доделување – Kurir.mk

„Нетфликс“ доминираше – доделени наградите „Златен глобус“, а ова се победниците

Магдалена Андонова — Mon, 01 Mar 2021 09:04:34 +0000

Во година на постојани одложувања на филмови и во застој на телевизиски продукции, не е изненадување што годинава кај победниците на Златниот глобус доминираа стриминг услугите - особено Нетфликс. Иако оваа година наградите „Златен глобус“ беа проследени со многу контроверзии, почнувајќи од истрагата за етиката поврзана со 87. члена на одборот, до критиките дека нема афроамерикански членови во комисијата, ниту пак доволно номинирани Афроамериканци кога станува збор за категоријата најдобар режисер, најдобар актер и најдобра актерка, наградите „Златен глобус“ се одржаа, а најголем победник беше „Нетфликс“. Еве ја листата со наградени. Телевизија Најдобар актер во ТВ-серија, мјузикл или комедија Дон Чидл - „Black Monday“ Николас Холт - „The Great“ Јуџин Леви - „Schitt's Creek“ Џејсон Судекис - „Ted Lasso“ Рами Јусуф - „Ramy“ Најдобра актерка во ТВ-серија - мјузикл или комедија Лили Колинс - „Еmily in Paris“ Кejли Квоко - „Тhe Flight Attendant“ Ел Фанинг - „The Great“ Џејн Леви - „Zoey's Extraordinary Playlist" Кетрин О' Хара - „Schitt's Creek“ Најдобар актер во ТВ-серија - драма Џејсон Бејтман - „Ozark“ Џош O'Конор - „The Crown“ Боб Оденкирк - „Better Call Saul“ Aл Пачино - „Hunters“ Метју Рајс - „Perry Mason“ Најдобра актерка во ТВ-серија - драма Оливија Колман - „The Crown“ Џоди Комер - „Killing Eve“ Ема Корин - „The Crown“ Лара Линеј - „Ozark“ Сара Полсон - „Ratched“ Најдобар актер во кратка серија или филм за ТВ Брајан Кранстон - „Your Honor“ Џеф Даниелс - „The Comey Rule“ Хју Грант - „The Undoing“ Марк Рaфало - „I Know This Much is True“ Итан Хоук - „The Good Lord Bird“ Најдобра актерка во кратка серија или филм за ТВ Кејт Бланшет - „Mrs. America“ Дејси Едгар-Џонс - „Normal people“ Шира Хас - „Unortodox“ Никол Кидман - „The Undoing“ Ања Тејлор-Џој - „The Queen's Gambit“ Најдобра ТВ-серија - драма „The Crown“ „Lovecraft Country“ „The Mandalorian“ „Ozark“ „Ratched“ Најдобра кратка серија или ТВ-филм „Normal People“ „The Queen's Gambit“ „Small Axe“ „The Undoing“ „Unorthodox“ Најдобра ТВ-серија - мјузикл или комедија „Emily in Paris“ „The Flight Attendant“ „Schitt's Creek“ „The Great“ „Ted Lasso“ Филм Најдобар анимиран филм „The Croods: A New Age“ „Onward“ „Оver the Moon“ „Soul“ „Wolfwalkers“ Најдобар филм - мјузикл или комедија „Borat Subsequent Moviefilm“ „Hamilton“ „Music“ „Palm Springs“ „The Prom“ Најдобар филм - драма „The Father“ „Mank“ „Nomadland“ „Promising Young Woman“ „The Trial of the Chicago 7“ Најдобар странски филм „Another Round“, Данска „La Llorona“, Гватемала/Франција „The Life Ahead“, Италија „Minari“, САД „Two of Us“, Франција/САД Најдобро сценарио Емералд Фенел - „Promising Young Woman“ Џек Финчер - „Mank“ Арон Соркин - „The Trial of the Chicago 7“ Флоријан Зелер, Кристофер Хамптон - „The Father“ Клои Жао - „Nomadland“ Најдобра оригинална песна „Fight for You„ - „Judas and the Black Messiah“ „Hear My Voice“ - „The Trial of the Chicago 7“ „IO SI (Seen)“ - „The Life Ahead“ „Speak Now“ - „One Night in Miami“ „Tigers & Tweed“ - „The United States vs. Billie Holiday“ Најдобар актер во филм - мјузикл или комедија Саша Барон Коен - „Borat Subsequent Moviefilm“ Џејмс Корден - „The Prom“ Лин-Мануел Миранда - „Hamilton“ Дев Пател - „The Personal History of David Copperfield“ Енди Самберг - „Palm Springs“ Најдобрa актерка во филм - мјузикл или комедија Марија Бакалова - „Borat Subsequent Moviefilm“ Кејт Хадсон - „Music“ Мишел Фајфер - „French Exit“ Розамунд Пајк - „I care a lot“ Ања Тејлор-Џој - „Emma“ Најдобар актер во филм - драма Чадвик Боузман - „Ma Rainey's Black Bottom“ Риз Ахмед - „The Sound of Metal“ Ентони Хопкинс - „The Father“ Гери Олдман - „Mank“ Тахар Рахим - „The Mauritanian“ Најдобра актерка во филм - драма Вајола Дејвси - „Ma Rainey's Black Bottom“ Андра Деј - „The United States vs. Billie Holiday“ Ванеса Кирби - „Pieces of a Woman“ Френсис Мекдорманд - „Nomadland“ Кери Мулиган - „Promising Young Woman“ Најдобар режисер Дејвид Финчер - „Mank“ Реџина Кинг - „One Night in Miami“ Арон Соркин - „The Trial of the Chicago 7“ Клои Жао - „Nomadland“ Емералд Фенел - „Promising Young Woman“ Целосната листа со номинации можете да ја погледнете на theverge.com

