Најголем дневен пораст на новозаразени со коронавирусот во Кина од март

Магдалена Андонова — Mon, 27 Jul 2020 11:57:46 +0000

Во последните 24 часа во Кина се потврдени 57 нови случаи на коронавирусот, што е најголемото дневно зголемување откако епидемијата беше ставена под контрола, соопшти денеска Националната комисија за здравство. Повеќето од новозаразените, 41, се од регионот Ксинџијанг на западниот дел на земјата, населен со Ујгури, каде коронавирусот повторно се појави на 15 јуни, после речиси пет месеци без ниту еден случај. Останатите случаи се регистрирани во североисточниот дел на земјата. Во Кина во изминатиот ден се регистрирани четири увезени и 44 асимптоматски случаи, кои не се вклучени во официјалната статистика. Во земјата досега вкупно се регистрирани 83.981 случаи на коронавирус, а починале 4.634 лица. (МИА)

Во Хонг Конг рекорден дневен пораст на новозаболени од Ковид-19

Магдалена Андонова — Fri, 24 Jul 2020 12:35:14 +0000

Во Хонг Конг во изминатите 24 часа потврдени се 123 нови случаи на Ковид-19, што е рекорден дневен пораст од почетокот на епидемијата. Регистриран е и еден смртен случај од последици од новиот коронавирус, со што бројот на жртви се искачи на вкупно 16. Во Хонг Конг трет ден по ред бројот на инфицирани лица надминува над сто. – Од вкупниот број на нови случаи, 115 се од локална трансмисија, изјави д-р Чуанг Шук-кван од Центарот за заштита на здравјето. Таа додаде дека капацитетите на Хонг Конг за тестирање, карантин и болничко сместување го достигнуваат лимитот. – Ако продолжи ваквиот тренд, ќе биде многу тешко да се контролира ситуацијата, посочи Чуанг. Таа ги повика граѓаните во следните две недели да останат во своите домови ако е можно тоа. Во Хонг Конг од почетокот на новиот бран на 6 јули регистрирани се 1.105 новозаболени лица, додека од почетокот на епидемијата с инфицирале вкупно 2.372 луѓе. (MИА)

дневен пораст – Kurir.mk

Најголем дневен пораст на новозаразени со коронавирусот во Кина од март

Во Хонг Конг рекорден дневен пораст на новозаболени од Ковид-19