дизелдорф – Kurir.mk

Евакуација на божиќен пазар во Дизелдорф

Ивона Петрова — Mon, 05 Dec 2022 17:43:08 +0000

Полицијата во Дизелдорф превентивно го евакуирала и затворила божиќниот пазар во стариот дел на градот, откако добила дојава за опасност, објави германскиот весник „Билд“. Весникот наведува дека полицијата го евакуирала пазарот откако неименувано лице се заканило дека ќе помине со камион низ пазарот. Пред нешто повеќе од една недела, полицијата во Берлин ги затвори патиштата и ја зголеми безбедноста околу божиќниот пазар Александарплац поради телефонски закани. Берлинер цајтунг потоа објави дека непознато лице и се заканувало на полицијата дека ќе ги прегази посетителите со својот автомобил. Дванаесет лица загинаа, а 50 беа повредени во терористички напад со камион на божиќниот пазар во Берлин на 19 декември 2016 година, за кој одговорноста ја презеде ИД.

Пожар во болница во Дизелдорф – еден загинат и десетици повредени

Ивона Петрова — Tue, 10 Sep 2019 07:12:10 +0000

Еден човек на возраст од 77 години загина и десетици се повредени во пожар во болница во Дизелдорф, јави ДПА. Од повредените седуммина се во животна опасност. Шеесет и еден човек се пожалиле на болки поради вдушување чад. Причината за пожарот засега е непозната. Пожарот почнал да се шири од болничката соба во која било најдено неговото тело.

Патниците шокирани и нервозни: Летнаа кон Дизелдорф, но ги пречекаа со порака „Добредојдовте во Единбург“

Ивана Ефремовски — Mon, 25 Mar 2019 16:39:15 +0000

Авион на компанијата „Бритиш ервејс”, кој требаше да лета до Дизелдорф, слета во Единбург по грешка, објави БиБиСи. Причината за кардиналната грешка е неправилно доставување на документацијата за летање. Патниците сфатиле дека не слетале на местото за каде тргнале, дури откако чуле дека ги поздравуваат со „Добредојдовте во Единбург“. Летот беше пренасочен, а подоцна авионот слета во Дизелдорф. Авиокомпанијата го испитува случајот. „Се извинуваме на нашите клиенти за оваа пауза при нивното патување и ќе се обратиме кон секого поединечно”, посочија во официјалниот став од „Бритиш ервејс”. Сé уште не е познат бројот на патници за Дизелдорф. Од компанијата додаваат дека пилотот го насочил курсот кон Шкотска, откако од воздушната контрола му ги дале таквите инструкции. Поголем дел од патниците се пожалија на социјалните мрежи.

Паника во Германија: „Пристапот до езерото е затворен, во водите има анаконда“ (ФОТО)

Курир — Fri, 24 Aug 2018 13:01:26 +0000

Звучи како да станува збор за информација од Амазон, но овој случај се однесува за езерото Латумер, крај Дизелдорф во Германија, каде завладеала паника откако повеќемина забележале долга змија. Врз основа на фотографиите, специјалистите велат дека нема место за паника, зашто станува збор за жолта анаконда, долга околу две метри и која не е опасна за луѓето. Весникот „Рајнише пост“ прв објави информација за амазонскиот предатор кој некако се нашол во водите на Латумер и кој е вистинска закана за помали животни, како на пример мачки или зајаци. Откако експертите потврдиле дека анаконда има во езерото, властите ја затворија зоната за посетители и сега е во тек по фаќање на влекачот. На еден напис стои: „Пристапот до езерото е затворен! Во водите на езерото има жолта анаконда“. Експертите очекуваат нејзе да ја лоцираат на суво додека ја загрева телесната температура на сонце.