диви трки – Kurir.mk

ФОТО: Полицијата одзеде шест возила поради учество во „диви трки“

Катерина Бојаџиева — Sun, 21 Aug 2022 09:53:34 +0000

Полициски службеници од Одделението за безбедност при сообраќај при СВР Скопје синоќа околу 21:40 часот одзедоа шест возила поради учество во „диви трки“, соопшти Министерството за внатрешни работи. – На 20.08.2022 околу 21.40 часот на ул. Бојмија во Скопје полициски службеници од Одделението за безбедност на патниот сообраќај при СВР Скопје одзедоа шест возила, поради учество во т.н. диви трки, велат од МВР. Оттаму информираат дека возилата ќе бидат однесени во Станица за технички преглед каде ќе им биде извршен вонреден технички преглед и против сопствениците ќе бидат поднесени соодветни поднесоци.

Одземени три возила поради учество во “диви трки” на автопатот Тетово-Скопје

Тале Кристо — Sun, 31 Jul 2022 16:46:02 +0000

Секторот за внатрешни работи Тетово-Полициска станица за безбедност на сообраќајот Тетово откри и времено одзеде три патнички возила, поради сомнение дека учествувале во таканаречени "диви" трки на автопатот Тетово-Скопје, во непосредна близина на Требошки натпатник. Притоа, одземени се: "бмв" со странски регистарски ознаки, управувано од Б.М.(27) од Гостивар, "сеат ибица", со тетовски ознаки што го управувал 28-годишниот А.Ш. од Скопје и "фолксваген голф", со скопски ознаки, управувано од У.С.(21) од Тетово. Одземена, исто така, е и возачка дозвола од Л.А.(39) од Швајцарија, кој го управувал патничкото моторно возило "бмв". По целосно расчистување на сите поединости околу случајот, на инволвираните ќе им се изготват соодветни поднесоци.

Исклучени 15 возила кои вршеле подготовки за организирање диви трки на автопатот Тетово-Скопје

Магдалена Андонова — Thu, 21 Jul 2022 13:57:47 +0000

На 20/21.07.2022 на булевар ,,Маршал Тито“ биле исклучени 15 возила со македонски и странски регистарски ознаки согласно член 344 став 2 и 3, кои вршеле подготовки за организирање диви трки на автопатот Тетово-Скопје и обратно. Кон нив се преземени соодветни мерки и изречени им се санкции за прекршоците кои им биле констатирани. Секторот за внатрешни работи Тетово апелира до возачите да ги почитуваат законските правила и прописи во сообраќајот, навремено да ја проверуваат техничката исправност на возилата, да не организираат трки на автопатот и да придонесат за нивната безбедност и безбедноста на другите учесници во сообраќајот. Во спротивно, согласно Законот за безбедност на сообраќајот на патиштата, ќе им бидат конфискувани нивните возила во рок од 90 дена.

Казнети „диви тркачи“ во Скопје, одземени мотоцикли

Ивона Петрова — Mon, 20 Jul 2020 08:11:23 +0000

Секторот за сообраќајни работи при Бирото за јавна безбедност во координација со Одделението за безбедност на патниот сообраќај при Секторот за внатрешни работи Скопје на 19/20.07.2020 во периодот од 18.00 до 02.00 часот спроведе акциска контрола за откривање на возачи на мотори кои организираат „диви трки“ на подрачјето на Скопје информираат од МВР. Притоа санкционирани се 12 возачи на мотори кај кои се констатирани низа прекршоци, а привремено биле одземени три мотоцикли.

Полициска акција вчера вечер: Еден приведен и 135 сообраќајни казни за диви трки со мотори во Скопје

Матеја Петровски — Fri, 08 Jun 2018 10:08:23 +0000

Едно лице е приведено поради сомнение за сторено кривично дело, а вкупно 135 мерки за сторени сообраќајни прекршоци се преземени од страна на Министерството за внатрешни работи во рамки на синоќешните контроли за спречување на организирање и учество на диви трки на мотоциклисти во Скопје. Издадени се 77 мандатни платни налози и 58 прекршочни налози за сторени прекршоци од Законот за безбедност на сообараќајот на патиштата и Законот за возила кон возачи. Контролите се спроведени вчера во периодот од 20:00 до 01:00 часот од страна на Одделението за безбедност на сообраќајот при СВР-Скопје на булеварот „Партизански Одреди" и улицата „Христијан Тодоровски Карпош", со цел откривање и санкционирање на возачите кои организираат и учествуваат во диви трки. Привремно се задржани два мотоцикли, поради сомнение на вградување на одделни системи, составни делови, самостојни технички единици и опрема што се разликува од основно вградените-издувни системи по член 53 од Законот за возила. СВР-Скопје, како што се наведува во соопштението, ќе продолжи со спроведување редовни контроли за спречување на организирање и учество на диви трки на мотоциклисти во Скопје. (Миа)