дизни – Kurir.mk

ЅВЕЗДАТА ОД ФИЛМОВИТЕ НА ДИЗНИ ЗАГИНА НА БИЗАРЕН НАЧИН – имаше само 30 години, лекарите не можеле да направат ништо по овој кобен настан (ФОТО)

Дарко Андоновски — Wed, 14 Jun 2023 13:33:24 +0000

Јужнокорејската актерка Парк Су Рјун трагично почина на 30-годишна возраст, објави „Осен“. Таа наводно починала откако паднала по скали додека се враќала дома во неделата попладне. Актерката била пренесена во болница и лекарите се бореле за нејзиниот живот, но за жал таа им подлегнала на повредите. Семејството на Парк Су Рјун одлучи да ги донира нејзините органи. „Мора да има некој таму на кој очајно му требаат органи. Како нејзини мајка и татко, утеха ни е да знаеме дека нејзиното срце отишло кај некого и дека чука“, пренесуваат медиумите. Актерката се прослави со улогата во популарната јужнокорејска драма „Snowdrop“ од 2021 година, која публиката имаше можност да ја погледне на каналот Disney+.

„Дизни“ го претстави новиот робот „Грот” за во тематските паркови (ВИДЕО)

Катерина Бојаџиева — Mon, 12 Jun 2023 09:19:09 +0000

Компанијата „Дизни“ го претстави новиот робот којшто наскоро ќе се појави во тематските паркови. Новиот лик е всушност верзија на бебето Грот од приказната „Чувари на галаксијата“, а на видеото се гледа како роботот зборува, танцува и покажува чувства... „Ние сме компанија која раскажува приказни, па сакаме да ги оживееме ликовите на најверодостоен можен начин. За нас тоа овојпат значи - роботизиран лик кој се движи, оди, гестикулира и 'чувствува'... Сакаме нашите гости да бидат возбудени - и возрасните и децата. Одлично е да се види дека тие разбираат колку е ова уникатно и забавно“, соопшти „Дизни“. Роботот засега е во фаза на тестирање, а не се знае точно кога ќе пристигне во парковите на „Дизни“ ширум светот. Компанијата од светот на забавата тестира и други слични роботи.

Почина позната актерка: Децата се плашеа од неа поради ОВАА улога, но таа беше ОМИЛЕНА меѓу фановите

Ивана Ефремовски — Fri, 05 Aug 2022 18:59:43 +0000

Актерката која го позајмуваше гласот на вештерката Урсула во еден од најпопуларните анимирани филмови на Дизни, Малата сирена, почина на 96-годишна возраст, потврди нејзиното семејство. -Пет Керол почина од пневмонија во нејзиниот дом во Кејп Код, објавија странските медиуми. Пет беше актерка и комичар, а гласот го позајмуваше за бројни цртани филмови, од кои најпознат е „Малата сирена“ од 1989 година. Нејзината морска вештерка Урсула сè уште е меѓу најомилените или најстрашните негативци на „Дизни“. Пет во една прилика рекла дека нејзиниот животен сон бил да учествува во филм на „Дизни“, па кога ја поканиле да биде Урсула, таа не се двоумела.

Дизни: Мини Маус по 100 години го менува фустанот за панталони

Магдалена Андонова — Fri, 28 Jan 2022 18:27:34 +0000

Мини Маус го менува стилот на облекување. Традиционалниот црвен фустан со точки, Мини Маус наскоро ќе го замени со сино одело, но ќе го задржи култниот лак. Новиот изглед го дизајнираше Стела Макартни како дел од триесетгодишнината од основањето на Дизниленд во Париз. Иако промената е моментална, реакциите на социјалните мрежи меѓу фановите на Дизни се различни. Мини синиот смокинг ќе биде премиерно прикажан во март 2022 година на прославата на Дизниленд во француската престолнина. - Со оваа промена, Мини Маус станува симбол на новата генерација, рече Макартни. Во изминатите неколку години, студиото Волт Дизни работи на збогатување на содржината на програмата со правење филмови со различни ликови. Така, во адаптацијата на Снежана, која ќе се појави наскоро, главната улога ја има латиноамериканската актерка Рејчел Зеглер. Сепак, реакциите за промената на облеката на Мини Маус се различни. Додека едни ја поздравуваат новината во облекувањето, други очајуваат што таа ја напушта класичната црвена боја и препознатливиот фустан. Американската конзервативна водителка Кендис Овенс ја критикуваше промената. Тој во ова ја гледа намерата да го претстави познатата Мини Маус како „помажествена“, обвинувајќи ги оние што стојат зад него дека се обидуваат да ги уништат „столбовите на општеството“. Таа подоцна на шега го спореди новиот изглед на Мини Маус со поранешната државна секретарка Хилари Клинтон, која е позната по тоа што носи одела. - Ќе провериме со нејзиниот кабинет дали ги поддржува или не промените во Париз, низ смеа изјави водителката. Некои обожаватели потсетија дека ова не е прв пат Мини Маус да носи панталони. Во филмот од 2019 година, таа се појавува во бели морнарски панталони во улогата на „Капетан Мини“ како дел од екипажот на бродот на Дизни. Читателите на стрипови првпат го запознаа познатиот глушец пред речиси 100 години во улогата на девојката на Мики Маус, херојот на Волт Дизни. Нејзиното вистинско име е Минерва, кое првпат стана познато во 1942 година.

