договори – Kurir.mk

Руската Дума ги ратификуваше договорите за анексија на 4 украински територии

Тале Кристо — Mon, 03 Oct 2022 12:03:12 +0000

Руската државната Дума едногласно ги ратификуваше договорите за прием на Доњецката Народна Република, Народна Република Луганск, регионите Керсон и Запорожје, четирите југоисточни украински региони доминатно населени со руско и рускојазично населени во Руската Федерација. Документите беа потпишани во Москва на 30-ти септември. Меѓународните договори, меѓу другото, се занимаваат и со утврдување на границите на новите ентитети. Границите на републиките и регионите ќе бидат одредени со границите на територијата што „постоела на денот на нивното формирање и прифаќање во Руската Федерација“. Меѓународните договори прецизираат дека границите поврзани со територијата на странска држава ќе бидат државната граница на Руската Федерација. Во договорите се наведува и дека од денот на приемот на субјектите во Русија ќе се формираат две републики и два региона кои ќе ги задржат сегашните имиња. Нивните челници ќе добијат статус на гувернери. Вршителот на должноста раководител на субјектите ќе ги назначи Претседателот на Руската Федерација во рок од 10 дена од датумот на прифаќање на субјектите. Регионалните влади ќе бидат формирани од вршители на должност гувернери „во согласност со законодавството на Руската Федерација“. Рускиот претседател Владимир Путин во неделата поднесе до Државната Дума нацрт-федерални уставни закони за прием на субјекти во Русија, како и меѓународни договори за ратификација. Исто така, претходно ресрет на Уставниот суд на Русија ги одобри документите поднесени од шефот на државата

Џонсон договори нови безбедносни договори со Шведска и Финска

Магдалена Андонова — Wed, 11 May 2022 12:51:43 +0000

Британскиот премиер Борис Џонсон денеска изјави дека договорил нови безбедносни договори со Шведска и Финска, ветувајќи дека Британија ќе ги поддржи воените сили на двете земји доколку бидат нападнати. Џонсон ќе ги потпише новите декларации, кои Велика Британија ги опишува како „важна промена во одбранбената и безбедносната соработка“, за време на денешните посети на Шведска и Финска. „Ние сме непоколебливи и недвосмислени во нашата поддршка за Шведска и Финска, а потпишувањето на овие безбедносни декларации е симбол на вечната доверба меѓу нашите нации“, наведува Џонсон во изјавата. „Премиерот ќе ја каже намерата на Велика Британија да ги поддржи вооружените сили на двете земји во случај на криза или напад“, се вели во соопштението на британската влада. Се очекува Шведска и Финска да се приклучат на НАТО пред се поради руската инвазија на Украина. Тие, сепак, стравуваат дека ќе бидат ранливи за време на процесот на пристапување, што може да потрае и до една година. И САД и Германија изразија поддршка за Шведска. Според британската влада, новите договори ќе ја подобрат размената на разузнавачки информации и ќе ја забрзаат заедничката воена обука, вежби и мисии. (МИА)

ВМРО-ДПМНЕ: ДУИ склучила 811 договори на дело во Тетово, во услови кога општината е задолжена, кога нема вода и кога има низа комунални проблеми

Тале Кристо — Thu, 10 Feb 2022 08:11:48 +0000

СДСМ и ДУИ се одлично уиграни кога се работи за злоупотреби и трошење на народни за партиски и лични интереси. Ако не е некоја злоупотреба со наместен тендер, тогаш тоа е оптеретување на општинскиот буџет со голем број договори на дело, велат во партиското соопштение од ВМРО-ДПМНЕ. За тоа како функционираат општините под власта на ДУИ и СДСМ показател е последниот случај со општина Тетово. Општина Тетово во 2021 година под раководство на Теута Арифи од ДУИ/СДСМ, склучила дури 811 договори на дело. Веројатно олку голем број вака ангажирани лица нема ни во Берлин или Париз, ама затоа една од најзадолжените општини во Македонија ангажирала лица под договор на дело и покрај тоа што во општината има превработеност. Општината Тетово наместо за проекти во интерес на граѓаните одвојувала месечно по 5000 до 25.000 денари по човек, за кои нема информација какви ангажмани имале. Во исто време кога во Тетово нема вода, кога не се собира сметот, кога нема асфалтирање на улици, изградби на градинки и училишта да се трошат милиони годишно за спорни договори на дело е крајно недомаќински и неодговорно. Но тоа е матрицата на ДУИ и на СДСМ. Тие го гледаат буџетот како извор за задоволување на партиските интереси и лично богатење, на сметка на грбот на народот, стои во соопштението на ВМРО-ДПМНЕ.

