дипломати – Kurir.mk

Русија протерува 14 бугарски дипломати

Ивона Петрова — Fri, 05 Aug 2022 11:10:38 +0000

Руското Министерство за надворешни работи денеска на бугарскиот амбасадор во Москва Атанас Крастин му врачи нота со која се прогласуваат „персона нон грата“ 14 вработени во амбасадата и во конзуларните преставништва на Бугарија во Русија. Во соопштението објавено од руското МНР стои дека Москва смета оти протерувањето руски дипломати од Бугарија „нанесува значителна штета на традиционалните врски“ меѓу двете земји и укажува на „натамошна деградација на колективниот Запад, подготвен да ги жртвува интересите на своите партнери, само за да и наштети на Русија“. Истовремено во документот се посочува дека „непријателските потези на Софија кон Москва немаат ништо заедничко со националните интереси на Бугарија и нејзиниот народ“.

Демарш од грчкото МНР до рускиот амбасадор во Атина за протерувањето на грчките дипломати

Ивана Ефремовски — Fri, 01 Jul 2022 17:02:42 +0000

Генералниот секретар на Министерството за надворешни работи на Грција упатил демарш до рускиот амбасадор во Атина поради протерувањето на осуммината грчки дипломати во Русија, соопштија од грчкото МНР, јави дописничката на МИА од Атина. Било истакнато дека руската реакција е непропорционална во споредба со мерките што ги објави Грција против одредени руски дипломати, кои беа прогласени за непожелни, бидејќи „докажано имале активност што не е во согласност со нивниот дипломатски статус, согласно одредбите од Виенската конвенција за дипломатски односи од 1961 година и Виенската конвенција за конзуларни односи од 1963 година“. -Напротив, протерувањата на грчките дипломати немаат никаква оправдувачка основа, освен што функционираат како непропорционална репресалија. Исто така, беше потенцирано дека грчките дипломати на ниту еден начин не ги прекршија Виенските конвенции, соопштуваат од Министерството за надворешни работи на Грција. Дополнително, грчката страна изразила протест за содржината на неодамнешните изјави на руските функционери и било истакнато дека „треба да се избегнуваат генерализации и обвинувања против Грција кои не можат да се проверат“. Во понеделникот, Министерството за надворешни работи на Русија соопшти дека осум грчки дипломати се прогласени за персона нон грата во земјата и се должни да ја напуштат Русија во рок од осум дена. (МИА)

Американските дипломати се надеваат дека ќе се вратат во Киев до крајот на месецот

Катерина Бојаџиева — Mon, 02 May 2022 13:37:09 +0000

САД се надеваат дека нивните дипломати ќе можат да се вратат во главниот град на Украина Киев, каде Вашингтон ја затвори својата амбасада неколку дена пред руската инвазија, „до крајот на месецот“, изјави денеска вршителката на должноста амбасадор Кристина Квиен. „Се надеваме дека условите ќе ни овозможат да се вратиме во Киев до крајот на месецот“, изјави Квиен на прес-конференција во западниот град Лавов. Американските дипломати ја напуштија амбасадата во Киев две недели пред да почне инвазијата на Русија врз Украина. Првично амбасдата беше префрлена во Лавов, а потоа во соседна Полска.

ЕУ протерува 19 руски дипломати од Брисел

Тале Кристо — Tue, 05 Apr 2022 18:27:54 +0000

Европската унија прогласи 19 вработени во Постојаната мисија на Русија во Унијата за „персона нон грата“. Тоа се наведува во соопштението на службата за надворешна политика на ЕУ, објавено денеска во Брисел. – Врз основа на одлуката на високиот претставник на ЕУ за надворешна политика и безбедност Жозеп Борел, 19 службеници на Постојаната мисија на Руската Федерација во ЕУ во Брисел се прогласени за персона нон грата за вршење активности спротивни на нивниот дипломатски статус, се вели во соопштението. Во изминатите 48 часа, вкупниот број на протерани руски дипломати од ЕУ достигна речиси 200 лица.

Јанша испраќа воено дипломатска мисија во Киев во знак на поддршка за Украина

Магдалена Андонова — Wed, 23 Mar 2022 11:34:12 +0000

Словенечката влада не успеа да натера дипломат да замине во Киев како привремен вршител на должност на амбасадата во Украина, па функцијата ќе ја преземе потполковникот на словенечката армија, објавија денеска словенечките медиуми. Според ПОП-ТВ, премиерот Јанез Јанша не успеал да најде доброволец во Министерството за надворешни работи да замине во Киев, па владата се обратила до Министерството за одбрана. Договорено е должноста началник да ја преземе офицер со чин потполковник кој привремено ќе биде вработен во МНР и со соодветна екипа да биде испратен во Киев. На денешната седница треба да биде донесена одлуката за испраќање на привремениот вршител на должност и владиниот тим, а премиерот Јанша утре на вонредна седница во Брисел ќе ги информира лидерите на НАТО и ЕУ. Станува збор за напорите на Јанша, кој неодамна го посети Киев со полскиот и чешкиот премиер, да испрати „невообичаена воено дипломатска мисија“ во главниот град на Украина, која нема да има голем дел од вообичаената дипломатска работа, но присуството ќе биде силен симбол на поддршка за Украина, иако носи и многу ризик“, наведува ПОП-ТВ. (МИА)

Јанша: Словенечките дипломати се враќаат во Киев

Ристе Здравков — Mon, 21 Mar 2022 07:02:20 +0000

Словенечкиот премиер Јанез Јанша на Твитер објави дека Словенија наскоро ќе ги врати дипломатите во Киев. Јанша синоќа напиша дека дипломатите кои се враќаат се доброволци. „Работиме да ја натераме ЕУ да го стори истото. На Украина и е потребна дипломатска поддршка”, напиша Јанша во објавата.

