дивеење – Kurir.mk

ВИДЕО: Нова снимка од дивеењето на бугарските навивачи

Ристе Здравков — Sat, 29 Jul 2023 14:48:34 +0000

Нова снимка од Градскиот стадион пред натправарот Шкупи Левски Софија во Скопје, покажува дека бугарските навивачи биле насилни кон полицијата. Тие фрлаат со метални шипки, со шишиња и со други предмети. Токму бугарските новинари денеска бараа од министерот Бујар османи да ги коментира изјавите од некои бугарски политичари дека со овие инциденти Македонија се оддалечува од Европа. Тој кажа дека „тоа е жално и некоректно“. Повтори дека сите што ќе се обидат да извлечат политички анализи од тензии помеѓу навивачи, тоа го прават злонамерно и не мислат добро на односите меѓу двете држави. – Ставот на МНР на Република Бугарија беше коректен и тоа јас го ценам како однос на бугарската држава. Политичките партии коишто се обидуваат да добијат политички поени на основа на тензии меѓу навивачите, не и мислат добро ниту на Бугарија, ниту на Северна Македонија, ниту на односите помеѓу двете држави, уште помалку на основа на тензии меѓу навивачи да ја процениме европската подготвеност на Северна Македонија, рече Османи. Навивачите на Левски кои беа уапсени поради инцидентите пред натпреварот со Шкупи беа пуштени на слобода. Навивачите од Софија кои останаа во Скопје ги собрале неопходните пари за да ја платат казната за уапсените фанови (150 до 200 евра по лице), по што бугарските хулигани беа пуштени на слобода и заминаа во Бугарија. Според бугарскиот портал „Гонг“, вината за инцидентите на стадионот треба да се бара кај лицата од обезбедувањето најмено од страна на Шкупи.

РСБСП: Да не се користи ситуацијата со коронавирусот за дивеење по улиците

Дарко Андоновски — Mon, 16 Mar 2020 09:49:38 +0000

Голем број сообраќајни незгоди, повредени и загинати лица бележи статистиката деновиве, иако е намален интензитетот и на моторизираниот и на немоторизираниот сообраќај поради мерките за заштита од корона вирусот, информира Републичкиот совет за безбедност во сообраќајот и патиштата (РСБСП) и апелира на одговорно учество во сообраќајот. Според РСБСП, да се користи ситуацијата за да се беснее по улиците, да се користат полупразните булевари за достигнување максимални брзини и да се организираат трки е надвор од сите хумани и цивилизациски вредности. -Го осудуваме секое девијантно и неодговорно однесување во сообраќајот и апелираме до сите учесници во сообраќајот да бидат внимателни и одговорни, да ги почитуваат сообраќајните правила и прописи, особено правилата за ограничување на брзината. Во ситуација кога СЗО прогласи пандемија, во ситуација во која секојдневно на светско ниво стигаат информации за нови заразени и починати лица поради таканаречениот корона вирус, во ситуација кога капацитетите на МВР и на здравствените институции се максимално мобилизирани да се спречи ширење на вирусот, во ситуација кога пред сите надлежни институции, и пред сите нас како граѓани е исправен еден сериозен предизвик за спречување на ширењето на корона вирусот и минимизирање на последиците од него, нагласува РСБСП. Републичкиот совет за безбедност во сообраќајот и патиштата потсетува дека во изминатите 48 часа, две млади лица на мотоцикл го загубија животот во Кавадарци, повреден е мотоциклист во Скопје (Козле), превртена е цистерна на автопатот Штип-Свети Николе, автомобил е превртен на кров во Скопје (Аеродром),… Да бидат парадоксот и бесмислата уште поголеми, одредени медиуми пишуваат за организација на ноќни трки во Тетово. -Со дисциплинирано и одговорно учество во сообраќајот, најпрво ќе си помогнете на самите себе, ќе го заштитите сопствениот живот и сопственото здравје, а потоа и животот и здравјето на останатите учесници во сообраќајот. Бидете свесни и совесни и како граѓани и како учесници во сообраќајот. Со одговорното однесување во сообраќајот ќе си помогнете на себе, на другите, но ќе помогнете и на МВР и на здравствените институции за полесно справување со корона вирусот, нагласуваат од РСБСП.

Австралијанец дивеел по улиците на Сиднеј по што се самоубил

Ристе Здравков — Fri, 04 Jan 2019 11:35:22 +0000

Неидентификуван Австралијанец денеска со џип удрил во автомобил на сиднејската полиција, грабнал комби и такси возило, налетал на други автомобили и со нож ранил случаен минувач, по што извршил самоубиство пред полицајците. Драматичниот настан, за кој полицијата вели дека нема врска со тероризам, почнал откако полицајците се обиделе да застанат џип кој немал регистарски таблички. Возачот (24) на џипот тогаш удрил во полициското возило, потоа грабнал возило за достава на стока од супермаркетот во близина и се возел низ градот околу 20 километри, притоа удирајќи повеќе возила по пат. Се обидел да украде уште едно возило, при што со нож прободел минувач кој се обидел да го спречи, пред да украде такси возило. Полицијата успеала да го застане и се обидела да го онеспособи со електрошок, но тој сам се прободел со нож во градите и починал на самото место. – Напаѓачот не се обидувал намерно да им наштети на луѓето. Тој се обиде да направи се за да избегне апсење, а неговите постапки се типични за личност за која полицијата верува дека имала ментални здравствени проблеми, изјави помошник комесарот на полицијата Мик Фицџералд. Тој рече дека напаѓачот и бил познат на полицијата, но дека немал некое значајно криминално минато. Полицијата не го откри идентитетот на напаѓачот, ниту, пак, соопшти детали за инцидентот.