добри односи – Kurir.mk

Гутереш: Важно е односите меѓу светските сили да функционираат добро

Тале Кристо — Thu, 28 Jan 2021 07:56:55 +0000

Состанокот на лидерите на петте постојани членки на Советот за безбедност на ОН (Русија, САД, Франција, Велика Британија и Кина) може да помогне во регулирањето на односите меѓу водечките сили, кои од неодамна се прекинати, вели генералниот секретар на ОН, Антонио Гутереш, во ексклузивното интервју за Тасс. -Мислам дека односите меѓу водечките светски сили беа несоодветни. Многу е важно овие односи да функционирата добро, бидејќи сите ќе имаат корист од тоа, рече Гутереш. Генералниот секретар, истовремено, истакна дека „поделбата меѓу суперсилите ги врти центрифугалните сили, што доведува до поткопување на мирот во различни региони“. Претходно, постојаниот претставник на Русија во ОН, Василиј Небезнја,во интервју за Тасс, кажа дека Москва го потврдила предлогот на рускиот претседател Владимир Путин за одржување состанок на лидерите на петте постојани членки на Советот за безбедност на ОН и дека се очекува новата администрација на САД да одговори на предлогот.

Лавров: Русија има добри односи со Хрватска

Тале Кристо — Wed, 16 Dec 2020 12:09:17 +0000

Русија има добри односи со Хрватска, изјави рускиот министер за надворешни работи Сергеј Лавров по денешната средба во Загреб со шефот на хрватската дипломатија Гордан Грлиќ Радман. Лавров во исто време ги отфрли обвинувањата на Западот и САД кон Москва, велејќи дека тие се спротивни на етичките и меѓународните норми. Посетата на Хрватска, која е реализирана после две одложувања поради пандемијата на коронавирусот, се случува последната посета на Лавров на Хрватска пред 16 години и е „поттик за продолжување на позитивниот тренд“ во односите меѓу двете земји, рече министерот за надворешни и европски прашања на Хрватска Гордан Грлиќ Радман по средбата. – Европската унија не е многу подготвена за добри односи со Русија, но Русија има добри односи со Хрватска, рече Лавров на прес-конференција по потпишувањето на два договори во Министерството за надворешни работи со Грлиќ Радман, кого го покани да ја посети Русија. – И покрај сегашните предизвици разговаравме за можноста за продлабочување на соработката меѓу ЕУ и Руската Федерација. Каналите за комуникација треба да бидат отворени, нагласи Грлиќ Радман. Шефот на руската дипломатија пристигна во Хрватска како дел од мини-турнејата во која беа вклучени Босна и Херцеговина и Србија, а беше проследена со скандал затоа што двајца членови на претседателството на БиХ одбија да се сретнат со него незадоволни од неговиот став за приближувањето на БиХ кон НАТО и Европската унија, и за Дејтонскиот договор. Лавров во Загреб повтори дека Москва е цврсто посветена на почитување на Дејтонскиот договор. – Имаме заеднички единствен став за почитување на еднаквоста на трите конститутивни народи, истакна тој.

Анџелина Џоли и Бред Пит во подобрени односи поради децата

Тале Кристо — Fri, 03 Jul 2020 11:28:47 +0000

По разводот што официјално заврши лани, и по бурниот период претходно, Анџелина Џоли и Бред Пит, се чини, повторно се во добри односи. Како што пренесува „Ентертејнмент викли“, извор близок до поранешниот пар, вели дека Бред сѐ почесто престојува во домот на Џоли, но сето тоа е поради децата. - Тие дури и избраа да живеат блиску еден до друг поради децата. Претходно, тие буквално не можеа да зборуваат еден со друг. Тоа беше тежок период и сето тоа го направи и разводот и договорот околу старателството врз децата уште поголем предизвик, коментира анонимниот пријател. Тој натаму вели дека на Бред и Анџелина сега им е битно – нивните деца да бидат здрави и среќни и да имаат поддршка од двајцата родители. – Беа потребни години за да се надминат разликите и тие конечно се на местото каде што може да градат здрав соживот, како родители, додава неименуваниот пријател. Бред и Анџелина заедно имаат шест деца.