дива свиња – Kurir.mk

Дива свиња нападна сноубордери во ски ресорт во Јапонија (ВИДЕО)

Ристе Здравков — Wed, 15 Feb 2023 13:14:07 +0000

Објавено неверојатно видео каде дива свиња напаѓа сноубордери во ски ресорт во централна Јапонија. Дивото животно нападна сноубордер, соборувајќи го на земја а потоа напаѓа уште еден сноубордер. Веднаш по првиот напад дивото животно нападна уште еден сноубордер по што избега од ски патеката.

Од први февруари забранет лов на дива свиња

Ивона Петрова — Thu, 02 Feb 2023 08:35:40 +0000

Покрај основните дејности, Јавното претпријатие врши и други дејности, кои се во врска со основните, а кои придонесуваат за подобро искористување на капацитетите, а тоа се лов и ловен туризам, одгледување на дивеч, собирање и доработка на други шумски производи. Според Законот за ловство, 31-ви јануари беше последниот ден за лов на дива свиња, информира Ловечката Федерација. Ловот на дива свиња е завршен, бидејќи влегуваат во период кога на дивечот му треба мир, за неговата природна репродукција. -Во меѓувреме, ќе се организираат хајки за штетен дивеч, за да се заштити популацијата на младенчињата на полезниот дивеч. Потоа, следува редовното пролетно пребројување и повторно подготовки за новата ловна година, во двете ловишта за крупен дивеч со кои располага Јавното претпријатие „Национални шуми“, на вкупна површина од 23.330ха.

ФОТО: Вевчанецот Крсте Шутиноски уловил дива свиња од 250 килограми

Ристе Здравков — Mon, 24 Jan 2022 19:39:29 +0000

Вистински ѕвер уловен во планините на село Вевчани- Вевчанецот Крсте Шутиноски уловил вистински ѕвер со тешина од над 250 килограми. Сепак, колку и да е голема оваа дива свиња, не е најголемата уловена досега, тој рекорд го држи еден ловец од Алабама -Џорџија чиј улов тежел неверојатни 400 килограми.

Сакал да убие дива свиња, но таа го убила него- ЛОВЕЧКА ДРАМА ВО НЕГОТИНСКО

Катерина Бојаџиева — Mon, 29 Nov 2021 15:59:14 +0000

На 28.11.2021 околу 08.00 часот во СВР Велес е пријавено дека во близина на с.Вешје, неготинско, при лов, Т.Т.(50) од с.Долни Дисан испукал еден куршум кон дива свиња, но не успеал да ја погоди, по што таа го нападнала, нанесувајќи му тешки телесни повреди, од кои починал на лице место. Увид извршиле Јавен обвинител и екипа од ОВР Неготино.

ВИДЕО: Дива свиња ужива и се бања во Охридското езеро

Магдалена Андонова — Mon, 04 Oct 2021 18:35:40 +0000

На социјалните мрежи кружи интересно видео на кое јасно се гледа како дива свиња се капе во Охридското Езеро. -Летната туристичката сеозна ја оставивме зад нас, а дека капењето во Охридското Езеро е секогаш атрактивно покажува и настанот што се случи денес во селото Пештани, пренесува Охрид1.

ФОТО: Дива свиња „си игра“ во делчевскиот Детски парк

Катерина Бојаџиева — Sun, 20 Jun 2021 18:47:24 +0000

Млада дива свиња денеска ги растревожи посетителите во делчевскиот Детски парк во населбата Ново Делчево. Свињата прва ја забележала делчевката Розета Сугарева која случајот го пријавила во полиција, од каде поради ненадлежност за случајот добила насока да се обрати до шинтерска служба или Ловно друштво. Случката ја потврдија и родители кои со своите деца го посетија Детскиот парк во Ново Делчево. -Само што стасавме и се паркиравме прасето беше овде кај лулашките. Кога ги виде децата избега некој од присутните рече најверојатно кон реката. Имаше од 40-50 килограми, не правеше проблеми изгледаше повеќе уплашено, истакна родител на едно од децата кои си играа во паркот. Ваквата појава според родителот е невообичаена, бидејки порано немало вакви случаи во градот да се шетаат диви свињи. Постарите жители кои ги затекнавме во паркот се осврнаа и на неодамнешниот случај за присуството на мечка која била забележана во атарот на неколку села. -Тоа со мечката е така, бидејки тие диви животни се движат онаму каде нема луѓе, а бидејки во повеќето наши села веќе нема жители, се случува да се симнат од повисоките места и да уништат пчеларници како што тоа беше случај во селото Киселица и на неколку други места, истакна Драган Димитровски од Делчево. Велат дека ваквите појави и понатаму ќе бидат забележливи во селските средини особено во селата каде повеќе не живеат луѓе.

