дојава за бомба – Kurir.mk

ЛЕТ НА ВИЗ ЕР ПРЕНАСОЧЕН ПОРАДИ ДОЈАВА НА БОМБА – еве ги деталите!

Дарко Андоновски — Thu, 26 Oct 2023 14:11:53 +0000

Авионот од ерата на Виз од Белград до Базел бил пренасочен и слетал на аеродромот во Фридрихсхафен, во германската сојузна покраина Баден-Виртемберг, дознава N1. На веб-страницата на белградскиот аеродром пишува дека авионот Ербас 321 полетал за Базел во 12:47 часот, додека на сајтот на аеродромот во Базел е наведено дека авионот бил „пренасочен“. За време на летот, патниците добиле информација од капетанот Илија Селаковиќ дека добиле дојава за поставена бомба во Базел. Патниците од Белград кои полетаа од аеродромот Никола Тесла безбедно слетаа на алтернативен аеродром кој се наоѓа на околу 150 километри од Базел. Како што е кажано за N1, Vizair обезбедил автобуски превоз до аеродромот во Базел.

Дојава за бомба: Евакуирана зградата на германската јавна телевизија

Ивана Ефремовски — Mon, 23 Oct 2023 10:25:45 +0000

Неколку згради се евакуирани во германскиот град Мајнц откако полицијата добила дојава за поставена бомба во германската јавна телевизија ЗДФ. Полицијата ја примила пријавата утрово околу 08:20 часот, пишува Билд. Весникот додава дека го пребарува комплексот на ЗДФ со кучиња за откривање експлозиви. (МИА)

Евакуирано еврејско училиште во Рим по дојава за бомба

Катерина Бојаџиева — Wed, 18 Oct 2023 10:10:29 +0000

Училиште на еврејската заедница во Рим е евакуирано како мерка на претпазливост по закана за бомба, јавија италијанските медиуми. Полицијата го пребарува теренот и проверува дали се работи за лажна тревога, а во меѓувреме ги преместува учениците на безбедно место.

Ајфеловата кула кратко евакуирана, заканата за бомба е лажна

Дарко Андоновски — Sat, 12 Aug 2023 14:54:59 +0000

Околу два часа откако властите ја евакуираа Ајфеловата кула поради закана за бомба, на посетителите им беше дозволено да се вратат, објавија странските агенции, повикувајќи се на извор од француската полиција. „Тоа беше лажна тревога, луѓето можат да се вратат внатре“, посочија од полицијата. Кулата покрај реката Сена ја посетуваат околу 7 милиони луѓе секоја година. Ајфеловата кула и околните области на француската престолнина денеска беа евакуирани по закана за бомба. На местото на настанот беа испратени експерти за деактивирање бомби, објави весникот „Паризиен“.

Дојави за бомби на аеродромите во Подгорица и Тиват, авионите кружат над Црна Гора

Ивона Петрова — Sat, 13 May 2023 10:06:03 +0000

Аеродромите во Подгорица и Тиват во Црна Гора утринава информираа дека утринава околу 9 часот добиле закана преку телефон дека на аеродромите има поставено бомби. Аеродромите во моментов се затворени, а полициски службеници со кучиња трагачи вршат проверки. Додека траат проверките, авионите кои требаше да слетаат, кружат на небото на Црна Гора. „Во Подгорица еден авион е вратен на дополнителна контрола. Во моментот полициски екипи прават контроли на аеродромот“, велат од аеродромот во Подгорица.

Cijeli let #Austian-a iz PG za Bec, koji je inicijalno trebao da poleti u 7:00 jutros, pa je odlozen za 8:45 - sad je upravo vracen pred polijetanje u PG sa piste, iskrcani svi putnici i poslati na novi bezbjednosni check, zbog "bezbjednosne diskrepance" pic.twitter.com/DJNbC3UNdE
— Vuk Maras 🇲🇪🇺🇦 (@VukMaras) May 13, 2023

Од Министерстовто за внатрешни работи на Црна Гора известуваат дека на персоналот на аеродромите во Подгорица и Тиват им се заканувале од број од странство. „Управата на полицијата согласно сите процедури презима мерки во област на своите надлежности, а јавноста ќе биде благовремено известена“, рекоа од црногорското МВР. Аеродромските служби им наредиле на сите пилоти кои требало да слетаат на аеродромите да кружат се додека не завршат проверките на полициските службеници.