Доделувањето на „Тони“ наградите одложено на неопределено

Тале Кристо — Thu, 26 Mar 2020 15:27:38 +0000

Годинешното свечено доделување на „Тони“ театарските награди вчера е одложено на неодредено време. Ова е последниот во низата културни настани – жртви на корона-пандемијата. Доделувањето требаше да се одржи во Њујорк на 7 јуни, со пренос во живо на Си Би Ес. Театрите на Бродвеј беа затворени пред две седмици поради пандемијата. Њујорк потоа беше прогласен за жариште на епидемијата во САД. „Здравјето и безбедноста на броадвејската заедница, уметниците и обожавателите нам ни се најважни”, се истакнува во известувањето на организаторите. Така, свеченоста е „одложена за подоцнежен датум“, како што стои во соопштението. Наградите „Тони“ за драма, мјузикл, режисери и глумци се сметаат за највисоко признание во американската театарска сцена. Меѓу откажаните културни настани поради коронавирусот, се и Филмскиот фестивал во Кан, како и музичките фестивали во Гластонборо и во Велика Британији и Коачела во Калифорнија.

Одложено доделувањето на наградите „Златна малина“

Ивона Петрова — Tue, 17 Mar 2020 07:37:04 +0000

Доделувањето на најнепосакуваните филсмки награди „Златна малина“ е откажно вчеравечер во Лос Анџелес, само неколку часа пред почетокот на церемонијата. -„Златната малина“ мораше да биде откажана бидејќи Лос Анџелес ги затвори сите големи сали каде би можело да се соберат повеќе од 50 луѓе. Без сала нема да го спроведеме доделувањето, истакна основачот на наградите Џон Вилсон. Засега не е познато дали и кога ќе биде закажан нов датум. „Златна малина“ е филмска награда која се доделува во неколку категории: најлош филм, најлош актер, најлоша оригинална песна, најлош режисер...Практично оваа награда е спротивна на Оскарите. Годинава за најлош филм се номинирани: "Cats", "A Madea Family Funeral и "Rambo: Last Blood". Дел од номинациите на најлош актер отидоа кај Силвестер Сталоне и Џон Траволта. На изненадување на многумина, номиниран е и со Оскар наградениот филм „Џокер“ во категоријата најлошо бесчувствително непочитување кон човековиот живот и јавниот имот.

