добротворни цели – Kurir.mk

Тејлор Свифт и Бредли Купер подарија своја гитара за добротворни цели

Магдалена Андонова — Fri, 16 Oct 2020 08:33:59 +0000

Тејлор Свифт, Бредли Купер и кантри-пејачот Кит Урбан подарија своја гитара за добротворната аукција на „Кристи’с“. Наддавањето и продажбата траат од денеска до 29 октомври, и имаат за цел прибирање средства и помош за кантри-музичарите во САД, погодени од корона-кризата. Така, гитарата „Гибсон“ на Тејлор Свифт и деветте перца, се очекува да достигнат цена од 25.000 до 40.000 долари. Електричниот инструмент на Бредли Купер, пак, користен во филмот „Ѕвездата е родена“ од пред две години, се проценува на 2.000 – 4.000 долари. На наддавањето ќе се најде и 30-годишен цимбал на кантри-ѕвездата Доли Партон (проценет на 50.000 – 100.000 долари), акордеон на Шерил Кроу (8.000 – 12.000 долари), како и гитари на Двајт Јокам и Блејк Шелтон. (МИА)

Ватикан годишно собира околу 55 милиони долари донации, само 10 отсто искористени за добротворни цели

Ивона Петрова — Tue, 17 Dec 2019 07:10:27 +0000

Ватикан собира повеќе од 55 милиони долари донации годишно преку својата добротворна фондација, а бидејќи црковниот закон го диктира папата Франциско, тој легално може да ги користи парите за донации според своја дискреција. Во извештај на „Вол Стрит Журнал“ се наведува дека само 10 отсто од тие донации биле користени за вистински добротворни цели. Според извештајот, две третини од преостанатиот износ отишле во ребалансот на внатрешниот буџет на Ватикан. Како што пренесуваат светските агенции, оваа вест може да биде алармантна за донаторите кои ги дале своите прилози за да им се помогне на најсиромашните, а не за исплата на административниот дефицит на Ватикан.

Долгот на Светата Столица изнесува 76 милиони американски долари на буџет од 333 милиони долари за минатата година. Иронично е што изборот на папата Франциско во 2013 година зависеше токму од изнаоѓање решение за намалување на финансиските проблеми на Ватикан, пренесуваат агенциите.

Во извештајот се наведува дека растечкиот долг на Ватикан во најголем дел се должи на зголемувањето на платите и намалувањето на инвестициите, како и на други сериозни финансиски неефикасности.

Фудбалерите треба да се огледаат на него: Откако потпиша договор одлучи 60.000 евра месечно да донира во добротворни цели (ВИДЕО)

Матеја Петровски — Thu, 16 Aug 2018 16:13:28 +0000

Фудбалерот на Кристал Палас, Вилфред Заха наскоро ќе потпише нов договор, со кој ќе заработува неверојатни 150 илјади евра месечно. Овој крилен напаѓач откако ја почна својата професионална кариера донира 10 проценти од секоја плата во добротворни цели, што значи дека се новиот договор ќе донира по 15 илјади евра неделно.

South London and proud. Very happy to have signed a new contract with @cpfc ?? #CPFC #GodIsGreat

A post shared by Wilfried Zaha (@wilfriedzaha) on Aug 15, 2018 at 2:57am PDT

Тоа значи дека месечно ќе донира 60.000 евра. Неговиот Кристал Палас одлично ја отвори оваа сезона, откако во првото коло славеше со 2:0 против Фулам, а Заха постигна гол на тој натпревар.