dm дрогерие маркт – Kurir.mk

dm повлекува уште еден производ

Ивона Петрова — Fri, 04 Aug 2023 16:07:22 +0000

Како мерка на претпазливост, dm дрогерие маркт го повлекува од продажба производот dmBio оризови галети со малина за деца од 8 месеци, 35 г. од земјите каде овој производ е достапен во продажба. Погодени од ова повлекување се исклучиво производите со рок на траење 4.6.2024, односно број на шаржа „NL157“. Рокот на траење е лесно видлив во задниот дел на пакувањето. Овој производ го нема и никогаш не бил достапен во асортиманот на dm во Македонија! Од компанијата информираат дека причина за повлекувањето е што не може да биде исклучена можноста, дека во одредени пакувања со наведен рок на траење може да се најде зголемено ниво на афлатоксин, супстанца која штети на здравјето на луѓето доколку се консумира подолг период. -Бидејќи квалитетот и безбедноста на нашите производи и купувачи имаат највисок приоритет во dm, Ве замолуваме доколку го имате набавено овој производ од некоја друга dm-земја да не го консумирате и да го вратите во најблиската dm дрогерија, каде секако ќе Ви биде обезбеден поврат на средства, велат од dm.

{ЗАЕДНО} ЗА ПОДОБРО УТРЕ: дм дрогерие маркт распишува конкурс за иницијативи од областа на женското здравје

Super Admin — Thu, 20 Jul 2023 10:49:38 +0000

Во понеделник, 10 јули, дм дрогерие маркт распиша конкурс на кој може да се пријават проекти чија цел е давање придонес кон подобрување на здравјето на жените. На веб страницата dm-zaedno.mk од 10 јули до 20 август 2023 отворени се пријави за проекти од областите за унапредување и зачувување на физичкото и менталното здравје на жените и унапредување на квалитетот на живот.

„Една од најважните области во која dm инвестира долги години е подобрување на здравјето на нашите сограѓани и здравствената заштита која им е достапна. Со отворениот конкурс {ЗАЕДНО} за подобро утре сакаме да го свртиме вниманието на темите и предизвиците со кои се соочуваат жените во нивниот приватен и професионален живот и да поддржиме проекти кои долгорочно ќе имаат позитивен ефект врз нивното здравје и благосостојба. На овој начин сакаме да влијаеме на квалитетот на животот на што е можно повеќе жени“ – изјавија од компанијата по повод распишувањето на овој конкурс и лансирањето на кампањата за женското здравје.

Целта на овој конкурс е да се избере и да се поддржи реализацијата на проекти кои ќе придонесат за унапредување, развој и подобрување на здравствените и социјалните аспекти на здравјето на жените од сите возрасни групи. Невладините организации, институциите, единиците на локалната и регионалната самоуправа, непрофитните правни лица можат да регистрираат проекти насочени кон поттикнување на поздрав начин на живот и спречување на болести кои ги погодуваат жените, иницијативи за подобрување на физичкото и менталното здравје на жените и образование. Помеѓу пристигнатите апликации, dm ќе ги избере и поддржи оние проекти кои се издвојуваат по нивниот квалитет и оригиналност и кои долгорочно и во најголема мера ќе придонесат за здравјето и благосостојбата на жените во Македонија. Правилата и условите на конкурсот {ЗАЕДНО} за подобро утре и критериумите за избор се достапни на веб-страницата dm-zaedno.mk каде ќе бидат објавени сите валидни апликации пристигнати за време на конкурсот, како и детали за проектите избрани како дел од натпреварот.

Затоа што превенцијата е половина здравје: ДМ ДРОГЕРИЕ МАРКТ организира бесплатни дерматолошки прегледи

Super Admin — Tue, 18 Jul 2023 11:38:01 +0000

Под слоганот ,,Следи го својот ритам’’, овој јули, dm ја започна овогодинешната кампања посветена на женското здравје, во склоп на која ќе организира бесплатни дерматолошки прегледи на плажата Golden Beach во Охрид. Настанот ќе се одржи на 22 јули, од 10 до 14 часот и ќе биде отворен за сите заинтересирани. Сите кои имаат желба и потреба ќе можат бесплатно да направат дерматолошки преглед, како и да добијат стручни и корисни совети за кожни заболувања од страна на дерматолозите.

