дитмир бушати – Kurir.mk

Бушати: Постои тенденција за надминување на стереотипите во односите со Србија

Ристе Здравков — Wed, 03 Oct 2018 11:25:59 +0000

Албанскиот министер за Европа и надворешни работи, Дитмир Бушати, на денешната конференција „Србите и Албанците-во која насока?“ што се одржува во Тирана, во врска со односите меѓу Албанија и Србија, рече дека дијалогот треба да биде на искрени основи. - Имаме многу заеднички точки со Србија и постои тенденција да се надминат стереотипите. Односите со Србија бележат напредок. Нашите земји мора да ги надминат раните од минатото за што веќе има сигнали за тоа, посочи Бушати. Сепак тој ја обвини српската политика дека во врска со Косово користи „реторика од 19 век,која не во согласност со актуелните дискусии кои се концентирани на процесот на помирување и нормализација на односите“. - Дачиќ, рече дека Косово е срцето на Србија, а Косовците се Албанци кои живеат надвор од својата татковина. Со целата моја почит за значајната позиција што мојот пријател, Дачиќ, ја обавува во владата и српската држава, но сакам да му порачам дека ова е реторика на деветнаесеттиот век и не во согласност со денешните дискусии кои се концентирани на помирување и стабилизација а зошто не и отворање на јасна перпектива за помирување. Сме верувале и сеуште веруваме дека процесот на нормализација треба да го отори патот на процесот на помирување меѓу Албанците и Србите. Кога се зборува за одосите Албанија-Србија или албанско-српските односи многу тешко е да се ингнорира „слонот во соба“ што е Косово, рече Бушати. Бушати ја коментираше и вчерашната средба на српскиот претседател Александар Вучиќ со неговиот руски колега Владимир Путин. - Србија се уште го нема кристализирано својот пат во однос на НАТО и трансатлантското семејство.Секако нам ни преостанува да го почитуваме нејзиниот неутрален пристап, кој се чини дека беше потврден вчера на средбата на претседателот Вучиќ со рускиот претседател Путин. Но,од друга страна треба пријателски да потсетиме на тоа дека на патот на процесот на европска интеграција, земјите имаат одредени задачи во врска со усогласувањето на надворешната и безбедносната политика, кои всушност се однесуваат на изборот на народи за да му се прилучиме на клубот на семејства со вредности како оној на ЕУ, нагласи Бушати. Конференцијата е организирана од албанската државна новинска агенција АТА и српската агенција Танјуг.Претходно таква конференција беше одржана во Белград.

Бушати: Албанија го поддржува дијалогот меѓу Србија и Косово

Матеја Петровски — Sun, 23 Sep 2018 08:25:29 +0000

Албанија безрезервно поддржува „добро воспоставен" дијалог меѓу Србија и Косово, изјави албанскиот министер за надворешни работи Дитмир Бушати. - Безрезервно го поддржуваме дијалогот меѓу Косово и Србија. Сметаме дека процесот треба да ги нормализира овие односи и да донесе взаемно признавање, рече тој. - Преку овој процес, неопходно е да се изгради внатрешен консензус во Косово" изјави Бушати за „Јета не Косове“. Бушати истакна дека Албанија ќе поддржи добро поставена платформа за дијалог и додаде дека Албанија и Косово имаат „меѓусебна комуникација и интеракција", кога станува збор за дијалогот меѓу Косово и Србија, пренесува порталот Приштина инсајт. - Не е фер од Тирана да се бара да заземе позиција за разговори кои не се претворени во платформа или добро формулирани идеи, рече тој. Запрашан за идејата за „размена на северниот дел на Митровица за Прешевската долина", Бушати тврди дека тој никогаш не слушнал за идејата за сецесија од територијата. (Миа)

Бушати: Албанците во Македонија да го поддржат историскиот Договор

Предраг Кукиќ — Thu, 13 Sep 2018 13:57:39 +0000

Договорот меѓу Македонија и Грција има исклучително значење за демократската стабилност во регионот и за нашата заедничка евроатлантска перспектива. Затоа апелирам на сите граѓани на вашата земја, особено на Албанците кои живеат тука да дадат поддршка на историскиот Преспански договор, изјави денеска шефот на албанската дипломатија Дитмир Бушати на прес-конференцијата со неговиот македонски колега Никола Димитров. „Сите се согласуваме дека Албанците кои живеат во Македонија ќе бидат огромни поддржувачи на процесите кои течат и уште еднаш сакам да апелирам да излезат масовно да учествуаат во изградбата на иднината и на подобар живот тука. Во оваа насока ќе продолжиме блиско да соработуваме со цел да создадеме што подобра и поинклузивна средина“, рече Бушати.