Вечерва доделување на наградата Оскар

Дарко Андоновски — Sun, 24 Feb 2019 09:05:41 +0000

Во Долби театарот во Лос Анџелес вечерва ќе биде одржана 91. церемонија за доделување Оскари, награда на американската Академија на филмски уметности и наука. Овогодинешното доделување на наградите, по првпат од 1989 година ќе биде одржано без водител, како и без новата категорија за најпопуларен филм, од која се откажа Академијата. Американскиот комичар Кевин Хант се откажа од улогата на водител по бурните реакции на јавноста на неговите стари, хомофобни пораки на Твитер. Последните две години церемонијата ја водеше комичарот Џими Кимел. Во категоријата за најдобар филм, годинава се номинирани осум филмови. Фаворити, со по 10 номинации, се сметаат британскиот филм „Миленичка“, црна комедија за политичките интриги и игри на моќ на дворот на кралица Ана во 18 век и „Рома“, осврт на животот на една куќна помошничка во Мексико Сити. Сепак, самиот број на номинации не гарантира и дека ќе ја добие наградата за најдобар филм, бидејќи за тоа гласаат 8.200 членови на Академијата од различни области. По првпат во историјата на една пејачка, поконкретно на Лејди Гага, и успеа да стане првата личност која во иста година е номинирана за најдобра актерка и најдобра песна во филмот на Бредли Купер „Ѕвездата е родена”. Лејди Гага се смета за фаворит за освојување на наградата за најдобра песна, благодарение на „Shallow“, која ги освои срцата на обожаватели од целиот свет, за која веќе ги доби наградите Греми, Златен глобус и БАФТА. Филмот „Црниот Пантер” од работилницата на Марвел е првиот филм за суперхерој номиниран во категоријата најдобар филм и тоа десет години откако Американската филмска академија го игнорираше филмот „Витез на темнината” во таа категорија. „Црниот Пантер” е исто така филмот со највисока заработка во 2018 година, која изнесува околу 1,3 милијарди долари. Познатиот американски режисер Спајк Ли беше првпат е номиниран во категоријата најдобар режисер благодарение на филмот „BlacKkKlansman”. Досега беше номиниран само во категориите за најдобро оригинално сценарио и за најдобар документарен филм. Во 2015 година му беше доделен почесен Оскар. Годинава историја ќе испише и филмот „Рома“, како прв филм на Нетфликс во таа категорија, како и во категориите Најдобар режисер, Најдобро сценарио, Најдобар странски филм, Најдобар продукциски дизајн, Најдобро уредување на звукот и Најдобар звук. Продуцентката на „Рома, Габриела Родригез, е првата латиноамериканка кој ја доби номинацијата во категоријата најдобар филм. За Оскар за најдобар филм ќе се натпреваруваат осум остварување: „Roma“, „A Star is Born“, „Green Book“, „BlacKkKlansman“, „Vice“, „The Favourite“, „Black Panther“ и „Bohemian Rhapsody“. Во конкуренција за најдобар режисер се Алфонсо Куарон („Roma“), Бредли Купер („A Star is Born“), Спајк Ли („BlacKkKlansman“), Јоргос Лантимос („The Favouritе“), Адам Мекеј („Vice“) и Павел Павликовски („Cold War“). Номинацијата за најдобра машка улога ја добија Кристијан Бејл („Vice“), Рами Малек („Bohemian Rhapsody“), Бредли Купер („A Star is Born“), Виго Мортенсен („Green Book“) и Вилијам Дефо („At Eternity’s Gate“). За Оскарот за најдобра женска улога ќе се натпреваруваат пет актерки: Глен Клоуз („The Wife“), Леjди Гага („A Star is Born“), Оливиja Колман („The Favourite“), Јалица Апарисио („Roma“) и Мелиса Макарти („Can You Ever Forgive Me?“). Номинацијата за најдобар филм од неанглиското говорно подрачје ја добија „Never Look Away“, „Cold War“, „Capernaum“, „Roma“ и „Shoplifters“. Дизниевите „Incredibles 2″ и “Ralph Breaks the Internet” се во трката за најдобар анимиран филм.