I evo su nas ponovo ukrcali u avion za Bec, naravno bez ikakvog zvanicnog obrazlozenja sto se desilo. Sto se putnika tice, niko nista ne zna, nego smo citali na @Vijestime sto se desava. pic.twitter.com/tL9xghIrj6
— Vuk Maras 🇲🇪🇺🇦 (@VukMaras) May 13, 2023

Закана за поставен експлозив на аеродромот во Приштина

Ивона Петрова — Wed, 19 Apr 2023 16:18:43 +0000

Портпаролката на меѓународниот аеродром „Адем Јашари“ во Приштина, Ваљентина Гара, потврди дека попладнево добиле закана за бомба. - Потврдуваме дека добивме закана за бомба. Патниците и персоналот се евакуирани и безбедни. Тимовите вклучени во планот за вонредни состојби се ангажирани во извршувањето на нивните задачи, рече Гара. Како што пренесува Бета, ова е една од десетината закани кои беа упатени кон овој аеродром, и сите беа лажни.

Спасовски: Само два дена имаше дојави за бомби од воведувањето на новите протоколи

Ивона Петрова — Thu, 16 Mar 2023 13:18:34 +0000

Од кога се воведени новите протоколи за функционирање во услови на дојава за експлозивни направи, следниот ден имавме една дојава за бомба, а наредниот ден уште една. Понатаму веќе немаше дојави за бомби, потенцираше на денешната прес-конференција министерот за внатрешни работи Оливер Спасовски, одговорајќи на новинарско прашање. Инаку, новиот протокол, кој предвидува преземање на посебни мерки при дојава за бомба, беше воведен во текот на овој месец, за што Спасовски потенцираше дека истиот ќе биде дел од решението на процесот. -Состојбата е целосно под контрола. Полицијата е тука, ќе биде во секое од училиштата, во сите институции. Будно работиме, во целиот изминат период, затоа што за нас сигурноста, безбедноста и спокојот на граѓаните се на прво место, порача неодамна министерот Спасовски.

Денеска 30 училишта добиле дојави за бомби, сите се лажни

Ивона Петрова — Thu, 02 Mar 2023 11:32:14 +0000

Министерството за внатрешни работи ја известува јавноста дека се направени сите потребни проверки во врска со денешните пријави по добиените пораки на електронски адреси со закана за наводно поставена експлозивна направа во 30 училишта во Скопје и утврдено е дека станува збор за лажни пријави. Веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави.

Нови дојави за бомби утринава, повторно се евакуираат училишта

Ивона Петрова — Thu, 02 Mar 2023 07:38:50 +0000

Дојави за бомби утринава повторно биле испратени на електронските адреси на училишта. Од МВР информираат дека до 08.20 часот e пријавено дека на електронските адреси на 18 училишта во Скопје е упатена закана за поставена експлозивна направа. -Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаит, велат од МВР. Вчера дојава за поставена експлозивна направа добиле 120 училишта во Скопје, а по извршените проверки полицијата утврди дека се работи за лажни пријави.

ДЕТАЛИ: Закана за бомба добило 31 скопско училиште

Ивона Петрова — Wed, 01 Mar 2023 08:30:32 +0000

На електронските адреси на 31 училиштe во Скопје е упатена закана за поставена експлозивна направа, информира МВР. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите. Дојави за бомби вчера имаше во 23 средни и 22 основни училишта во Скопје. По спроведените проверки, МВР информираше дека сите дојави се лажни. Закани за поставени бомби училиштата добиваат веќе четири месеци, а по антитерористички проверки се покажа дека дојавите се лажни.