дно – Kurir.mk

Њујорк Тајмс ја закова Македонија на дното по бројот на вакцинирани лица – од нас подобри се и пропаднати држави како Либан, Ел Салвадор

Тале Кристо — Thu, 06 May 2021 07:25:13 +0000

Престижниот „Њујорк Тајмс“ ја рангираше Македонија на дното по бројот на вакцинирани лица на 100 жители. Она што е интересно во целата ситуација, е фактот што некои пропаднати држави како Либан, Ел Салвадор, Камбоџа и други се подобро рангирани по бројот на вакцинирани лица на 100 жители. Имено, како што објави „Њујорк Тајмс“ во Македонија на 100 жители досега вакцинирани 3 лица, со што не става на самото дното по бројот на вакцинирани лица. За споредба, еден Либан досега на 100 лица вакцинирани се 6,9 лица, Ел Салвадор 14 лица на 100 жители, Камбоџа растргната од војни со 15 лица на 100 жители, Монголија 48, а исто така и Молдавија е подобро рангирана од Македонија и тоа со 5.5 лица по жител. Македонија, според „Њујорк Тајмс“ е на самото дно со само 3 вакцинирани лица на 100 жители, со што уште еднаш се потврдува неспособноста на Владата и на министерот за здравство со справувањето со коронакризата. Инаку, вкупната бројка на КОВИД-дијагностицирани лица во Република Македонија од почетокот на епидемијата изнесува 153.137, бројката на оздравени пациенти е 135.367, на починати е 5.016, а бројот на активни случаи изнесува 12.754.

ВМРО-ДПМНЕ: Розевите очила на Заев треба да ги симне – Македонија на дното во Европа!

Тале Кристо — Wed, 28 Apr 2021 18:16:34 +0000

Бизнисот и населението во Македонија немаат доверба во економските политики на државата. Розевите очила на Заев треба да ги симне. Економското расположение во Македонија во март 2021 година е најниско во Европа. Тоа го покажуваат податоците од индикаторот за економско расположение (ESI – economic sentiment indicator) којшто го изработува Генералниот директорат за економски и финансиски прашања на Европската комисија, велат во партиското соопштение од ВМРО-ДПМНЕ. Неговата цел е да го следи растот на БДП на земјите-членки, на ниво на ЕУ и еврозоната, и на земјите кандидат - членки. ESI е пондериран просек на салдото на одговори на избрани прашања упатени до фирми во пет сектори опфатени со Анкетите за деловно работење и Анкетите на потрошувачи. Опфатените сектори се индустрија (пондер 40%), услуги (30%), потрошувачи (20%), трговија на мало (5%) и градежништво (5%). Индикаторот е скалиран на долгорочна средина од 100 и стандардна девијација од 10. Вредностите над 100 укажуваат на натпросечно економско расположение и обратно. Податоците се сезонски прилагодени, стои во соопштението. Според индикаторот, ударот на кризата во март и април 2020 година врз економското расположение на бизнисот и населението беше најголем во Македонија од сите земји во Европа. Исто така, на дното на индикаторот сме во однос на тоа како се враќа довербата во економијата. Од април 2020 година до март 2021 година вратена е само 60% од економската доверба. Ова јасно укажува на неуспешни економски политики од страна на Владата кои не можат да креираат околина за заживување на економијата. Фијаското во здравствената и економската политика од почетокот на кризата испаднаа на површина!, се вели во соопштението на ВМРО-ДПМНЕ.

Перински: Златко Марин и Општина Аеродром на дното во државата по капитални инвестиции, каде одат парите кои не се трошат на инвестиции?

Тале Кристо — Mon, 28 Dec 2020 13:39:06 +0000

Златко Марин и Општина Аеродром на дното во државата по капитални инвестиции, споредено со вкупната сума за расходи, пишува на својата Фејсбук страница Златко Перински од ВМРО-ДПМНЕ. Од вкупниот износ за капитални инвестиции троши само 5 проценти, а подобро од Аеродром стои едно Арачиново, Кратово, Шуто Оризари, Струга и Велес. Тоа значи дека само 5 проценти одат за инвестиции од милионскиот буџет кој се троши секоја година. Сега е јасно зошто Аеродром има едно чудо нерешени проблеми. Вистинското прашање е каде одат парите кои не се трошат на инвестиции, прашува преку својата објава Перински.

