дипломат – Kurir.mk

Македонскиот дипломатски синдикат: Потребно е големо ресетирање за да се врати угледот на дипломатијата

Ивона Петрова — Tue, 07 Sep 2021 12:14:38 +0000

Македонскиот дипломатски синдикат решително ги осудува сите оние што со свое дејствие или недејствие го имаат свлечкано угледот на дипломатската професија до најниско ниво. Најновиот скандал поврзан со Ерменија е последен во низата поразителни состојби што последните години му претходеа, се вели во нивното соопштение. -Со чесни исклучоци, немањето интегритет за укажување на неприфатливоста на определени потези, како и незаконитост во постапувањето, интерни пресметки со неистомисленици и нивно шиканирање и деградирање кои што ескалираа во времето на преходниот Министер Димитров и неговите најблиски соработници, за жал сега го земаат данокот и директно ја туркаат македонската дипломатија во амбисот на непрофесионализмот, клиентелизмот и неквалитетот. Како поинаку да се нарече истиснувањето на квалитетните кадри на маргините на МНР и кадровско форсирање по сосема други критериуми него што е стручноста, него како злоупотреба на овластувањата и партиско одработување, велат од МДС. Посочуваат дека потребно е големо ресетирање за да се врати угледот на дипломатијата. -Најпрвин треба целосно да се расчисти најголемиот скандал во историјата на македонската дипломатија, а потоа и да се симне стигмата од дипломатската професија. Не се сите дипломати криминалци, напротив. Огромното мнозинство се чесни луѓе кои ги имаат инвестирано своите животи во оваа благородна професија и не е прифатливо бланко фрлање на вина. Само искрен и чесен пристап во расветлувањето на скандалот ќе даде резултат. Македонскиот дипломатски синдикат секогаш, па така и сега, нагласува дека стои на располагање за помош во решавањето на сите тековни прашања во куќата, се наведува во соопштението.

Дипломат тврди дека Ким Јонг Ун е во кома

Магдалена Андонова — Sun, 23 Aug 2020 20:02:00 +0000

Бивш соработник на покојниот претседател на Јужна Кореја Ким Дае Јунг дал изјава за лидерот во денови откако неколку овластување предал на својата помала сестра. Чанг Сонг Мин за јужнокорејски медиуми изјавил: „Претпоставувам дека е во кома, но неговиот живот се уште не завршил“.

Чанг Сонг Мин вели дека медиумите објавувале фотографии каде што се гледало дека Ким Јонг Ун присуствувал на владини средби во четвртокот, но новинската агенција Ритерс не можела да ја провери веродостојноста на фотографиите.

За севернокорејскиот претседател, за кој се вели дека стар околу 36 години, оваа година е виден само неколку пати што потикнале претпоставки дека би можел да умрен. Се претпоставува, или е “прекината“ операцијата на срце за ставење на стент или е оставен тешко болен или е убиен.

Почина заразениот британски дипломат во Будимпешта

Дарко Андоновски — Wed, 25 Mar 2020 18:52:48 +0000

Почина заменик шефот на мисијата во британската амбасада во Будимпешта Стивен Дик, кој беше заразен со вирусот Ковид-19, соопшти денеска Форин офисот. Како што е наведено во соопштението, 37-годишниот дипломат починал вчера во Унгарија. Дик беше заменик на британскиот амбасадор во Унгарија од декември минатата година.