ВМРО-ДПМНЕ: Љупчо Путерот лови путер, а власта за 6 месеци склучила договори во 4 очи од 11 милиони евра

Тале Кристо — Thu, 25 Mar 2021 08:33:26 +0000

Љупчо Николовски Путерот, како путер низ раце му се промакнале низ државните институции 464 договори во 4 очи за набавки за кои се потрошени 11 милиони евра, велат во партиското соопштение од ВМРО-ДПМНЕ. Додека Љупчо Путерот лови расипан путер, министрите и директорите штанцале договори во 4 очи. Од тие 11 милиони евра дадени во четири очи, само 2.4 милиони евра биле за набавки поврзани со КОВИД 19, другите над 9.5 милиони евра за останати работи не поврзани со пандемијата. Доколку ја погледнеме листата на институции кои склучувале договори во 4 очи ќе видиме дека први се Клиниката за трауматологија, Министерството за здравство, Здравствениот дом Скопје. Здравството трошело најмногу пари, за договори во 4 очи, но сам мал дел од парите се потрошени за борбата против пандемијата. На што биле трошени пари во здравството, а во исто време не ги исполнуваме критериумите за помош од ЕУ?! Дали наместо во борба против пандемијата, се распишувале тендери за се и сешто, само не за средства кои се потребни во борбата против КОВИД 19?! Срамно е додека Филипче и другите од владата склучуваат договори во четири очи немаме вакцини, народот нема за маски и дезинфициенси, а за тестирање се чека и по неколку дена, за кога болен ќе отиде во болница, човек да се соочи со преполни болници и недостаток на средства, стои во соопштението на ВМРО-ДПМНЕ.

СЕ ПОВЕЌЕ СЕ ПРЕГОВАРА ВО ЧЕТИРИ ОЧИ: Без оглас се склучени договори од 11 милиони евра

Ивана Ефремовски — Tue, 23 Mar 2021 12:03:22 +0000

Дури 11 милиони евра за период од половина година државните институци дале за договори во четири очи, без објавување на оглас, анализира ФАКТОР. Ова го покажал Извештајот од мониторингот на јавните набавки за периодот јануари-јуни 2020 година. Клучните наоди од мониторингот на Центарот за граѓански комуникации го покажуваат следново. Институциите не се консултираат со бизнис-секторот во насока на подобрување на тендерските документации, а со тоа и на самиот процес на јавните набавки. Во мониторираниот период, спроведен е технички дијалог само за 1,4 отсто од тендерите, а и во овој симболичен процес на консултации се забележуваат пропусти. Во мониторираниот период, преку нетранспарентната постапка со преговарање без објавување оглас се склучени договори во вредност од 11 милиони евра, што е за 15 отсто повеќе од истиот период претходната година. На секој трет тендер е доставенa една или ниту една понуда. Конкуренцијата во јавните набавки во првото полугодие од 2020 година упатува на минимално подобрување во однос на истиот период во 2019 година, но влошување во однос на целата 2019 година. Целата анализа прочитајте ја на ФАКТОР

Николов до директорите на ЈЗИ: Не ги потпишувајте договори за стерилизација, тоа се криминални шеми на Заев и Филипче

Магдалена Андонова — Sun, 28 Feb 2021 11:01:30 +0000

Додека се обидуваат да ја анимираат и манипулираат јавноста со датум за вакцини, надлежните продолжуваат и понатаму со проекти и договори со кои штетно го демонтираат и приватизираат јавното здравство во Македонија. Наместо реорганизарање на здравствениот систем за да одговори соодветно на корона пандемијата, Филипче и Заев ставиле акцент на демонтирање и распродажба на јавното здравство. Оттука, јасно е зошто нема вакцини, фокусот им е кон демонтирање на јавното здравство, изјави на денешната прес конференција Игор Николов, претседател на Комисија за здравство на ВМРО-ДПМНЕ. - Што направи Владата во сегментот на стерилизацијата? Најдоа компанија која ќе ја врши стерилизацијата во јавните здравствени установи ширум државава, на директорите им доставија модел договор за потпишување. Или директорите ги ставија пред свршен чин. Јавно ги прашуваме организациските и медицинските директори: Дали со договорот кој што ве тераат да го потпишете и ве уценуваат, за да си ги зачувате работните места, буџетот кој се троши за стерилизација во јавните здравствени установи ќе биде 10 пати поголем од оној што се троши до сега? Кои се предностите од овој договор за стерилизација, има ли воопшто предности? Ги знаете ли деталите на договорот? На годишно ниво за една болница во Македонија тоа би изгледало отприлика вака. Доколку таа во 2020 година трошела три милиони и двесте илјади денари, според новиот договор истата болница ќе троши 76 милиони денари годишно. Можеби најважен дел, од ова криминално јавно-приватно партнерство, е што Фондот за здравствено осигурување, предвидено е да одобрува условен буџет за секоја јавна здравствена установа. Со истиот ексклузивно ќе се плаќаат услугите на приватниот партнер. Со ова практично ќе му се овозможува редовна и непречена наплата на приватниот партнер, но, не и на останатите компании. Со ова останатите економски оператори кои испорачуваат стоки и услуги за клиниките, се ставаат во подредена и крајно неповолна положба, истакна тој. Николов апрелира до менаџерите на јавните здравствени установи да не ги потпишуваат овие договори, без притоа, до детаљ да бидат запознаени што добиваат со истите. - Ќе дојде време на одговорност, и одговорноста ќе остане за тие што ги потпишале договорите. Едноставно е, не влегувајте во криминалните активности на Владата предводена од Зоран Заев, посочи тој.

