„Скандалот „Диво месо“ покажува дека и во 2023 година се правеле тешки милионски злоупотреби на сметка на пациентите на онкологија, одговорност за канцер мафијата мора да има“

Дарко Андоновски — Fri, 03 Nov 2023 08:43:47 +0000

Скандалот „Диво Месо„ на онкологија ја покажува целата монструозност на канцер мафијата која се богатела на грбот на најтешко болните пациенти. После два месеци предистрага Обвинителството молчи за скандалот со Онкологија, нема ни обвинение, па дури ни официјална истрага. Тоа покажува дека власта на СДС и ДУИ го води и овој случај исто како и процесот со трагедијата со модуларната болница, со трагедијата кај Ласкарци или трагедијата со Беса транс. Се оди кон тоа и за Онкологија виновен да биде продолжениот кабел, ова денеска преку соопштение до јавноста го истакнаа од ВМРО-ДПМНЕ. „Монструозноста во овој случај е во тоа што иако траел со месеци и години наназад, па дури и во 2023 кога наголемо се говорело веќе за злоупотребите со терапијата и третманот на клиниката за Онкологија, реакција од надлежните немало. Ниту министерството за здравство, ниту МВР, ниту ЈО. Согласно документите кои ги презентиравме клиниката за Онкологија и покрај доволните залихи со лекови, набавувала нови количини од омилената веледрогерија на власта. Иако ги “оќореле“ од пари, сепак пациентите биле оставани без терапија и за тоа никој не бил повикуван на одговорност. Како е тоа возможно? Добавувачот на скапата терапија правел дефектури, доцнења, со доставата и никој за тоа не алармирал или не повел постапка. Исто така, она кое што е видливо од документите кои ги претставивме во јавноста, во клиниката веројатно свесно не се водело сметка за трошењето на вијалите со скапата терапија. Односно, ако една вијала се потрошела до половина за еден третман на еден пациент, другата половина не се знае дали и на кого била искористена, затоа што не се водела евиденција. Тоа остава простор за злоупотреби, препродавање на црно или во најмала рака несовесно користење на екстремно скапа терапија која е купена со народни пари. На крајот она кое што особено загрижува е што скапата терапија била давана во торби на лица кои биле заведени како пациенти за да ја аплицираат надвор од клиниката за онкологија, без да се знае дали воопшто била аплицирана или била злоупотребена“, велат од партијата. Од таму додаваат дека овде се работи за мафијашки систем на злоупотреба на скапа терапија на клиниката за Онкологија кој траел вклучително и во 2023 година, што предизвикал екстремен трошок за здравството, штета на буџетот и најстрашно од се се правел на сметка на пациенти кои или не добивале терапија или ненавремено ја добивале. -За овој случај не смее да нема одговорност. Овде се работи за диво месо кое го уништува системот на здравствена заштита. Колку и да го кријат, одолговлекуваат или забошотуваат овој скандал, треба да знаат дека документите покажуваат дека се работи за грозоморен криминал за кој сега или наскоро ќе има одговорност, велат од партијата.

Драмски најавува: Проекции на претставите „Диво месо“ и „Дупло дно“ во сабота и понеделник

Ивона Петрова — Fri, 30 Nov 2018 11:17:03 +0000

Драмскиот театар најавува дека започнува со низа настани со кои ќе потсетат на ремек делата на македонски писател и драматург, Горан Стефановски кој почина на 27 ноември. Во сабота (1.12) од 19:00 часот проекција на претставата „Диво месо“ (1979) во режија на Слободан Унковски воведен збор и модератор на настанот ќе има м-р Александра Бошковска Продолжуваме во понеделник (3.12) од 19:00 часот проекција на претставата „Дупло дно“ (1984) во режија на Слободан Унковски воведен збор и модератор ќе биде д-р Мишел Павловски, информираат од Драмски театар.

„диво месо“ – Kurir.mk

Драмски најавува: Проекции на претставите „Диво месо“ и „Дупло дно“ во сабота и понеделник