Риз Витерспун откри која и била најтешката улога, еве како ја променила

Ивона Петрова — Wed, 16 Jun 2021 06:37:34 +0000

Глумицата Риз Витерспун доби Оскар за „Одејќи по линијата“ (Walk the Line), но таа вели дека токму нејзината улога во „Дивa“ (Wild) e онаа што најмногу ја сменила како актерка. Витерспун во разговор за писанието „Интервју“ рече дека била „премногу исплашена“ да ја преземе улогата во филмот од 2014 година. Тој е заснован на мемоарите на Шерил Стрејд, со наслов „Дивa: Изгубена и пронајдена на патеката на пацифичкиот гребен“. – Бев хипнотизирана, и толку бев исплашена… Имав напади на паника три недели пред да почнам со снимањето… Дел од тоа беше аспектот на голотијата, сексуалноста и употребата на дрога, но исто така и – да се биде сама пред камера, без други глумци, откри Витерспун која е главна улога, и продуцентка на филмот. Приказната е за патувањето на Стрејд „кон самоспознавањето“, при што таа пешачела сама в пустина. – Никогаш не сум била сама на снимање со денови и денови. Веројатно имаше 25 дена од снимањето каде немав друг глумец покрај мене. Бевме само јас, камерата и ранецот, раскажува Витерспун. Според неа, филмот во основа ја прикажува моќта на жената и како секоја од нив е способна да се чува и грижи самата за себе.

Како да ја сакаш девојката со диво срце?

Ристе Здравков — Fri, 16 Nov 2018 08:39:52 +0000

Сакај ја диво. Таа наоѓа сила во нејзината независност и собира самодоверба од нејзината љубопитност и желба за авантура. Таа се чувствува жива кога има можност да истражува, кога може да го почувствува песокот на нејзините стопала, кога може да зборува со странци и кога може да биде сама и да се изгуби во своите мисли. Таа верува во страста и слободата. Дозволи и да се чувствува сигурно во твоите прегратки, но не ја гуши премногу. Дозволи и да диши сопствен воздух, да се бори со своите дмеони, да ги брка своите страсти. Биди покрај неа и направи го истото. Таа ќе те сака и ќе ти дозволи да влезеш во нејзиниот живот. Но, таа не сака ништо повеќе од тоа да ја задржи својата индивидуалност, да не мора да се менува заради друга личност. Но, таа ќе те сака највеќе на светот. Не се обидувај да ја контролираш. Оваа девојка е дива. Таа не сака да ги следи правилата, таа не сака да живее сигурен и досаден живот, таа не сака да им слугува на општествените правила. Не се обидувај да ја контролираш. Немој ни да се осмелиш да и кажеш дека нејзината перспектива е погрешна. Не ја прекинувај кога зборува за своите искуства и не се обидувај да ја смениш. Сакај ја таква каква што е и дозволи да те сака. Таа не се плаши да чувствува. Таа не се плаши да се изрази. Научи го тоа од неа. Биди со неа, и дозволи и да те сака силно.

дива – Kurir.mk

Риз Витерспун откри која и била најтешката улога, еве како ја променила

Како да ја сакаш девојката со диво срце?