Барселона ги обнови договорите со четворица фудбалери

Дарко Андоновски — Wed, 21 Oct 2020 07:25:05 +0000

Шпанскиот фудбалски гигант, Барселона, на својата официјална веб-страница објави продолжување на договорите со четворица играчи. Новите договори ги потпишаа: голманот Марк-Андре тер Штеген (до 30 јуни 2025 година), дефанзивците Жерар Пике (до 30 јуни 2024 година) и Клеман Лангле (до 30 јуни 2026 година) како и играчот за врска Френки де Јонг (до 30 јуни 2026 година). Во договорите на Тер Штеген и Пике обесштетувањето за предвремен раскин на договорот е ставено на 500 милиони евра, кај Де Јонг 400, додека за Лангле изнесува 300 милиони евра. Каталонскиот клуб договорите со играчите ги потпиша во време на финансиска криза и во период кога упати барање до тимот да се изјасни за намалување на платите.

Тотенхем ги продолжи договорите на двајца играчи

Тале Кристо — Mon, 22 Jun 2020 16:44:52 +0000

Тотенхем ги продолжи договорите на дефанзивецот Јан Вертонген и голманот Мишел Ворм до крајот на оваа сезона. Договорите на двајцата истекуваа на 30 јуни, но двајцата се согласија да ја довршат кампањата со тимот на Спарси. Имаше и опција Вертонген веднаш да замине, бидејќи има сериозен интерес од италијанските клубови во Серија „А“.Сепак, Белгиецот одлучи да му помогне на Тотенхем до самиот крај на сезоната, што е многу добра вест за Жозе Мурињо. Ворм (36) беше ослободен од Тотенхем минатото лето, но потоа лондонскиот тим го врати со договор до крајот на сезоната, поради сериозната повреда на актуелниот голман Уго Лорис. Тотенхем, исто така, потврди дека Дани Роуз и Кајл Вокер-Петерс, кои играат на позајмица во Њукасл и Саутемптон, исто така, ќе ја завршат сезоната во нивните сегашни клубови.

Реал Мадрид веќе нема да објавува продолжување на договорите со играчите

Тале Кристо — Wed, 27 May 2020 12:04:48 +0000

Реал Мадрид одлучи да не го објавува официјално продолжувањето на договорите со играчите на првиот тим, информира „Марка“. Во веста на шпанскиот весник се наведува дека клубот веќе имал продолжено договор со играчот од средниот ред Каземиро. Договорот е дизајниран до летото 2023 година. Но, официјално ова не беше објавено. Се известува дека раководството на клубот донело таква одлука со цел да се избегне откривањето на деталите за договорот во печатот. Ваквата политика на Реал не е наведена во официјалните документи, но челниците на клубот се согласија дека вестите за договорите нема да бидат достапни за медиумите. Сезоната во Шпанија е прекината поради пандемијата на коронавирус. Ла Лига треба да продолжи во јуни.

Абас: Палестина нема да ги почитува договорите со Израел и со САД

Тале Кристо — Wed, 20 May 2020 08:51:37 +0000

Палестинскиот претседател Махмуд Абас изјави дека палестинските власти повеќе нема да бидат обврзани да го почитуваат договорот постигнат со Израел и САД, откако Израел вети дека ќе го присвои поголемиот дел од окупираниот Западен Брег. – Палестинската ослободителна организација и државата Палестина не се повеќе должни да ги почитуваат договорите и спогодбите потпишани со израелската Влада и Владата на САД, вклучително и договори за безбедност, истакна Абас. Оваа изјава претседателот Абас ја даде на состанокот на високите палестински функционери, а се уште не е јасно како ќе биде спроведена на дело.