Милошоски: Македонија на дното по бројот на странски ивестиции во регионот

Тале Кристо — Thu, 08 Oct 2020 09:13:06 +0000

Република Македонија за периодот во првата половина од оваа година се наоѓа на дното по бројот на странски инвестиции со само 122.000.000 евра, пишува на својата Фејсбук страница пратеникот од редовите на ВМРО-ДПМНЕ Антонио Милошоски. -Странски директни инвестиции #FDI, 1во полугодие 2020г., Македонија на дното: Србија 1.480.000.000€ Албанија 454.000.000€ Бугарија 263.000.000€ Македонија 122.000.000€, објави Милошоски. https://www.facebook.com/Antonio.Miloshoski/posts/3724679104218195

Македонија на дното во Европа за водење бизнис

Тале Кристо — Fri, 02 Oct 2020 10:12:31 +0000

Се влошува климата за водење бизнис во Македонија. Нашата земја се наоѓа скоро на дното во Европа. Како што е наведено во извештајот Европската комора, држава бележи пад од пет места на ранг листата за водење бизнис, во споредба со 2019 година. Во игра биле 46 европски земји, а Македонија се наоѓа близу кон дното, односно на 36 место. За ова реагираше и пратеникот од редовите на ВМРО-ДПМНЕ, Антонио Милошоски, кој на социјална мрежа Твирет, напиша дека Македонија има најзабалежителен пад на климата за водење бизнис во евроските земји. „Македонија со најзабележителен пад на климата за водење бизнис од земјите во Европа – 5 места подолу на ранг листата во споредба со 2019-та година, на 36-то место од ранг листата на 46 земји!", пишува на Твитер, пратеникот од ВМРО-ДПМНЕ Антонио Милошоски. Од тоа што може да се види во извештајот на Европската комора, на врвот на листата со најдобра бизнис клима се скандинавските земји. Први на листата се Данска, Шведска, Норвешка и Финска, веднаш зад нив се Швајшарија, Британија и Германија. Инаку, до пред неколку години Македонија се наоѓаше во врвот на листите во светот по однос на условите за водење бизнис. На листите на светскиот Дуинг бизнис, за времее на предходните влади предводени од ВМРО-ДПМНЕ, земјава забележивање постојано искачување на листите на земји со најголеми реформи за водење бизнис. Во 2016-та година бевме на 10 место во светот како земја со најдобра бизнис клима. Дека тоа е така се докажа и со фактот што во тој период имаше и наплив на странски инвестиции кои што ако немало добра бизнис клима, со, меѓу другото и добра данична политика, не би инвестирале во Македонија. Во периодот до 2016 година, кога добро котиравме на светските и европски листи за правење бизнис, невработеноста континуирано се намалуваше, додека сега пак, кога Македонија почна да паѓа на ранг листите, невработеноста во државава драстично почна да се зголемува.

Македонија на дното во Европа според Извештајот за глобална конкурентност

Дарко Андоновски — Wed, 17 Oct 2018 16:59:11 +0000

Македонија се најде на дното во Европа според Извештајот за глобална конкурентност на Светскиот економски форум. Земјава го зазема 84-то место. Полошо од Македонија, на континентот, се рангирани само Молдавија и Босна и Херцеговина. Од Стопанската комора на северозападна Македонија велат дека освен ниското ниво на инфлација, земјава е лошо оценета во речиси сите области. Македонија доби ниски оценки и во делот на функционирањето на институциите и правосудството. Лошите оценки во извештајот се однесуваат на справувањето со организираниот криминал, слабата заштита на интелектуалните и имотните права, како и неефикасноста на законите. Се нотира и лошата инфраструктура, слабо сме рангирани според поврзаноста и квалитетот на патиштата, услугите на железницата, како и транспортот од и до аеродромите. Во делот на образованието и бизнисот, анкетираните во Македонија се пожалиле дека тешко се наоѓаат квалификувани работници, дека ретко кој врши обука на кадарот и дека е мала соработката на газдите со синдикатите. На врвот на Извештајот за глобална конкурентност се најдоа САД, Сингапур и Германија. Инаку, лани Македонија не беше рангирана на оваа листа поради недоволно податоци.

Македонија на дното на Европа и регионот по раст на БДП во првиот квартал, македонската економија пред катастрофа

Дарко Андоновски — Thu, 07 Jun 2018 11:40:09 +0000

Според најновите податоци на Државен завод за статистика Македонија во првиот квартал има раст на БДП само од 0,1 %. Ова е катастрофално лош резултат ако се земе во предвид фалењето на владата за новите проекти и секако фактот дека цел регион и Европа доживуваат бум на економски план. Така Македонија споредена со другите земји и според податоците од Еуростат пак е на дното кога станува збор за раст на економијата. И додека целокупниот регион расте македонската економија стагнира и не ги користи позитивните трендови кои се случуваaт моментално во светот. Така според податоците на Еуростат растот во q1 2018 година во Србија изнесува 4,6%, во Бугарија 3,5%, Чешка Република 3,7% Естонија 3.6%, Полска 5.1%, Словенија 4.6%, Унгарија 4.4% односно Република Македонија со остварените 0.1% се наоѓа на последно место во Европа. И додека целокупниот регион расте на економски план Македонија тапка во место. Експертите предупредуваат дека со вака слаб ангажман и реализација на БДП во првиот квартал економијата нема добри изгледи за 2018. Владата даваше ветувања дека ќе ја унапреди економијата и дека ќе го зголеми стандардот на граѓаните но ништо од ова не се реализираше. Напротив, Македонија од лидер во економијата и висок раст на БДП и во моменти на економска криза станува последна во регионот и Европа.