Панова: Парламентарното мнозинство да ги поддржи измените на Законот за детска заштита предложени од ВМРО-ДПМНЕ со кои се бара зголемување на додатоците

Магдалена Андонова — Wed, 08 Jun 2022 10:04:30 +0000

Денес, на дневен ред се две измени на Законот за детска заштита кои се предложени од страна на Пратеничката група на ВМРО-ДПМНЕ. Во првата измена на овој закон се бара висината на посебниот додаток наместо 5.021 денари, да се зголеми на 10.142 денари. Износот на посебниот додаток наместо 7. 531 денари за самохран родител кој има дете со попреченост до 26 години живот, да се зголеми на 15.163 денари. Износот на посебниот додаток наместо 6.276 денари за материјално необезбедени родители, кои се корисници на гарантирана минимална помош кои имаат попреченост до 26 години живот, да се зголеми на 12.652 денари, изјави денеска за медиумите Ели Панова, пратничка од редовите на ВМРО-ДПМНЕ. Таа смета дека со овие измени значителни би се помогнало на оваа категорија на граѓани на кои им е неопходна во овие тешки времиња. - Со втората измена во Законот за детска заштита се дава можност за поширока примена на правото на користење на надоместок за трето дете без ограничување и дискриминација врз основа на остварен просечен приход на семејството на мајката. Со оваа измена се цели кон стимулирање на многудетни семејства, за подобрување на демографската слика на целото општество, што е важен елемент и за економијата, образованието и за развојот на државата во целина, појасни Панова. Пратеничката додаде дека се надева дека парламентарното мнозинство ќе покаже свест и разбирање и ќе ги поддржи овие измени се со цел подобар живот на овие граѓани.

„СДК“: Уставните судии сами си изгласаа 35% додатоци на плата без да ги поминат законски во Собрание

Ивона Петрова — Mon, 09 Nov 2020 09:00:19 +0000

Уставните судии на 22 октомври сами си изгласале додатоци во висина до 35 отсто од месечната плата за да бидат исти како судиите и обвинителите, но направиле преседан. Додатоците си ги вметнале во Деловникот за работа на Уставниот суд, место парламентот да им ги изгласа со закон, пишува порталот „Сакам да кажам“. Кај нас, со посебни закони за плати на судиите (во редовното судство) и на обвинителите се регулирани надоместоците на овие две професии, како што е секаде пракса во светот кога станува збор за ризици во работата. За уставните судии таков закон нема, зашто тие земаат поголеми плати од обвинителите и од редовните судии во основните, апелационите, управните судови и во Врховниот суд, а немаат ни толкав ризик во работата, стои во текстот на СДК. Уставните судии не сослушуваат обвинети, не одредуваат притвор, не судат за организиран криминал, ниту за корупција, убиства, силувања, педофилија. Не одат на увид на несреќи, не трпат таков тип ризик во работата. А тие токму за овие ризици си предвиделе надоместоци со Деловник за работа. „Во Деловникот на Уставниот суд по членот 10 се додава 10-а, кој гласи: Покрај правото на плата и други надоместоци, судиите на Уставниот суд имаат право на додаток на плата за: -посебни услови за работа -постоење на висок ризик -доверливост Вкупниот износ на висината на додатоците од ставот 1 на овој член, не може да изнесува повеќе од 35% од основата на платата на судијата. Додатоците од ставот 1 на овој член, нивната висина и начинот на утврдување се уредуваат со акт на Судот“, стои во одлуката објавена во Службен весник. Целиот текст прочитајте го на „СДК“.

додатоци – Kurir.mk

Панова: Парламентарното мнозинство да ги поддржи измените на Законот за детска заштита предложени од ВМРО-ДПМНЕ со кои се бара зголемување на додатоците

„СДК“: Уставните судии сами си изгласаа 35% додатоци на плата без да ги поминат законски во Собрание