„Бројот на кожни заболувања секоја година станува сѐ поголем и затоа е важно да се разбуди свеста на јавноста за овој проблем. Ова е една одлична иницијатива на dm, по која се надевам дека многумина ќе ја сфатат важноста на редовните дерматолошки прегледи и заштитата на кожата од сончевите зраци “, изјави Д-р Александра Лазаревска, специјалист по дерматовенерологија, која ќе биде едно од стручните лица присутни на настанот.

Еден од најдобрите начини за превенција на прекумерното изложување на сонце е едукацијата од мали нозе и стекнувањето на добри навики. Па затоа, dm на плажата Golden Beach, освен дерматолошки прегледи, ќе организира и забава за најмалите кои ќе можат на интересен начин да се информираат за тоа како е најбезбедно да си играат под сонцето! Соодветната нега и заштита на кожата е само една од многуте теми кои ги опфаќа кампањата за женско здравје на dm, која ја слави различноста на жените и има за цел поддршка на сите припаднички на женскиот пол, преку зајакнување на инклузивноста и разбивањето на застарените бариери во општеството. Од компанијата, во којашто 90 проценти го сочинуваат женскиот колектив, порачуваат дека ова е само уште еден начин да продолжат да ја инспирираат заедницата на позитивни промени и здрави навики.

„dm, како компанија, постојано и на разни начини поддржува иницијативи за унапредување на здравствената заштита. Како дел од една поголема кампања насочена кон женското здравје, оваа година се одлучивме да спроведеме иницијатива за бесплатни дерматолошки прегледи, со што сакаме посебно да ја потенцираме клучната улога на превентивните прегледи и преку нив да ја подигнеме свеста за целокупното здравје на жените.“ – изјавија од компанијата во врска со организацијата на овој настан.

Уште поубава, реновирана дрогерија на старо место: Големо реотворање на дрогеријата на dm на Бит-Пазар со -15% попуст на апсолутно сè!

Super Admin — Wed, 14 Jun 2023 08:34:24 +0000

Големото реотворање на реновираната дрогерија, од компанијата го најавија за 15 јуни, а по тој повод се најавени попусти од -15% на апсолутно сѐ! Попустите ќе траат 3 дена, од 15.6 до 17.6.2023 година. Полека, но сигурно се ближи денот на повторното отворање на дрогеријата на dm на Бит-пазар. Дрогеријата на dm на Бит-пазар, која се отвори во 2013 година по десетгодишното работење, на почетокот на месец мај беше затворена заради реновирање. По повеќе од еден месец, повторно ќе може да пазарувате во оваа дрогерија, во најголемиот дрогериски ланец во Европа и да уживате во докажаниот германски квалитет по поволни цени. Како компанија, во чии работни принципи длабоко е вкоренета општествената одговорност, при секое ново отворање dm донира дел од својот промет во хуманитарни цели. Оваа пракса нема да биде исклучок и на ова реотворање, а компанијата дел од својот промет остварен на тој ден ќе го донира на ,,ЈЗУ Поликлиника Бит-пазар‘‘ Старо-новата реновирана дрогерија се простира на 237,02 m2 продажен простор, 70,00 m2 магацински простор и 22,43 m2 помошен простор. Со реновирањето, проширени се одредени категории на производи и инвестирано е во нова опрема, со која ќе се подобри единственото искуство за пазарување за купувачите, но и ќе се олесни функционирањето на самата дрогерија. Бидете дел и вие од ова големо реотворање на dm на Бит-пазар и искористете ги попустите на dm од -15% на апсолутно сѐ!