ФОТО: На 111 години почина Рути Томпсон, легендарна цртачка на „Дизни“

Ивона Петрова — Tue, 12 Oct 2021 09:43:17 +0000

Рути Томпсон, која работела во студиото „Волт Дизни“, како цртачка во тн. „Оддел за цртање“, во „златниот период “ на компанијата за анимација, почина во сон во својот дом во Вудланд Хилс, Калифорнија, САД, во неделата. Таа имаше 111 години. Првиот долгометражен цртан филм кој го содржи нејзиниот труд е „Снежана и седумте џуџиња“ (1937). Потоа работела и на „Пинокио“ (1940), „Фантазија“ (1940), „Дамбо“ (1941), „Заспаната убавица“ (1959), „Мери Попинс“ (1964), „Аристокатите“ (1970), „Робин Худ“ (1973)… Томпсон работела во компанијата „Дизни“ речиси 40 години, па се пензионирала 1975 година, по завршувањето на работата на „Спасувачи“ (кој беше издаден 1977).

Скарлет Јохансон го тужи „Дизни“ за стрим на „Црна вдовица“

Ивона Петрова — Fri, 30 Jul 2021 07:31:42 +0000

Глумицата Скарлет Јохансон поднесе тужба до Врховниот суд во Лос Анџелес против „Дизни“ за прекршување на договорот, откако компанијата го прикажа филмот „Црна вдовица“ на својата стрим-платформа „Дизни плус“ скоро во истовреме кога започна тој да се прикажува во кината, пренесуваат светските медиуми. Во тужбата се наведува дека Јохансон се договорила со компанијата дека нејзиниот хонорар во голема мера ќе зависи од приходите што ги има филмот. Таа изјави дека компанијата „Марвел“, во сопственост на Дизни, ветила дека долгоочекуваниот суперхеројски филм ќе има кинопремиера, па ќе следи временска рамка пред тој да се емитува на стрим-платформата. „Црна вдовица“ е своевидна „Марвелова“ верзија на филмовите за Џејсон Борн. Заработи 218 милиони долари во првиот свој викенд овој месец. Според „Дизни“, нема причини за тужба, којашто ја оцени како „особено тажна и вознемирувачка поради негрижното занемарување на страшните и долготрајни ефекти на пандемијата на светско ниво“. Во соопштението се посочува и дека „Дизни“ целосно го почитува договорот со Скарлет Јохансон и оти „згора на тоа, објавувањето на ’Црна вдовица‘ на платформата ’Дизни плус‘ значително ќе ги подобри можностите глумицата да заработи дополнителен надомест, по 20-те милиони долари што таа ги доби досега”.

Овие прекрасни песни сите ги знаеме: Стихови испеани од принцезите на Дизни (ВИДЕО)

Ивана Ефремовски — Fri, 05 Mar 2021 17:42:24 +0000

Ова се најдобрите 20 песни кои се интерпретирани од страна на принцезите во филмовите. Листата вклучува песни како „Show Yourself“, „Almost There“, „Reflection“ и други, од филмови како „Robin Hood“, „Pocahontas“, „Beauty and the Beast“, итн. Сите ги знаат, а во продолжение можете да ги слушнете:

„Дизни“ отпушта 32.000 вработени поради коронавирусот

Ивона Петрова — Thu, 26 Nov 2020 09:44:25 +0000

Компанијата „Волт Дизни“ вчера објави дека ќе отпушти 32.000 работници во првата половина на 2021 година. Тоа, пред сѐ – кај оние кои се вработени во тематските паркови. Компанијата претходно, во септември објави дека наскоро може да има 28.000 отпуштања на вработени поради намалениот број посетители при пандемијата. Тематските паркови на „Дизни“ во Флорида и оние надвор од САД, повторно се отворени, но со воведени строги мерки на физичко растојание, често тестирање на вработените и задолжително носење заштитни маски. Така, во овие комплеккси не е забележано повторно некое поголемо жариште на вирусот. Но, Франција повторно воведе карантин на национално ниво кон крајот на минатиот месец, поради зголемениот број заразени, па Дизнилендот во Париз, исто така, е затворен. Тематските паркови во Шангај, Хонг Конг и Токио сѐ уште се отворени.

„Дизни“ откажа две големи кинопремиери

Ивона Петрова — Fri, 06 Nov 2020 10:11:08 +0000

Поради корона-пандемијата, „Дизни“ ги откажа киноприкажувањата на акционата комедија „Free Guy“ (Слободно момче) со Рајан Рејнолдс, и на „Death on the Nile“ (Смрт на Нил) со Кенет Брана. Двата филма требаше да излезат в декември. Нема нови датуми за премиерите. Новиот филм на Брана како режисер и во главната улога како Херкул Поаро, е продолжение на криминалистичката мистерија „Убиството на Ориент експрес“ од 2017 година. Прикажувањето на продолжението на „Жената чудо“ (Wonder Woman 1984), исто така во продукција „Дизни“, засега не е откажано. Датумот е – 25 декември 2020 година.

Најавено продолжение на „Кралот лав“

Ивона Петрова — Wed, 30 Sep 2020 10:57:55 +0000

Koмпанијата „Дизни“ објави дека ќе се снима продолжение на „Кралот лав“. Филмот ќе биде во 3-Д, а режијата му е доверена на Бери Џенкинс – оскаровецот за филмот „Месечина“ (Moonlight). „Кралот лав“ (2019), и покрај „млаките“ критики, досега заработи околу 1,6 милијарди долари. Во филмот, гласовите ги позајмија многу познати ѕвезди, меѓу кои и пејачката Бијонсе. „Дизни“ не соопшти повеќе подробности за вториот дел, којшто сѐ уште е во претпродукција.