ЕП забрани влез на дипломатите од Русија и Белорусија

Тале Кристо — Fri, 18 Mar 2022 19:56:15 +0000

Европскиот парламент од денеска им забрани на дипломатите од Русија и од Белорусија да влезат во просториите. -Од денеска на дипломатскиот и владиниот персонал на Русија и Белорусија им е забранет влез во просториите на Европскиот парламент“, напиша Роберта Мецола на Твитер. „Во Домот на демократијата нема место за оние кои бараат да го уништат демократскиот поредок“, додаде претседателката на Европскиот парламент.

ЕП забрани влез на дипломатите од Русија и Белорусија

Ивона Петрова — Fri, 18 Mar 2022 13:33:45 +0000

Европскиот парламент од денеска им забрани на дипломатите од Русија и од Белорусија да влезат во просториите. „Од денеска на дипломатскиот и владиниот персонал на Русија и Белорусија им е забранет влез во просториите на Европскиот парламент“, напиша Роберта Мецола на Твитер. „Во Домот на демократијата нема место за оние кои бараат да го уништат демократскиот поредок“, додаде претседателката на Европскиот парламент.

ЕУ дипломати: Одлуката за кандидатурата на Украина не менува ништо за Западниот Балкан

Тале Кристо — Tue, 08 Mar 2022 07:50:39 +0000

По одлуката да се разгледаат кандидатурите за членство во ЕУ на Украина, Грузија и Молдавија, дипломатите во ЕУ инсистираат дека тоа ништо не менува за процесот на земјите на Западниот Балкан, јавува дописничката на МИА од Брисел. Вчера амбасадорите на 27-те земји членки на ЕУ едногласно донесоа одлука да побараат од Европската Комисија да ги разгледа барањата на Украина, Грузија и Молдавија за зачленување во европскиот сојуз. Три различни дипломатски извори за МИА потврдија дека за време на состанокот неколку амбасадори на земји членки го отвориле прашањето за земјите од Западниот Балкан, кои со години се заглавени во процесот на проширување без голем напредок кон полноправно членство. -Да, стана збор за Западниот Балкан на состанокот за да се каже дека е јасно дека оваа одлука ништо не менува за европската перспектива за Западниот Балкан и за процесите во тек или под дискусија со Балканот, рече за МИА висок дипломатски извор од голема земја членка на ЕУ по вчерашниот амбасадорски состанок. Процесот на зачленување за Украина, Грузија и Молдавија, доколку оди по редовен пат како што е за Македонија и другите, би можел да трае многу долго, велат дипломатите, со оглед на тоа дека основните политички и економски реформи во овие земји се сѐ уште далеку од стандардите на ЕУ. Се поставуваат и други политички прашања околу овие земји, освен фактот што Украина е во војна, а тоа дека сите три држави има сецесионистички територии – Транснистрија во Молдавија и Абхазија и Осетија за Грузија. Во овој момент од институциите на ЕУ не појаснуваат која ќе биде процедурата за произведување на мислење на Европската Комисија за апликациите на овие три источни земји, се чека прво дискусијата на шефовите на држави и влади на ЕУ во петок во Франција на оваа тема. Некои земји членки, главно источноевропските, бараат забрзана процедура за Украина, Грузија и Молдавија, предлог за кој кочат традиционално воздржаните земји кон проширувањето, како Холандија или Франција.

САД го проучуваат Хаванскиот синдром по заболување на дипломати во Париз и Женева

Тале Кристо — Thu, 13 Jan 2022 16:58:21 +0000

САД сè уште не се запознати со Хаванскиот синдром или кој е одговорен за таа болест, изјави американскиот државен секретар Ентони Блинкен во денешното интервју, откако се разболеа американски дипломати во Париз и Женева. Блинкен истакна дека целата федерална влада работи на разјаснување што ја предизвикува болеста, која ги погоди речиси 200 американски дипломати, службеници и членови на нивните семејства во странство. – До денес не знаеме што точно се случило и не знаеме точно кој е одговорен, рече Блинкен во интервју за Ем Ес Ен Би Си. „Волстрит журнал“ денеска пишува дека функционерите на американските дипломатски мисии во Париз и Женева се разболеле, каде што САД и Русија во понеделникот одржаа безбедносни разговори за ситуацијата во врска со Украина во близина на чии граници Русија распореди големи воени сили. Блинкен рече дека САД им го спомнале прашањето за болеста на Русите, но сè уште не може да каже кој е одговорен. Мистериозната болест предизвикува симптоми како што се мигрена, гадење, губење на меморијата и вртоглавица. Таа првпат беше забележана од американски официјални лица во Хавана во 2016 година. – Работиме максимално во целата влада за да се разјасни што се случило, кој е одговорен. И да ги згрижиме погодените и да го заштитиме целиот наш народ колку што можеме, нагласи американскиот државен секретар.