Наместо попусти, пример за хуманост: ДМ дрогерие маркт донира 474.000 денари на Клиниката за ендокринологија во Скопје

Ивана Ефремовски — Fri, 02 Dec 2022 10:07:07 +0000

И оваа година, dm повторно докажа дека е возможно со шопинг да се направи добро дело! Овој Black Friday, односно како што го нарекуваат од компанијата години наназад, Giving Friday, а под мотото Giving is the new black, dm дрогерие маркт го одбележа со донација на 5% од вкупниот дневен промет од сите дрогерии остварен на 25 ноември, Преку оваа кампања ЈЗУ Универзитетска клиника за ендокринологија доби нов транспортен ехо апарат, со кој ќе се подобрат условите за работа на клиниката. Самиот износ на донацијата говори за големиот одзив на купувачите и нивната несебична желба да се вклучат во филантропската иницијатива, за што од компанијата велат дека се неизмерно благодарни. „Зад dm стојат 10 години работа на нашиот пазар, кои беа проткаени со низа успеси и голем број на проекти насочени кон обезбедување поддршка на општествената заедница. И оваа година ја завршуваме во знак на хуманоста, која претставува идеален начин да се потсетиме на нашиот приоритет, постојано да инвестираме во заедницата во која работиме. Овој гест е најубава најава за празниците кои се ближат, затоа што додека даваме подароци на најблиските, не забораваме и на оние на кои хуманоста ќе им го разубави крајот на годината – токму по ова е dm познат“, изјавија од компанијата. Да се потсетиме, последниот петок во ноември, кој ширум светот е познат како Black Friday – ден на големи попусти и гужви низ продавниците, во dm традиционално веќе четврта година по ред е ден за дарување! На овој ден, донираат 5% од дневниот промет за поддршка онаму каде што е најпотребно.

DM дрогерие маркт заедно со своите вработени, волонтери и институционални партнери засадија нови 10 хектари земја

Ивана Ефремовски — Mon, 28 Nov 2022 13:52:13 +0000

Во организација на dm дрогерие маркт, во недела, на 27 ноември, во близина на автопатот Миладиновци-Штип, повеќе од 300 вработени на dm дрогерие маркт, волонтери и претставници на институционалните партнери го започнаа садењето на 27.000 садници, како дел од кампањата „Пошумуваме заедно за позелено утре“. Во периодот од средината на месец август, кога беше најавен почетокот на оваа кампања, до крајот на месец септември, dm дрогерие маркт издвојуваше по 1 денар од секој купен производ од сопствените трговски марки, со што купувачите на dm станаа важни партнери во овој проект. На почетокот на месец ноември dm објави повик до сите заинтересирани граѓани да се приклучат и да присуствуваат на денот на садењето. Со овој потег, компанијата ги поттикна граѓаните, директно и индиректно да земат учество во проектот „Пошумуваме заедно за позелено утре”, и со тоа да придонесат во развивање на зелените површини на територијата на целата држава. „Со оглед на силното влијание на животната средина врз здравјето на луѓето, здравата животна средина мора да биде приоритет за секој поединец, но и за секоја компанија. Наша цел како компанија која веќе 10 години успешно работи на македонскиот пазар и промовира одржливи стандарди преку различни проекти, е токму ова. Среќни сме што и нашите купувачи ја препознаваат оваа наша карактеристика и несебично се вклучуваат во сите наши општествено одговорни проекти. Доказ за тоа е и одличниот одзив на волонтери, како и целиот тим на dm кои го дадоа својот придонес за овој голем проект. Во наредната година, заедно со поддршката од нашите институционални партнери, планираме да го продолжиме започнатото бидејќи знаеме дека нашата иднина многу зависи од нашиот однос кон природата“, изјавија од dm дрогерие маркт. За успешна реализација на првата акција за пошумување, поддршка на вработените на dm дрогерие маркт, покрај сите пријавени волонтери, им дадоа и институционалните партнери, кои присуствуваа на денот на садењето, Министерот за земјоделство, шумарство и водостопанство Љупчо Николовски, помошник директор на ЈП Национални шуми Маре Басова, како и претставници од јавното претпријатие. Ваквите акции со кои се извршува масовно пошумување на предели кои биле опфатени од шумски пожари или имаат потреба од развивање на биодиверзитетот, имаат големо значење и придонес во развој на еколошката свест кај граѓаните, во прочистување на воздухот, како и за спречување на ерозивниот процес кој често се појавува во непошумени планински предели кои имаат плодна и ровка почва, како што е пределот којшто се пошумува во првата акција за пошумување. Од dm дрогерие маркт најавија дека акцијата за пошумување е иницијатива којашто ја започнуваат оваа година и ја гледаат како долгорочен проект кој сакаат да прерасне во традиција што долги години ќе придонесува за позелено утре за сите нас.

