диригент – Kurir.mk

Почина диригентот Џејмс Ливајн, кариерата му заврши со скандал за сексуално злоставување

Ивона Петрова — Thu, 18 Mar 2021 08:43:01 +0000

Американскиот диригент Џејмс Ливајн почина на 78 годишна возраст. Пре три години тој се најден со скандал за сексуално злоставување, по кој заврши неговата кариера. Ливајн 40 години помина на позицијата музички директор на „Метрополитен опера“ во Њујорк. Ливајн починал од природна смрт на 9 март во Пал, Спринг во Калифорнија, изјавил неговиот долгогодишен доктор за Франс прес. Ливајн е именуван за музички директор на „Метрополитен“ во 1976 година. Институцијата на трансформирал во една од најголемите светски опери. Поради Паркинсонова болест во 2016 година се повлече од директорската позиција, но доби титула почесен музички директор и продолжи да диригира. Со оркестарот на Метрополитен диригирал вкупно 2550 пати. Позицијата почесен музички директор ја задржал до 2017 година кога е суспедиран по објавување на сведочења од неколку мажи кои го обвинија за сексуално злоставување во Њујорк Тајмс и Њујорк Пост. Во март 2018 година Метрополитен ги објави заклучоците од својата истрага кои потврдиле дека постојат веродостојни докази за сексуалното злоставување. Операта тогаш му ги укина сите функции кои ги имал во таа институција. Ливајн ги негирал обвинувањата, ја тужел оперската куќа за клевета и прекин на договорот, а случајот бил решен следната година со договор.

Унгарски диригент направи заштитни маски кои ја подобруваат акустиката

Магдалена Андонова — Sat, 12 Sep 2020 18:45:15 +0000

Унгарскиот диригент и композитор Иван Фишер направи заштитни маски кои го подобруваат квалитетот на звукот и кои ќе им овозможат на посетителите на концертите за време на пандемијата да уживаат во подобра акустика. Овие маски имаат две пластични чаши во форма на дланка. Чашите се прицврстени на конци што го држат платното на маската, дизајнирана да се завитка околу ушите на лицето што ја носи. Изумот на диригентот на фестивалскиот оркестар во Будимпешта се чини дека е популарен меѓу посетителите на концертите, кои тврдат дека звукот на музиката е многу подобар кога се носи маска. На синоќешниот настап на овој оркестар можеа да се видат десетици посетители кои носат акустична маска. Акустичните маски може да се нарачаат преку веб-страницата на фестивалскиот оркестар во Будимпешта по цена од околу 22 евра (8.000 форинти), а достапни се во црно-бела верзија.

Цела сала урлаше од смеење: Среде концерт диригентот остана по гаќи (ВИДЕО)

Катерина Бојаџиева — Tue, 22 Oct 2019 20:55:28 +0000

Диригентот Михај Тангу доживеа неверојатен пех пред преполната сала кога среде сиригирање остана по гаќи бидејќи му паднаа панталоните. Имено, во миланскиот „Teatro del Verme“, беше одржан концерт по повод обележувањето на годишнината на Народна република Кина. Како на концертот му се ближеше крајот, така диригентот даде се’ од себе да го заврши како што доликува. Во еден момент толку се занесе, што остана по гаќи свртен со задникот кон публиката. Оваа смешна ситуација ја забележаа и музичарите во оркестарот, кои за среќа не се занесоа до толку во смешната глетка, па успаеаја да отсвират како што треба. Диригентот пак, без многу драма и паника, ги крена панталоните и продолжи да си ја врши работата.

Ooopsshttps://t.co/SLk0Ia5ocu di @repubblica
— Advisory Desk (@advdesk) October 21, 2019