дистанца – Kurir.mk

Попис по теркот на Заев, Филипче и Симовски: Групирање под албанското знаме

Ивана Ефремовски — Wed, 24 Mar 2021 09:17:07 +0000

Дијаспората се попишува, а се очекува да почне и пописот на територијата на Македонија. Во време кога бројот на починати и новозаразени лица алармантно расте, власта од нас бара да се ставиме во уште поголем ризик. Заев, Филипче и Симовски убедуваат дека токму сега е време за попис, а фотографиите од локациите каде попишувањето почна, јасно говорат дека зад “статистичката операција“ стои нешто сосема друго. Имено, на спроведувањето на пописот кај нашите иселеници во Германија, атмосферата изгледаше вака: Повеќе лица во група, на местото каде се врши пописот се фотографираа и направија објава под албанско знаме. Огромен проблем е што голем број на лица, како и овие, среде корона пандемија, ќе се групираат за да спроведат попис. Тоа е директен ризик за здравјето на секој граѓанин. Што значи албанското знаме во објава за попис на македонски граѓани? Значи само едно - дека овој корона попис нема цел да направи статистика, туку да постигне некоја цел. Тоа уште во јануари го потврдија и албанските политичари во Македонија. Пораката на ДУИ е дека ако пописот покаже дека во Македонија живеат помалку Албанци од 20% од вкупниот број на населението, коалициониот партнер на СДСМ нема да ги признае резултатите. Ова е голем доказ дека пописот не е статистичка операција како што Заев и неговите најблиски соработници сакаат да го претстават. Пратеникот од редовите на ДУИ, Арбр Адеми, тогаш рече дека доколку на пописот излезе дека Албанците се помалку од 20%, тогаш нема да ги признае резултатите. Х.С: Ако Албанците излезат 19%, дали ќе ги прифатиш резултатите од пописот? А.А: 19?! Никогаш, никогаш!

Во Словенија задолжително носење маски и на отворено ако нема дистанца

Ивона Петрова — Sat, 19 Sep 2020 09:35:34 +0000

Во Словенија од денска е задолжително носењето заштитини маски и на отворено во случаи кога е невозможно да се држи физичка дистанца од најмалку два метра. Таквата мерка е донесена синоќа од Владата со цел да се сузбие епидемијата на новиот коронавирус. Носењето заштитни маски во затворен простор е задолжително уште од пролетта. Досега во училиштата се носеа маски само во заедничките зони, а сега учениците и наставниците од повисоките одделенија ќе мора да носат заштитни маски во текот на целиот престој во училиштата ако не постои можност за физичка дистанца.

ФОТО: Хит по социјалните мрежи – Дедо покажа што за него значи физичка дистанца

Тале Кристо — Wed, 01 Jul 2020 09:37:25 +0000

Една фотографија и илјада и четиристотини лајкови. Дедото во автобусот им покажа на останатите патници што значи да се биде на физичка дистанца.

Се препорачува физичка дистанца и меѓу домашни миленичиња

Ивана Ефремовски — Tue, 28 Apr 2020 14:48:08 +0000

Американскиот Центар за контрола на заболувањата (ЦДЦ) препорачува граѓаните кои ги шетаат домашните миленичиња да држат физичко растојание од најмалку два метри не само меѓу себе, но и меѓу миленичињата. За мачките пак, се препорачува да се држат дома. ЦДЦ исто така препорачува луѓето да ги избегнуваат парковите за кучиња или други јавни места каде се собираат луѓе и кучиња. Во САД досега се појавија повеќе случаи на пренос на Ковид-19 од луѓе на мачки, како лавови или тигри. Иако мнозинство од епидемиолозите се убедени дека домашните животни не играат некаква улога во ширењето на заразата, тие препорачуваат личност инфицирана од Ковид-19 да не контактира со домашно животно. Доколку таа личност мора да се грижи за животното, ЦДЦ препорачува обврзно носење маска и миење на рацете пред интеракција со животното. Првиот случај на животно тестирано позитивно од коронавирус беше забележан кај тигар во Зоолошката градина во Бронкс, Њујорк, на почетокот на месецов. Потоа, во истата зоолошка имаше позитивни случаи на уште четири тигри и три афрички лава. Друштото за заштита на животинскиот свет соопшти дека тие животни се добри, се однесуваат нормално и јадат, и дека им се намалила кашлицата. (МИА)