директни летови – Kurir.mk

За време на Светското првенство во фудбал ќе има директни летови од Тел Авив до Доха

Тале Кристо — Thu, 10 Nov 2022 18:37:45 +0000

Фудбалските навивачи од Израел и од палестинските територии ќе можат да патуваат во Катар на Светското првенство со директни чартер летови од Тел Авив според договорот објавен денеска од ФИФА. Чартер летови до Доха од аеродромот Бен Гурион во близина на Тел Авив, исто така, ќе бидат достапни за сите Палестинци. Договорот се однесува и на жителите на окупираниот Западен Брег и блокираниот Појас Газа, на кои генерално не им е дозволено да патуваат преку главниот аеродром во Израел. Иако Израел и Катар немаат дипломатски односи, во Доха за фудбалскиот турнир ќе биде формирано привремено конзуларно претставништво. Израелскиот премиер Јаир Лапид рече дека договорот е резултат на „напорна работа во текот на многу месеци“.

Кина од утре воведува директни летови за Пекинг од осум земји

Дарко Андоновски — Wed, 02 Sep 2020 09:46:09 +0000

Кинеската управа за цивилно воздухопловство денеска соопшти дека од 3 септември ќе продолжи со директните летови кон Пекинг од осум земји, вклучувајќи ги Тајланд, Камбоџа, Грција, Данска, Шведска и Канада. Во март, кинеските власти наредија сите меѓународни летови кон Пекинг да бидат пренасочени кон другите аеродроми како нивни први влезни точки, бидејќи главниот град ги засили мерките за борба против увезените зарази со коронавирус. Кинеската управа за цивилно воздухопловство наведува дека повторно ќе воведе такви мерки доколку повеќе од тројца патници се позитивни на вирусот по пристигнувањето, а тие летови ќе бидат строго контролирани.

Израел работи на воспоставување директни летови со ОАЕ

Магдалена Андонова — Mon, 17 Aug 2020 14:55:54 +0000

Израелскиот премиер Бенјамин Нетанјаху изјави денеска дека Израел подготвува директни летови преку Саудиска Арабија кон Обединетите Арапски Емирати (ОАЕ), како дел од нормализацијата на односите по постигнувањето договор меѓу двете земји. Израел и ОАЕ во четвртокот најавија нормализирање на дипломатските односи под покровителство на САД. Обраќајќи се од аеродромот во Тел Авив, Нетанјаху ги соопшти плановите за проширување на летовите до ОАЕ, но не прецизираше точни датуми. – Во моментов работиме на воспоставување директни летови преку Саудиска Арабија меѓу Тел Авив и Дубаи и Абу Даби, рече Нетанјаху. Саудиска Арабија не го признава Израел и нејзиниот воздушен простор е затворен за летови од Израел, но авиокомпанијата „Ер Индија“ во 2018 доби дозвола да лета на трасата Њу Делхи – Тел Авив. (МИА)