дојави – Kurir.mk

Дојави за бомби во 35 училишта во Софија, властите не знаат од каде доаѓаат заканите

Ристе Здравков — Wed, 29 Mar 2023 09:41:02 +0000

Утринава, 35 училишта во Софија добиле заканувачка електронска пошта, во која се тврди дека во училиштето била поставена експлозивна направа. Некои од образовните институции што денеска добиле дојави сè уште не го продолжиле процесот на учење по вчерашната серија закани. Бугарскиот претседател Румен Радев ги коментира дојавите и ги опиша како хибридни напади. Шефот на државата истакна дека нема реални закани ниту за образовниот систем ниту за изборите. „Како што можете да видите, ваква серија закани со бомби се случуваат не само во Бугарија туку и во Европа и САД. Агенциите за спроведување на законот заедно со партнерските служби прават сè за да ги идентификуваат изворите на овие закани и да ги неутрализираат. Но, во моментот нема реални закани ниту за образовниот систем ниту за изборите. Сè додека не го видиме изворот јасно идентификуван, не можеме со сигурност да кажеме од каде точно доаѓаат заканите“, рече Радев. Десетици дојави за бомби беа регистрирани и во текот на вчерашниот ден.

МВР предупредува: Не наседнувајте на лажни електронски пораки во име на МВР, станува збор за обид за измама во меѓународни рамки

Ристе Здравков — Thu, 09 Feb 2023 18:54:30 +0000

Деновиве во МВР пристигнаа пријави од граѓани за добиенa електронска порака наводно во име на министерот за внатрешни работи, во соработка со полициската канцеларија на Европол, во која во вид на повик за појавување во суд од страна на Сектор за прекршоци, во која примачот на пораката се известува дека е предмет на наводни правни постапки за низа измислени кривични дела, кои ги нема сторено. Притоа, примачот на пораката се повикува да го контактира испраќачот преку вибер линк, се вели во соопштението испратено до медиумите од министерството за внатрешни работи. -МВР ги известува граѓаните дека станува збор за лажна порака која не е испратена од страна на МВР, ниту од било која институција за спроведување на законот. Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани. Исто така, предупредуваме да не отварате линкови и датотеки кои се испратени во прилог на е-маил пораката која доаѓа од непознат испраќач, со цел заштита на вашиот компјутерски систем од малициозен софтвер. Воедно, информираме дека ваквите обиди за измама се со меѓународен предзнак, имајќи предвид дека електронски пораки со слична содржина во изминатиот период беа испраќани и на граѓани во земјите од регионот, велат од МВР.

МВР: Лажни се денешните дојави за бомби во училиштата

Ристе Здравков — Thu, 09 Feb 2023 15:39:29 +0000

По денешните дојави за бомби, во 19 училишта, од МВР информираат дека се завршени проверките и станува збор за лажни закани. -Министерството за внатрешни работи ја известува јавноста дека денеска (09.02.2023) во 15.55 часот завршија сите потребни проверки во врска со денешните пријави од 13 основни и 6 средни училишта во Скопје по добиените пораки на електронски адреси со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави, велат од МВР.

И САРАЕВО ЖРТВА НА ЛАЖНИ ДОЈАВИ ЗА БОМБИ: Пораки добиле неколку банки

Ристе Здравков — Tue, 20 Dec 2022 06:49:33 +0000

Полицијата на кантонот Сараево утринава била известена дека повеќе деловни единици на одредени банки на подрачјето на тој кантон по електронска пошта добиле пријава за наводно поставена бомба, па во врска со тоа, како што соопштија, преземени се мерки и дејствија за проверка на добиените информации, евакуација и контрадиверзантска проверка на деловни простории. Се додава дека за горенаведеното е известен и дежурниот обвинител на Кантоналното обвинителство на Кантонот Сараево.

Безбедносно известување од Амбасадата на САД поради дојавите за бомби во земјава

Ристе Здравков — Mon, 19 Dec 2022 10:50:04 +0000

Амбасадата на Соединетите Американски Држави во земјава издаде безбедносно известување за граѓаните поради дојавите за бомби. На веб-страницата на Амбасадата на САД се апелира дека „доколку се најдете на локација на која има дојава за бомба, следете ги упатствата на лицата одговорни за безбедноста и полицијата“. Се наведува и дека поради потенцијално зголемен криминал за време на празничниот период и постојаната закана со бомби низ Северна Македонија, граѓаните треба да бидат свесни за околината и во однос на кражбите.

МВР се огласи по новите дојави за бомби во Скопје и Куманово

Катерина Бојаџиева — Thu, 15 Dec 2022 14:10:57 +0000

Неколку училишта утринава повторно добиле дојава за поставена бомба. Од МВР информираат дека досега во Скопје има пријави во 17 основни и 22 средни училишта, а во Куманово 8 основни, плус еден клон на училиште и едно средно училиште. Во најголем дел од училиштата во Скопје завршени се проверките и утврдено е дека е лажна дојава. За останатите каде уште траат проверките, ќе информираме дополнително, велат од МВР. Во Куманово се завршени сите проверки и утврдено е дека се лажни пријавите.

И денешните дојави за бомби се лажни

Ивона Петрова — Wed, 14 Dec 2022 11:38:50 +0000

Министерството за внатрешни работи ја известува јавноста дека се направени сите потребни проверки во врска со денешните пријави од училишта во Скопје, кои добиле порака на електронската адреса со закана за поставена експлозивна направа, и утврдено е дека станува збор за лажни пријави. -Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави, велат од МВР. Дојава за поставени бомби денеска добиле 15 училишта во Скопје.

Од 300 денешни дојави за бомби во српските училишта, 224 биле лажни

Тале Кристо — Fri, 20 May 2022 14:01:10 +0000

Екипите на МВР до 13 часот извршиле увид во вкупно 224 училишта на териториите на училишните управи на Нови Сад, Ниш и Лесковац, кои претходно добиле дојава дека е поставена експлозивна направа, во кои е утврдено дека тие биле биле лажни, јави дописникот на МИА од Белград. Како што соопшти министерството за образование, наука и технолошки развој, дојава за поставени бомби во училиштата во Нови сад добиле 137 училишта, а до 13 часот екипите на МВР извршила увид во 125 институции. Во Ниш контролирани се 56 училишта од вкупно 71 што добиле пријава. Во Лесковац дојава добиле 91 училиште, а до 13 часот преглани се 43 училишта. Во училиштата што се уште не се прегледани, наставата ќе се одржува онлајн, се наведува во соопштенеито на Министеството за образование, во кое се додава дека училиштата ќе ги информираат учениците и нивните родители за начинот на организирање на наставата и враќање на непосредна настава.

Нов бран анонимни дојави за поставени бомби во Москва

Ивона Петрова — Mon, 20 Jan 2020 09:37:23 +0000

Повеќе од 100 училишта, градинки и 20 трговски центри во Москва се проверуваат за експлозивни направи откако добиле анонимни закани за поставени бомби, изјави портпаролот на московските специјални служби. – Имаше повици за закани со бомби во 85 училишта, 16 градинки и 20 трговски центри, рече портпаролот. За слични закани се проверуваат и сите московски метро станици, но засега не е наредена евакуација. Од 28 ноември е регистриран „бум“ во телефонските повици со анонимни дојави за поставени бомби на разни институции во Москва и Санкт Петербург. Според проценките на руските медиуми, речиси 1,2 милиони луѓе се евакуирани од крајот на ноември, како резултат на лажни дојави за закани со бомби.