Петрушевски: Луѓе блиски до Спасовски кријат милионски имот, УЈП да отвори постапка за сите функционери дали за имотот платиле данок

Магдалена Андонова — Fri, 28 Oct 2022 10:35:03 +0000

Аферата тајни имоти се врти и околу луѓе кои се исклучително блиски и со министри во владата на дезертерот Ковачевски. Денес ќе обелодениме нови детали и имиња на функционери именувани од власта кои не поднеле анкетни листови, односно не се регистрирани на страната на ДКСК. Добрин Петрушевски член во УО на ДСУ Киро Бурназ од Куманово. Петрушевски не доставил анкетен лист. A Добрин Петрушевски и е познат на македонската јавност, по тоа што тој е сопственик на бензинската пумпа Пин Петрол на површина од 8.000м2 во Куманово, а ја гради со фирма која од основањето до градењето на бензинската станица не пријавила никакви приходи, ова беа информациите објавени во медиумите, а кои не беа демантирани, изјави на денешната прес конференција пратеникот од ВМРО-ДПМНЕ, Бране Петрушевски. Тој посочи дека Фирмите на Петрушевски поседуваат и станица за технички преглед, за која добил пак лиценца од министерот за внатрешни рабори Спасовски, каде неговиот син бил советник за комуникации. - Симптоматично е што на отворањето еден од првите гости беше токму Оливер Спасовски со неговата сопруга. Дали овој огромен имот е стекнат и со судир на интереси и злоупотреба на влијание, поради тоа што таткото добива лиценца од институцијата во која што е вработен синот? Дали Добрин Петрушевски не поднел анкетен лист затоа што крие дел од овој имот и дали можеби има и друг имот кој не сака да биде виден од јавноста? Втор функционер кој ќе го обелодениме денес, а не поднел анкетен лист, односно не е регистриран на страницата на ДКСК е Димитар Џеков, член на Надзорниот одбор на М НАВ, кој покрај голем имот во Скопје е основач и на приватната фирма Друштво за управување со приватни фондови АЛСАР ФИНАНСИСКИ ИНОВАЦИИ ДОО Скопје, и вози теренско возило Тојота РАВ4. Што крие Џеков, и зошто не поднел анкетен лист, запраша пратеникот. Петрушевски додаде дека имот крие и Маја Ковачева, член на УО на ФЗОМ, која исто така не поднела анкетен лист, ниту Ќамиле Асани член на Управен одбор на Болницата во Кичево. - И во услови кога имаме систематско криење на имот, наместо санкции од институциите, имаме амнестија од ДКСК, кои наместо пријави до сите, се обидуваат да ги оправдаат дека не ги внеле во систем зошто внесуваат рачно, а во исто време излегуваат функционерите и признаваат дека не поднеле анкетни листови, како што беше примерот со адвокатот Јевтиќ и Алберт Муслиу. Од друга страна Ковачевски наместо да ги разреши повикува само на нивна прекршочна одговорност. Со односот на ДКСК и Ковачевски кон функционерите кои не ги почитувале законите и криеле имот, се покажува само дека и тие се соучесници во целиот процес. Поради целиот однос на институциите кон случајот основано се сомневаме дека се крие имот и ја повикуваме УЈП, да постапи според Законот за личен доход и да утврди дали за имотот кој го поседуваат функционерите кои кријат имот платиле данок. Според чл.76 од Законот за личен доход кога лице поседува имот или располага со средства поголеми од оданочените, кои потекнуваат од доход на кои не е утврден данок или не е доволно утврден и чие потекло не може да се докаже, органот за јавни приходи донесува решение за утврдување на данокот на тој доход. Во тој случај според чл.77 основа за пресметување на данокот претставува разликата меѓу вредноста на имотот и докажаната висина на средствата за негово стекнување. А даночната стапка според чл.78 е 70%. Законите мора да важат за сите. И за крај повторно прашуваме, дали Ковачевски и самиот крие имот, и затоа ги штити функционерите кои истото го правеле, а за кое имаме и признанија, додаде тој.

Стоилковски: Фирма на Добрин Петрушевски близок до Спасовски без никаков приход во 3 години отвора бензински на чие отворање доаѓа цела Влада – таткото финансер на СДСМ, синот вози кола со флешери

Магдалена Андонова — Wed, 26 Oct 2022 08:41:11 +0000

Портпаролот на ВМРО-ДПМНЕ Наум Стоилковски во вечерашното гостување во „Емисијата 200“ на Алсат зборуваше зборувајќи за актуелните случувања, истакна дека меѓу луѓето од власта кои што не пријавуваат имот, а имаат позначително богатство позади себе има и човек кој е во пријателска и институционална поврзаност со министерот за внатрешни работи, Оливер Спасовски. Има луѓе кои штo не пријавуваат, а имаат позначително богатство зад себе и врска со одредени министри. Само за вас ќе спомнам едно име, Добрин Петрушевски е името на човекот, член на Управен одбор поставен од Владата во ДСУ Киро Бурназ. Владата на 17 април го именува, Регионален центар за стручно образование и обука. Е сега ако го видите кој е Добрин Петрушевски има и вести, се вели: Продолжува рапидната бизнис експанзија на семејството Петрушевски од Куманово кое што е во пријателска и институционална поврзаност со министерот за внатрешни работи Оливер Спасовски“ цитирам вест која што барем лесно се пронаоѓа на алатката „Тајм.мк“, истакна Стоилковски. Тој исто така додаде дека доколку една фирма три години не прикажала никаква добивка во УЈП и одеднаш отвора станици за технички преглед и бензински на чие отворање доаѓа цела влада, мора да се роди сомнеж од каде тие пари. - Ако една фирма која што имала фирма 3 години и не прикажала никаква добивка преку УЈП во 3 години и одеднаш има некаква експанзија од неколку милиони евра и отвора бензински пумпи, станици за технички преглед и доаѓа цела влада предводена од заменик премиер како Оливер Спасовски и има видеа од тоа дека е отворена мора да се роди сомнеж од каде пари на таа фирма, потенцираше Стоилковски и додаде: - Конкретниот случај што го посочив како ексклузивен пример, таткото е финансиер на СДСМ, а синот вози кола со флешери и станува збор за луѓе кои што се од кабинетот на Оливер Спасовски во МВР.

добрин петрушевски – Kurir.mk

Петрушевски: Луѓе блиски до Спасовски кријат милионски имот, УЈП да отвори постапка за сите функционери дали за имотот платиле данок