доброволци – Kurir.mk

И Јапонците на помош, доброволно се пријавуваат да се борат за Украина

Ивона Петрова — Wed, 02 Mar 2022 07:36:48 +0000

Околу 70 Јапонци одговориле на украинскиот повик за странски доброволци да се борат против руската инвазија, јавуваат денеска западни медиуми. – Заклучно вчера, околу 70 Јапонци – вклучително и 50 поранешни членови на јапонските сили за самоодбрана и двајца ветерани од француската Легија на странци – се пријавиле да бидат доброволци во војната против Русија, објави дневниот весник Мајничи Шимбун, цитирајќи компанија од Токио која се занимава со организирање на доброволците. Портпаролот на Украинската амбасада соопшти дека примале повици од луѓе кои „сакаат да се борат за Украина“, но рече дека не знаат ништо повеќе за доброволците. Украинскиот претседател Володимир Зеленски повика во неделата да се формира „меѓународна легија“, што поттикна десетици луѓе од САД и Канада да волонтираат.

Се бараат доброволци кои ќе се заразат со коронавирусот во име на науката

Дарко Андоновски — Thu, 27 Jan 2022 11:35:59 +0000

Првото медицинско истражување на светот во коешто е дозволено намерно изложување на испитаниците на новиот коронавирус SARS-CoV-2 бара доброволци поради развој на подобри вакцини против коронавирусната болест Covid-19. Истражувањето на Универзитетот Оксфорд е започнато ланскиот април, три месеца откако Велика Британија стана првата земја на светот којашто одобри испитувања во врска со Covid-19 кај луѓе. Неговата прва фаза, којашто сѐ уште е во тек, насочена е на откривање на количеството вирус коешто е потребно за предизвикување на инфекцијата, додека втората фаза ќе има цел да го одреди имунолошкиот одговор потребен за да се спречи заразата, објави универзитетот во соопштение за медиумите. Научниците зе близу утврдувањето на најслабата можна инфекција со вирусот која осигурува околу половината од луѓето кои се изложени на него да добијат асимптоматски или благ Covid-19. Потоа планирааат да ги изложат волонтерите, сите претходно природно заразени или вакцинирани, на таа доза од изворната варијанта на вирусот за да утврдат кои нивоа на антитела или имуносните Т-клетки се потребни за спречување на инфекцијата. „Тоа е имунолошкиот одговор кој треба да го поттикнеме со новите вакцини“, изјави Хелен Мекшејн, професорка на Универзитетот Оксфорд и водечки научник во студијата. Наодите од истражувањето ќе помогнат идниот развој на вакцините да биде побрз и поефикасен, се додава во соопштението. Имунолозите во светот се обидуваат точно да го одредат нивото на имунолошката реакција која вакцината мора да ја предизвика за да го заштити организмот од болеста. Кога ќе биде откриено тоа ниво, значително ќе бида намалена потребата од масовни испитувања на вакцините. Научниците со децени користат опити врз луѓе за да развијат третмани против многу заразни болести, но ова е првото познато такво истражување за Covid-19. Негативната страна на истажувањето е ризикот по здравјето на доброволците кои ќе заболат од коронавирусната болест, но научниците ги преземаат сите мерки на претпазливост. Испитаницата мора да бидат здрави и на возраст меѓу 18 и 30 години. Тие ќе бидат во карантин најмалку 17 денови, а сите кои ќе развијат симптом ќе го добијат скапиот лек на база на моноклонски антитела „Ronapreve“, заеднички развиен од фармацевтските компании „Regeneron Pharmaceuticals “ и „Roche“.

Куба ќе ја тестира втората вакцина против Ковид-19, бара доброволци

Ивона Петрова — Fri, 19 Mar 2021 06:56:31 +0000

Кубанскиот здравствен регулатор ја одобри втората локално развиена вакцина против Ковид-19 за последната фаза на клиничките испитувања. Вакцината се вика Абдала и е именувана по поема на кубанскиот национален херој Хозе Марти. Вакцината, како и првата локална вакцина Соберана 2, е насочена кон шилестиот протеин на коронавирусот. Властите бараат 48.000 волонтери на возраст од 18 до 80 години за да ја тестираат новата вакцина. Тестовите ќе завршат во јуни, а првите резултати ќе бидат објавени во август. Островската држава регистрира 600-1000 нови случаи на ден, далеку повеќе од неколку нови случаи пред една година. Од почетокот на пандемијата, Куба регистрира повеќе од 64 000 случаи на инфекција и над 380 смртни случаи.

Израел почна со тестирање врз доброволци на своја вакцина против коронавирус

Тале Кристо — Sun, 01 Nov 2020 12:59:44 +0000

Израел почна со тестирање на вакцина против коронавирусот врз волонтери, и доколку се покаже дека е ефекасна, следното лето ќе им биде достапна на граѓаните, изјави денеска Шмуел Шапира, генерален директор на Израелскиот институт за биолошко истражување. Во тестирањето ќе учествуваат 80 доброволци на почетокот, а до декември тој број треба да изнесува 960. Ако оваа фаза на тестирање се покаже делотворна, во третата фаза, во април или мај, треба да учествуваат околу 30.000 волонтери. – Ние сме во завршна фаза, рече Шапира. Институтот работи под покровителство на Министерството за одбрана и започна со тестирање на вакцината врз животни во март, за пред само една недела да објави дека добил дозвола од регулаторното тело да премине во следната фаза на тестирање. Рестриктивните мерки во Израел, земја со девет милиони жители, полека се олеснуваат бидејќи се намалува бројот на луѓе на инфицирани од коронавирус.

Русија избра 50 доброволци војници за тестирање вакцина против Ковид-19

Тале Кристо — Tue, 02 Jun 2020 10:27:13 +0000

Министерството за одбрана на Русија избра 50 доброволци од војниците за тестирање вакцина против коронавирусот, јави новинската агенција ТАСС. Министерството соопшти дека 50 војници, вклучително и пет жени, биле избрани и изразиле желба да учествуваат во тестирање на безбедноста и ефикасноста на вакцината против коронавирус. Сите кандидати минале претходни проверки и тестови, а никој од нив не бил болен во претходниот месец. Војниците кои ќе учествуваат во тестирање на вакцината доаѓаат од различни единици низ целата земја. Рускиот министер за одбрана Сергеј Шојгу претходно изјави дека Институтот работи на развој на вакцина против коронавирусот, дека претклиничките истражувања ќе бидат спроведени до 1 јуни, а клиничките истражувања треба да завршат до крајот на јули.

Доброволци се заразуваат со коронавирус за побрзо да се најде вакцина

Ивона Петрова — Mon, 09 Mar 2020 10:18:09 +0000

Доброволци ќе бидат заразени со форма на коронавирус во Велика Британија во обид што побрзо да се најде вакцина против вирусот, објави „Тајмс“. За 3.500 фунти пациентот треба да помине две недели пред телевизор, со книга во рака или да игра компјутерски игри, наведува весникот. Лицето нема да има никаков физички контакт со надворешниот свет. Во рамките на овој глобален експеримент, групи од по 24 луѓе ќе бидат платени за да се заразат со новиот коронавирус во рамките на програма за изнаоѓање вакцина за Ковид-19 за која се дадени две милијарди долари.