Дитмир Бушати во посета на Македонија

Ивона Петрова — Thu, 13 Sep 2018 06:12:29 +0000

Министерот за Европа и надворешни работи на Република Албанија, Дитмир Бушати денеска ќе престојува во официјална посета на Република Македонија во рамки на која ќе се сретне со неговиот домаќин шефот на македонската дипломатија Никола Димитров. Бушати ќе има средби и со претседателот на Собранието на Република Македонија Талат Џафери и со вицепремиерот задолжен за европски прашања Бујар Османи. Како што соопшти МНР, на средбата на шефот на македонската дипломатија Димитров со Бушати се очекува да стане збор за прашања значајни за билатералните односи меѓу двете земји, како и за перспективите на натамошната соработка во области од заеднички интерес, вклучително економијата, трговската размена и интерконективноста. Соговорниците ќе разменат мислења и за состојбите во регионот и перспективите на негово интегрирање во европските и евро-атлантските структури, по што е предвидена заедничка прес-конференција на Димитров и Бушати. Како што најавија од СЕП, изјави за медиуми се предвидени и по средбата на вицепремиерот Османи со министерот за Европа и надворешни работи на Република Албанија, Бушати. МИА

Шефот на албанската дипломатија посакува успешен референдум

Ивана Ефремовски — Sun, 26 Aug 2018 09:20:50 +0000

Aлбанскиот министер за надворешни работи и европски прашања, Дитмир Бушати, во своето интервју за весникот ''Панорама'', рече дека посакува успешен референдум на 30-ти септември, кој, според Бушати, е "можност за развој на земјата", пренесува InfoShquip. Тој нагласи дека Албанија го поддржувала дијалогот помеѓу Атина и Скопје, а во исто време ја поттикнува кохезијата на албанскиот политички фактор за да биде протагонист во трансформациски промени кои на "Скопје му овозможуваат напредок во процесот на зачленување во евро-атлантските структури". -Сакаме на референдумот на 30 септември граѓаните да го поддржат од самиот почеток на мировниот процес. Македонија пред себе имо можност која не се враќа . Во овој процес, улогата на албанците е одлучувачка. Демократската стабилност, меѓуетничките односи и членството на Северна Македонија во НАТО се во интерес на Албанците. Исполнувањето на обврските што произлегуваат од овој процес е од особена важност за Западен Балкан, трансформирајќи повеќе безбедносен простор , смета Дитмир Бушати, пренесе порталот. Во констатација на новинарот дека пред две години на премиерот на Албанија, Еди Рама, беше критикуван поради мешање во внатрешните работи на Македонија, кога го поттикна објавувањето на албанската платформа Бушати одговори дека во ниту еден случај и под никакви околности, Владата на премиерот Рама не дозволила мешање во внатрешните работи на соседите. -Начелно сме ги третирале драматичните случувања во Скопје, влошувањето на демократските стандарди и тенденцијата во изминатите години,албанците да се прикажуваат како деструктивен и радикален исламистички фактор. Ние секогаш сме биле заинтересирани за стабилноста и демократскиот развој на нашите соседи во нивните најтешките денови , одговори Бушати, додавајќи дека ќе продолжи да работи на зајакнување на политичката и социјалната кохезија на албанците, како основна гаранција за европска земја. "За Владата на Заев, се преземени некои чекори на билатерален план кои порано не можеше да се замислат. Сега веќе постои механизам за заеднички состаноци меѓу двете влади, инициран во Поградец, кој го разгледува развојот на нашите односи како во политичкиот план така и во однос на заедничката развојна перспектива на прекуграничните етнички групи и пошироко ", вели Бушати, пренесува InfoShquip. Тој вели дека го радува фактот што меѓуетничката клима е подобрена, иако постои потребата за развој на концептот на еднаквост помеѓу албанците и македонците како две главни заедници во земјата. -Се разбира, главната улога во развојот на статусот ја имаат албанските политички партии и самите албанци. Сепак, сметаме дека развојот на статусот на албанците е приоритетно прашање од национален интерес. Така да ние ќе продолжиме да се ангажираме во почитувањето на правата и идентитетот на тамошните албанци , рече шефот на албанската дипломатија, Дитмир Бушати.