dm drogerie markt донира над 1.6 милиони денари за подобри услови за родилките низ земјата

Super Admin — Tue, 08 Nov 2022 16:59:57 +0000

Компанијата dm донира повеќе од 1.6 милиони денари во опрема и апарати, како и во подобрување на условите за работа во пет јавни клиники во Македонија меѓу кои се: ЈЗУ Општа болница „Д-р Ферид Мурат“ - Гостивар, ЈЗУ Општа болница - Охрид, ЈЗУ Клиничка болница - Штип, ЈЗУ Специјална болница по гинекологија и акушерство „Мајка Тереза“ - Скопје и ЈЗУ Универзитетска клиника за гинекологија и акушерство - Скопје. Со оваа донација компанијата има за цел да даде свој придонес во поддршка на мајчинството и на трудниците, односно да им обезбеди подобри услови во сите фази од бременоста. Опремата и апаратите што се користат во гинеколошките одделенија, а кои што сега ќе бидат модернизирани со средства од dm, на медицинските лица ќе им помогнат уште поефикасно да го следат целиот тек на бременоста. Помошта за гинеколошките клиники ќе значи и подобрени услови и за новороденчињата, како и за мајките по породувањето. Идејата на компанијата е да придонесе при креирањето услови за пријатна бременост за секоја жена.

„Како општествено одговорна компанија инвестираме во заедницата во која што делуваме, трудејќи се да опфатиме широк круг на институции и на здруженија. Годинава го започнавме проектот за обнова и за подобрување на условите во гинеколошко-акушерските оддели на клиниките во Македонија кои се важен дел од здравствениот систем. Во првата фаза од овој проект опфативме пет клиники од кои две во Скопје и по една во Гостивар, Штип и во Охрид. Нашата цел е проектот да го продолжиме во повеќе клиники низ државата. Општествениот ангажман и одговорноста кон заедницата се секогаш на врвот на приоритети на нашата компанија“ велат од dm drogerie markt.

Опремата и апаратите се веќе испорачани и ќе бидат на располагање во петте јавни клиники низ Македонија. dm drogerie markt е познат кај широката јавност како компанија што е заснована и која што целосно се придржува до принципите на општествена одговорност. Изминатата деценија, преку најразлични активности и проекти компанијата потврди дека постојано црпи инспирација од заедницата во која што работи и токму затоа помага во нејзиниот континуиран развој. Само во деловната 2021/22 година, dm drogerie markt донира рекордни 5.3 милиони денари во проекти од најразлични области.

