дизниленд – Kurir.mk

Момче и девојка се запросиле во исто време, видеото стана хит на Инстаграм

Ристе Здравков — Thu, 25 May 2023 07:52:16 +0000

Дизниленд е идеално место за многумина за запросување на својот партнер, но еден пар се нашол во навистина уникатна ситуација. Имено, на видеото кое овие денови кружи на Инстаграм, една девојка одлучила да го запроси своето момче, но не знаела дека тој имал идентичен план.

View this post on Instagram

A post shared by 𝗠𝗮𝗷𝗶𝗰𝗮𝗹𝗹𝘆 𝗡𝗲𝘄𝘀 (@majicallynews)

Девојката клекнала пред момчето и извадила прстен, а тој започнал да се смее и потоа го извадил својот прстен и клекнал пред неа. Двајцата кажале „да“ еден на друг, се прегрнале и бакнале со громогласна поддршка од пријателите кои биле со нив, а постојано биле во неверување поради тоа што плановите им се поклопиле. Видеото стана голем хит на Инстаграм и досега има 425 илјади лајкови и мноштво коментари, а издвојуваме дел од нив во продолжение: „Тие се навистина сродни души“, „Создадени се еден за друг“, „Ова е добар знак дека ќе им биде убаво во животот“, „Ми го разубавија денот“, се дел од коментарите под видеото.

КОНЕЧНО: По една година повторно се отвара „Дизниленд“ – еве само за кои посетители ќе биде дозволен влез

Магдалена Андонова — Thu, 18 Mar 2021 12:30:52 +0000

Една година откако „Дизниленд“ ги затвори вратите и отпушти илјадници работници поради пандемија на коронавирусот, ќе продолжи со работа, и тоа од 30 април. Корона-пандемијата не е завршена, но „Дизниленд“ и „Дизни авантурите“ во Калифорнија сепак ќе ги отворат вратите за посетителите и ќе работат со капацитет од 15 отсто. Од сите посетители ќе се бара да носат маски, вклучително и децата над две години. И нивната температура ќе се мери пред да влезат во паркот. „Дизни“ воведува и нов систем на резервации за секој посетител. А, засега, само жителите на Калифорнија ќе можат да го посетат паркот. Пред две недели, Калифорнија донесе одлука со којашто се дозволува отворање на тематските паркови како „Дизниленд“ од 1 април и тие ќе можат да работат со капацитет од 14 до 35 отсто, во зависност од состојбата со коронавирусот во областа. „Дизниленд“ се наоѓа во Округот Оринџ, каде што сѐ уште има висок ризик од зараза. Поради тоа, турите ќе бидат поограничени. (МИА)

Двојно изненадување: Тој ја запроси во Дизниленд, а таа имаше уште подобра вест за него (ВИДЕО)

Ивана Ефремовски — Wed, 17 Feb 2021 09:26:29 +0000

Дизниленд за многумина, па така и за Самер и Вејвс е „најсреќното место на светот“. Двајцата подготвувале изненадување за својата љубов. Момчето планирало да ја запроси саканата, а таа сакала токму тука да му каже дека е бремена. Погледнете како изгледаа овие среќни моменти:

View this post on Instagram

A post shared by Proposal~Wedding~Engagement (@she_saidyes)

„Дизни“ отпушта 32.000 вработени поради коронавирусот

Ивона Петрова — Thu, 26 Nov 2020 09:44:25 +0000

Компанијата „Волт Дизни“ вчера објави дека ќе отпушти 32.000 работници во првата половина на 2021 година. Тоа, пред сѐ – кај оние кои се вработени во тематските паркови. Компанијата претходно, во септември објави дека наскоро може да има 28.000 отпуштања на вработени поради намалениот број посетители при пандемијата. Тематските паркови на „Дизни“ во Флорида и оние надвор од САД, повторно се отворени, но со воведени строги мерки на физичко растојание, често тестирање на вработените и задолжително носење заштитни маски. Така, во овие комплеккси не е забележано повторно некое поголемо жариште на вирусот. Но, Франција повторно воведе карантин на национално ниво кон крајот на минатиот месец, поради зголемениот број заразени, па Дизнилендот во Париз, исто така, е затворен. Тематските паркови во Шангај, Хонг Конг и Токио сѐ уште се отворени.

