Дмитриј Кулеба – Kurir.mk

Кулеба: Г7 да одговори со повеќе санкции против Русија и повеќе оружје за Украина

Ивана Ефремовски — Sun, 26 Jun 2022 10:20:10 +0000

Украина денеска побара од земјите од Г7 повеќе оружје и построги санкции против Москва по рускиот напад врз станбен комплекс недалеку од центарот на Киев. „Самитот на Г7 мора да одговори со повеќе санкции против Русија и повеќе тешко оружје за Украина“, напиша украинскиот министер за надворешни работи Дмитриј Кулеба на Твитер. Тој повика на „победа над болниот империјализам“ на Русија. Во Елмау, Германија денеска почнува самитот на Г7 – Групата на седумте најиндустриски развиени земји во светот. (МИА)

Кулеба: Немаме друг избор освен да победиме во војната, не даваме ниту педа за нашата земја

Тале Кристо — Mon, 16 May 2022 18:07:30 +0000

Украинскиот министер за надворешни работи изјави дека неговата земја нема друг избор освен дДмитриј Кулебаа победи во војната бидејќи исклучува можни отстапки за Русија кои би можеле да доведат до прекин на огнот. Во изјава за Блумберг, Кулеба ја опиша кризата како „војна за егзистенција“ и рече дека е важно Украина сега да ги запре руските сили. – Учествувајте во победата со нас за доброто на светот бидејќи ова не е само војна на Русија против Украина, ова е закана што Русија ја претставува за целиот свет, рече тој и додаде: „Мораме да ги запреме овде за другите да не страдаат како нас“. – Ова е војна за нашето постоење бидејќи претседателот Путин не го признава нашиот идентитет, не го признава правото на украинската држава да постои, рече Кулеба. – Затоа разбираме дека немаме друг избор освен да победиме во оваа војна, бидејќи тоа е војна за нашето постоење, рече Кулеба и додаде дека победата во војната ќе значи враќање на територијалниот интегритет на Украина во нејзините меѓународно признаени граници. – Немаме намера да заземеме ничие парче земја, дури ни педа, туку сакаме сè што ни припаѓа да биде наше, нагласи тој. Министерот за надворешни работи на Украина ги отфрли потенцијалните отстапки за Русија кои би можеле да доведат до прекин на огнот во војната. – Ова е неиспровоцирана војна. Ниту Украина, ниту Европа, ниту НАТО, ниту САД не го испровоцираа Путин да го направи тоа што го прави и затоа тој мора да сноси целосна одговорност за тоа, рече тој.

Кулеба: Украина сака да има резервирано место во ЕУ

Катерина Бојаџиева — Thu, 12 May 2022 07:31:33 +0000

Украина сака да има место во Европската унија, иако за полноправно членство може да биде потребно време, изјави министерот за надворешни работи Дмитриј Кулеба во Берлин. -Не станува збор за што поскоро пристапување на Украина во ЕУ. Но, тоа што е многу важно за нас е ова место да биде резервирано за Украина, изјави тој за германската телевизија АРД.