По повод 10 години успешно работење, „ДМ дрогерие маркт“ започнува проект: „ПОШУМУВАМЕ ЗАЕДНО ЗА ПОЗЕЛЕНО УТРЕ!“

Катерина Бојаџиева — Wed, 17 Aug 2022 11:15:58 +0000

„Главниот мотив за започнување на проектот „ПОШУМУВАМЕ ЗАЕДНО ЗА ПОЗЕЛЕНО УТРЕ“ лежи во стратешката определба, која постои уште од самото основање на нашата компанија ‒ да се грижиме за животната средина, а притоа да ги мотивираме своите вработени, како и други поединци и компании да го сторат истото, придонесувајќи кон создавање поздрава животна средина за сите нас и за идните генерации. Не треба да го игнорираме фактот дека природата може без нас, но ние не можеме без неа. Должни сме да ги чуваме и да ги обновуваме природните ресурси, за да можеме соодветно да одговориме на сите предизвици што ни претстојат. Тоа, пак, сакаме да го направиме преку зачувување и обновување на шумите, кои се нашиот главен извор на кислород и симбол на животот”, изјавија од компанијата, најавувајќи го почетокот на проектот. Пошумувањето оваа година ќе се реализира во ноември, на локација која е во непосредна близина на автопатот Миладиновци-Штип и е одбрана во заедничка соработка со стручните лица од ЈП Национални шуми и Факултетот за шумарство. До самиот чин на првиот бран на пошумување, целта на компанијата е покрај доброволното учество на вработените во компанијата, во проектот да се приклучат што повеќе еколошки свесни граѓани, институции и организации со кои ЗАЕДНО ЌЕ ПОШУМАТ нови зелени површини. „Како и во сите други наши проекти, нашите купувачи се наши партнери”, изјавија од компанијата, образложувајќи ја започната активност со која купувачите со секој купен dm марка производ во периодот од 16.8 до 30.9.2022 донираат 1 денар за проектот. „Во истиот овој период, како подготовка за деновите на пошумувањето, во соработка со Факултетот за шумарство, Министерството за земјоделство, шумарство и водостопанство и Министерството за образование и наука, активно ќе работиме на едукација на нашите купувачи, сограѓани и партнери од најмала возраст за важноста на зелените површини, начинот на посадување и понатамошно нивно одгледување”, додадоа од компанијата. На денешната прес-конференција по повод започнувањето на проектот се обратија и Валентин Груевски - Директор на ЈП “Национални шуми” и проф. д-р Кирил Сотировски - Декан на Шумарски факултет во Скопје. Дел од акцијата за пошумување на самата локација ќе можат да бидат сите доброволно пријавени лица, кои ќе имаат можност да се пријават online, преку комуникациските канали на компанијата, по дефинирањето на точниот термин за садење. Со донирање на средства за нова опрема за ЈП Национални шуми, ДМ дрогерие маркт тежнее кон тоа проектот да достигне трајни вредности, кои од година во година ќе се облагородуваат. Овој проект следствено ја продолжува определбата на компанијата за зачувување на животната средина, а во прилог на тоа говорат многу факти и активности: • Проширување на асортиманот со голем број еколошки производи, производи неутрални за животната средина, цврсти производи, како и органски и природни производи, производи со рециклирачки пакувања и без микропластика. • Проектот „Трајна торба за цел живот“, преку кој купувачите на ДМ дрогериите од 2015, еднаш купената памучна торба за пазарување, БЕСПЛАТНО можат да ја заменат за нова, при какво било нејзино оштетување. • Прва компанија која уште во 2019, со самоволна одлука ги повлече од промет пластичните кеси за една употреба. Со започнување на овој проект, „ДМ дрогерие маркт“ уште еднаш ја потврди својата позиција како еколошки-одговорна компанија која постојано, преку разни активности вложува во зачувувањето на животната средина, со што влијае на подигнувањето на свеста за грижата за животната средина.

Со dm растеме и ние, вработените! 10 години еден поинаков професионален развој

Super Admin — Thu, 04 Aug 2022 10:48:13 +0000

Компанијата dm drogerie markt оваа година одбележува 10 години деловно работење и како еден од лидерите на македонскиот пазар, клуч за успехот, како што велат, го гледаат во луѓето, односно нивните вработени. Една од нив е и Мери Гаштарова, која започнувајќи од позиција на продавач, денес раководи со една од дрогериите на најголемиот европски дрогериски ланец во земјава и прославува 10 години успешна работа во dm. Можноста за личен и професионален развој е само една од причините поради која Мери решава веќе десетта година да ја гради својата професионална кариера токму во dm.