Дизниленд во Хонг Конг повторно ќе биде отворен

Ивона Петрова — Tue, 22 Sep 2020 07:57:09 +0000

Тематскиот парк Дизниленд во Хонг Конг ќе биде повторно отворен за јавноста в петок, со намален капацитет и дополнителни здравствени мерки. Во соопштението се вели дека ќе има проверки на температурата, задолжително носење маски, физичко растојание и почесто дезинфицирање. Ќе бидат означени и тн. „точки за сликање“ со ликовите на „Дизни“ на соодветно растојание. Посетителите ќе мора однапред да прават резервации преку интернет. Паркот привремено ги затвори своите врати во средината на јули, по засилените владини мерки за спречување на ширењето на Ковид-19. Тоа, околу еден месец по првото повторно отворање. Властите Хонг Конг минатата недела ги олабавија ограничувањата откако масовната кампања за тестирање за коронавирусот придонесе за понизок број заразени.

Повторно се затвора Дизниленд во Хонг Конг

Ивона Петрова — Tue, 14 Jul 2020 08:54:16 +0000

Забавниот Дизниленд парк во Хонг Конг повторно ќе биде привремено затворен, откако властите воведоа забрана за јавни собири на повеќе од четири лица. Властите во Хонг Конг вчера објавија нови мерки за заштита од коронавирусот, поради стравувањата од трет бран на епидемијата во градот. Рекреативниот парк ќе биде затворен утре, на неопределено време, но хотелите во рамки на комплексот ќе продолжат да работат под променети услови. Дизниленд во Хонг Конг беше затворен во јануари поради корона-пандемијата, а беше отворен минатиот месец, откако се намали бројот на пациенти. Според најновите податоци, 1.522 луѓе се заразени во градот од почетокот на пандемијата, а осум лица починале од Ковид-19.

Дизниленд во Париз ќе се отвори на 15 јули, во фази

Тале Кристо — Mon, 22 Jun 2020 15:31:32 +0000

Компанијата „Волт Дизни“ соопшти денеска дека забавниот парк Дизниленд во Париз ќе биде отворен во фази, почнувајќи од 15 јули, неколку дена откако паркот повторно ќе се отвори во Соединетите Американски Држави. Директорката на паркот во Париз, Наташа Рафалски изјави дека се очекува повторно отворање на Дизниленд паркот, паркот Волд Дизни студио, хотелот Њупорт беј и Дизни селата. Компанијата ги затвори парковите низ целиот свет поради пандемијата на коронавирусот и најави дека Дизниленд во САД ќе се отвори на 11 јули, исто така во фази.

Хонконшкиот Дизниленд отворен за јавноста

Тале Кристо — Thu, 18 Jun 2020 12:26:35 +0000

Рекреативниот Дизниленд парк во Хонг Конг, Кина, којшто беше затворен на крајот на јануари поради епидемијата на коронавирусот, денеска беше повторно отворен за јавноста. Детскиот парк ќе работи со зајакнати мерки за заштита на здравјето, односно со намален капацитет, соопштуваат оттаму. Повеќето од знаменитостите и продавниците во тематскиот парк ќе почнат со работа, но со ограничен број посетители, задолжително мерење температура и со почитување на мерките за физичка оддалеченост. Работата на хотелите во комплексот, исто така – постепено ќе се враќа во нормала. Дезинфекција на просториите ќе се врши почесто, додека рачните средства за дезинфекција ќе бидат достапни на повеќе места. Хонг Конг до овој миг вкупно има 1.121 случај на зараза со коронавирус и четворица починати.

Прв случај на коронавирус во Дизниленд

Ивона Петрова — Mon, 09 Mar 2020 10:28:33 +0000

Светските медиуми јавуваат за прв позитивен случај на коронавирус во Дизниленд паркот во Париз. Според медиуми, заразениот е вработен кој работел во секторот одржување. Случајот го потврдиле од Дизниленд. Паркот, сепак ќе остане отворен за посетителите на кои ќе им се дава и антибактериски гел и им се препорачува одржување на далечина. Вработените во Дизнилед и колегите на заразениот се тестираат на коронавирус. Наскоро повеќе

Светот собираше пари за нејзината тешка болест, но безуспешно- почита 15 годишната актерка која се прослави во филмот на Дизни (ФОТО)

Дарко Андоновски — Mon, 17 Feb 2020 09:01:23 +0000

Актерката од филмот на Дизни „Queen of Katwe“ Никита Перл Валигва, почина на 15 години, пишува BBC. Туморот на мозокот ѝ бил дијагностициран уште во 2016 година, а режисерката на филмот ги мотивирала луѓето да донираат сретства за нејзиното лечење во Индија, со оглед на тоа дека лекарите во Уганда не ја имале соодветната опрема. Туморот се повлекол во 2017 година, но се вратил минатата година. Филмот „Queen of Katwe“ снимен е според вистинската приказна за Фиона Мутеси, шахистка од Уганда, која и покрај сиромаштвото и недостатокот на образование, се натпреварувала во меѓународните турнири.