори за работа со заснован работен однос на определено работно време. Во октомври 2009 година добила договор и одлука за трансформација на работен однос од определено на неопределено работно време. Со наведените дејствија пријавената се стекнала со противправна имотна корист во износ од платите што и биле исплатени од буџетот на државата за наведениот временски период.