Взаемна поддршка и мотивација како клуч за успех на деловен план

Иако со радост се присетува како пред 10 години изгледаше нејзиниот прв работен ден, признава дека на почетокот чувствувала мала доза на несигурност и пријатна возбуда од непознатото: Како ќе изгледа работата во една нова, дотогаш непозната странска компанија на нашиот пазар, како ќе изгледа отворањето на првата дрогерија на dm и како ќе се вклопи во новата работна средина? Ова чувство, како што вели Мери, траело навистина кратко, бидејќи по само неколку часа сфатила дека токму ова е местото каде што сака да продолжи да ја гради и развива својата кариера.

„Посебно сум горда што сум дел од развојот на компанијата уште од првиот ден и што од самиот старт сум дел од тимот кој ја развива и гради оваа компанија на основа на многу меѓународни искуства. Уште од самиот старт сите колеги и колешки сме си безрезервна поддршка едни на други. Денес, една деценија подоцна, со сите нив одлично соработувам, добро се познавам и имам изградено близок однос. Гледајќи наназад, токму ова е една од главните причини за мојот личен и професионален напредок. “ – истакнува Мери.

Во текот на своето работење била сведок на многу промени. Некои од нив претставувале вистински предизвик, други пак задоволство. Поддршката која ја добива од самата компанија ја смета за непроценлива. Чекорот што компанијата го држи со модерниот свет, постојаните инвестиции во своите работени и новите технологии, Мери го гледа како мотивација и шанса за постојан развој и подобрување.

„Со постојаното ширење на нашата мрежа, се создадоа можности за мојот професионален развој и усовршување. Започнав како продавач, а брзо потоа напредував до позицијата која ја имам сега, раководител на дрогерија. На мојот пат имав огромна помош од моите колеги, а како dm продолжуваше да се шири, така се ширеше и нашето „семејство“. Од ден на ден тимот стануваше сѐ поголем. Доаѓаа нови колеги, кои исто така имаа потреба од помош да се прилагодат и да го заживеат светот на dm. Постојано давам сѐ од себе, новите колеги да ја добијат истата онаа помош, којашто ја добив и јас кога првпат започнав да работам во dm.“

Како личност, која е доста успешна на своето работно место, вели дека работа со луѓе во услужна дејност е нешто што отсекогаш сакала да го работи. А, токму dm е една од причините за продлабочувањето на оваа љубов. Имено, како што вели таа, постојаната поддршка од колегите и од претпоставените ѝ влева посебна доза мотивација, а задоволните лица на купувачите претставуваат неизмерна инспирација за неа, за постојано унапредување и усовршување во своето работење. Усовршувањето и напредокот на професионалното поле кај Мери влијаеле позитивно и во приватниот живот. На приватно поле, Мери Гаштарова е посветена сопруга и мајка на 2 деца, на кои, благодарение на поставеноста на работните обврски и начинот на работа во компанијата, може целосно да им се посвети, да им пружи безрезервна поддршка и постојано да биде тука за нив.

„Кога една личност е задоволна од професионалниот живот, тоа задоволство се пресликува и на приватен план. Со споделувањето на интересните и убавите моменти, новите искуства кои постојано ги гледаме во текот на работниот ден, ги инспирираме и мотивираме сите околу нас да ги пронајдат малите, но значајни нешта во животот кои ќе им го разубават секојдневието и ќе внесат доза на топлина. Токму ова чувство нѐ прави успешни!’’

За крај, Мери вели дека мотивацијата, ентузијазмот и упорноста се вредности кои уште од самиот почеток ја пратат во dm, а тоа го потврдува нејзината успешна приказна која трае цели 10 години!