Гол маж брка дива свиња , што му го украла лаптопот (ФОТО)

Ристе Здравков — Fri, 07 Aug 2020 19:55:15 +0000

Нудист од Берлин доживеа непријатност додека се сончал откако дива свиња му ја украде торбата во која го чувал лаптопот и избега со неа. Човекот се фрли во лов на животното, додека другите нудисти го гледаа и гласно се смееја. Актерката Адел Ландауер ја снимила необична ситуација во популарното одморалиште Тауфелсе и ја објави на Фејсбук. „Природата возвраќа“, се пошегува таа, додавајќи дека и главниот лик на приказната се смеел. „Тој даде се од себе. Му ги покажав фотографиите, се насмеа и ми остави да ги објавам“, напиша таа.

Ловокрадци кај велешко Рудник застрелале дива свиња во време на ловостој

Магдалена Андонова — Thu, 06 Aug 2020 14:27:47 +0000

Ловочуварската служба во месноста викана Вакавска корија кај велешкото село Рудник на повик на граѓани синоќа во 21.55 часот утврдила четири испукани куршуми. Повикале полиција и околу 22.40 во куќа кај селото Рудник биле откриени тројца сторители, сите од Скопје, кои во време на ловостој убиле дива свиња маторица штотуку опрасена со седум прасиња. Тоа е спротивно на Законот за ловство, потенцираат од ЛД „Руен“. Затоа тие преку свој адвокат до ОЈО Велес ќе поднесат кривична пријава против прекршителите на законот, изјави за МИА Ване Нанов, ловочувар од ЛД „Руен“ од Велес кој бил на настанот. Кај еден од сторителите била откриена и одземена ловечка пушка, а вториот во меѓувреме ја фрлил и не можеле да ја најдат. Нанов рече дека во 21.55 часот во месноста викана „Вакавска корија“ било пукано со четири истрели од огнено оружје за што ги известиле нив, Ловочуварската служба на ЛД „Руен“. Кога дошле на местото на настанот, лицата биле повлечени од местото, но биле забележани во куќа и како од кола истовараат дива свиња од околу 120 килограми. -Повикавме да дојде полиција затоа што се работеше за куќа и сите заедно околу 22.40 часот влеговме и направивме записници, при што беше одземена пушка од еден од сторителите, појасни Нанов. Вториот од групата демантирал дека бил на лов и ја фрлил пушката во капини кај коријата што не можеле да ја најдат. Станува збор за три лица сите од Скопје – К.Ф. (57), од кого била одземена ловечката пушка и предадена на СВР Велес, вториот е С.Ц. (62) и третиот Ж.Ф., син на првиот. -Тие се скопјани кои подолго време ловат на нашите терени. Дивечот го продаваат и ова е чисто комерцијален лов. Затоа ние моравме да им застанеме на патот и да ги спречиме, додаде Нанов. ЛД „Руен“ е концесионер на ловиштата во поширокиот велешки регион и го регулира спроведувањето на законот особено за време на ловостој, кој трае од 1 февруари до 30 септември. Во овој период е забранет лов на дива свиња и на останати животни на терените кои се под концесија на „Руен“. Од ловечкото друштво соопштија дека од 1 август почна ловот на прелетен дивеч. (MИА)

Дива свиња трчала низ Куманово, животното е заловено и еутанизирано

Ивана Ефремовски — Mon, 16 Sep 2019 12:06:21 +0000

Дива свиња која трчала по неколку улици во Куманово утрово ги вознемири граѓаните. Животното, кое прво било видено на улицата „Никола Тесла“, а подоцна и кај градскиот стадион, но и во други делови од централното градско подрачје, е заловено и еутанизирано. Случајот во СВР Куманово бил пријавен во 3:30 часот, потврди МВР. Очевидци раскажаа дека животното панично трчало во тој дел од градот. Кумановци не го криеја изненадувањето како диво животно се нашло во урбана средина. Од Агенцијата за храна и ветеринарство го потврија случајот и велат дека се преземени сите мерки. Официјален ветеринар на Агенцијата за храна и ветеринарство издал решение за нештетно отстранување (закопување во јама гробница), на труп од дива свиња, која утрово е еутаназирана во сточарскиот ветеринарен центар „Тодор Велков” во Куманово. -Станува збор за единка, за чие присуство во градот Куманово, во раните утрински часови било алармирано од страна на граѓани, а во чие заловување биле вклучени официјални ветеринари, припадници на Министерството за внатрешни работи и од ветеринарната станица „Тодор Велков”- се вели во соопштението на Агенцијата за храна и ветеринарство. При еутаназирањето на дивата свиња од страна на официјален ветеринар на Агенцијата, исполнети се барањата од законите за здравствена заштита и благосостојбата на животните. Земени се мостри за лабораториско испитување и детектирање на евентуално присуство на вирусот на класична и африканска свинска чума.

По поплавите: Диви свињи на улиците во Белград (ВИДЕО)

Катерина Бојаџиева — Thu, 06 Jun 2019 09:19:11 +0000

Поплавите во Белград донесоа неканети гости на улиците на српскиот главен град- во oпштина Нов Белград, биле забележани стадо диви свињи. Имено, животните, бегајќи од надојдената вода, спас нашле во урбаните средини.

ortak naleteo na VEPRA kod ušća?!??!?!!??! sinoć?!??!?, pic.twitter.com/Cm2Th4rlEJ
— DONATELLA BURSACE (@VanjaBursac) June 6, 2019