Министерот Бушати главен албански преговарач со ЕУ

Матеја Петровски — Wed, 18 Jul 2018 13:13:10 +0000

Министерот за Европа и шеф на дипломатијата, Дитмир Бушати е назначен за главен преповарач со Европска унија, откако вчера Албанија го почна процесот на скрининг за подготовка на почетокот на пристапните преговори со ЕУ, кои се очекува да се отворат во јуни следната година. Во исто време, Владата за технички преговарач го назначи Генти Цакај, заменик министер за Европа и надворешни работи, кој е од Косово, а на оваа функција дојде од местото советник за надворешна политика на премиерот Еди Рама. Министерот Бушати во првата своја изјава во својство на главен преговарач со ЕУ, оцени дека „процесот е тежок но предизвикувачки“ и оти земјата е подготвено успешно да го спроведе тој процес. Тој се задржа и околу прашањето за договорот со Грција околу морската граница, при што не даде одредница кога преговорите ќе завршат. Според него преговарачките тимови разгледуваат три документи, за морската граница, за граничните камења и менаџирање на граничните инциденти. Со овие договори, смета тој, ќе бидат затворени сите прашања за кои се разговара. (Миа)

Судот во Тирана бара да се поведе административна постапка против министерот Бушати за навреда на Македонците

Матеја Петровски — Mon, 28 May 2018 09:17:51 +0000

Административниот суд во Тирана пресуди во корист на Македонците во Албанија, поништувајќи ја одлуката на Комесарот за заштита од дискриминација и му наложи на истиот да ја разгледа жалбата против министерот Бушати, кој Македонците ги нарече "Славо-Македонци". Македонското друштво "Сонце", поднесе жалба до Комесарот за заштита од дискриминација, барајќи јавно извинување од министерот за надворешни работи на Република Албанија, Дитмир Бушати, бидејќи при едно негово интервју дадено на 9 јануари 2017 за телевизија "Топ ченел", коментирајќи ги состојбите во Република Македонија го користеше терминот "Славо-Македонци" за македонскиот народ. Комесарот за заштита од дискриминација не ја прифати жалбата на македонското друштво "Сонце", со образложение дека не ги исполнувала условите предвидени со законот за заштита од дискриминација. - Сметајќи дека терминологијата што ја користеше министерот Бушати е навредлива и понижувачка за Македонците, упативме жалба до Комесарот за заштита од дискриминација придружена со соодветни докази, барајќи јавно извинување од министерот Бушати за употребата на терминот "Славо-Македонци" и во иднина да не употребува навредливи термини против македонскиот народ, изјави за МИА Васил Стерјовски претседател на МД „Сонце“. Според него, Комесарот за заштита од дискриминација ја одбил нивната жалба, по 13 месеци, со образложение дека со жалбата не е доставен идентификациски документ на Стерјовски. - Поради ова се жалевме до Административниот суд во Тирана каде баравме поништување на одлуката на комесарот и обврска да ја разгледа жалбата. Во судска постапка докажав дека имав доставено идентификациски документ и дека Комесарот за заштита од дискриминација во овој случај ги прекршил роковите предвидени со Законот за заштита од дискриминација, при што беше должен да донесе одлука во рок од 90 дена од денот на приемот на жалбата, а тоа тој го направи по една година и еден месец. Административниот суд во Тирана на крајот донесе одлука со која се прифати нашата тужба, ја поништи одлуката на Комесарот за заштита од дискриминација со обврска да ја разгледа нашата жалба, вели Стерјовски. Според одлуката на судот, посочува тој, неразгледувањето на жалбата од страна на Комесарот е неоснована со закон и факти. Во конкретниот случај, стои во одлуката на судот, отсуството на идентификациски документ, дури и ако се докажеше дека е факт, не може да се смета како околност за да се одлучи да не се прифати жалбата. - Одлуката е неоснована бидејќи е докажано дека подносителот на жалбата приложил со жалбата докази и се повикува на доволно елементи за сомневање за дискриминација која би била доволна за поведување на административна истрага, се наведува во одлуката на судот. (Миа)