Мурал посветен на инспирацијата – подарок за Скопје од dm дрогерие маркт

Super Admin — Tue, 31 May 2022 08:13:53 +0000

Влезот на „Максим Горки“, попозната и како улицата на јапонските цреши, од неодамна го краси делото „Будење“ („Awakening“), на стрит-арт муралиската Нина Симовска од Just Because. Целосната реализација и изработка на оваа креација е подарок од dm дрогерие маркт за Скопје и е дел од актуелната кампања „Почувствувај ја моќта на инспирацијата“. Градејќи мост помеѓу уметноста и убавината, најголемиот дрогериски ланец во Европа има за цел да ја поттикне инспирацијата кај купувачите и соработниците за тие да одново да се пронајдат себеси.

- Имав идеја да биде насликан портрет на девојка која се наоѓа во полусон и е во фаза на „Будење“, па оттаму и насловот. Тој е во свежи бои што го означуваат будењето на природата, а истовремено целата композиција означува нова надеж. Женскиот портрет е претставен со сонце во заднината и е сместен во гранки од розеви цветови кои на целиот амбиент му додаваат свежина и леснотија - вели Симовска за делото.

Покрај одбележувањето на јубилејот по повод 10 години постоење на македонскиот пазар, dm ja стартува и кампањата чиј првичен фокус е инспирација од уметноста.

- Нашиот дрогериски ланец насекаде низ Европа ќе спроведе локални Street Art проекти, преку кои ќе ги инспирира купувачите и партнери да направат нешто ново, одново да се пронајдат себеси и да ги видат можностите на промените, да создадат средина и комуникација што ќе инспирира и поттикнува. Со ова, креативноста и инспирацијата сакаме да ги изразиме и на поинаков начин, не само преку советите и новите производи. Нина, како наш истакнат стрит-арт муралист и уметник беше првиот и вистинскиот избор за спроведување на оваа активност во Скопје - изјавија од dm.

Проектот се реализира во две фази - првата пред речиси две седмици, кога на 17 мај, на денот на отворањето на првите две дрогерии во Скопје, беше исцртан излогот на dm дрогеријата на улица „Даме Груев бр. 7“ во Центар. Втората, финална фаза, опфати изработка на муралот на зградата на улица „Максим Горки“. Симовска истакнува дека предизвиците за изработка на ваков мурал се големи, односно тие подразбираат многу планирање и логистика.

- Во изведбата учествуваше и стрит-артистот Драган Китановски - Драш со кој заеднички успеавме да го завршиме ова дело од речиси 100 квадратни метри за пет дена. Самата работа на височина од 15 метри и временските услови имаат директно влијание врз темпото на работа и не секогаш сѐ може да оди по пропишан план, но мислам дека завршивме одлична работа - открива Нина.

Таа укажува дека имала отворена креативна слобода во однос на уметничката форма на делото, а тоа според неа значи голема доверба од страна на dm дрогерие маркт.

- Секогаш сум расположена и отворена за соработка. Ваков голем и успешно завршен проект ми влева дополнителна мотивација, а dm како компанија се покажа како многу професионален соработник, што ми дава голема доза на оптимизам дека во иднина ќе можеме да реализираме уште многу други проекти, што дополнително ќе го разубават нашиот град - вели Симовска.

Како што откриваат од dm, новата кампања „Почувствувај ја моќта на инспирацијата“ е наменета за сите - купувачите, партнерите, вработените.

- Инспирацијата сакаме да ја разбудиме, буквално, во секој поединец кој ќе дојде во контакт со dm. Затоа, преку сите комуникациски канали ќе се обидеме да допреме до секоја индивидуа и со специфични бои и текстури да ја разбудиме и да ја поттикнеме инспирацијата. Тука, секако, особено сакаме да ги истакнеме двата мурали што ги изработивме со Нина, кои служат како вистински eye-catcher и треба да ја разбудат инспирацијата кај сите нас. Навистина ни е драго што сме една од првите македонски компании, која во соработка со македонски артист успеа да изведе еден ваков убав проект и да им подари на сите жители и посетители на главниот град едно вакво прекрасно уметничко дело – истакнуваат од dm.