Дојранско Езеро – Kurir.mk

Намален водостојот на Дојранското и на Преспанското Езеро

Ивана Ефремовски — Mon, 09 Oct 2023 08:53:03 +0000

За два сантиметра е намелен водостојот на Дојранското, а за еден на Преспанското Езеро, додека нивото на Охридското Езеро е исто како вчера, покажуваат резултатите од последните мерења направени од Управата за хидрометеоролошки работи (УХМР). Со тоа водостојот на Преспанското Езеро е на 14 сантиметри под апсолутно појавениот минимум и е за 1,9 метри понизок од просекот за октомври. Пониско од просечното и тоа за шест сантиметри е и нивото на Охридското Езеро, додека водостојот на Дојранското Езеро е за 1,74 метри повисок од повеќегодишниот просек за овој период од годината. Нивоата, пак, на реките во земјава најчесто се исти како вчера или имаат благо зголемување или намалување. Најголемо зголемување на водостојот од 11 сантиметри во споредба со вчера има реката Вардар на мерното место кај Јегуновце, а најголемо намалување од 10 сантиметри има Црн Дрим кај Ложани. (МИА)

Спасени три лица кои поради невремето изгубиле контрола над чамец во Дојранското езеро

Ивана Ефремовски — Wed, 30 Aug 2023 09:49:00 +0000

Денеска (30.08.2023) во 08:30 часот во СВР-Струмица од страна на граѓанин е пријавено дека во водите на Дојранското езеро три лица изгубиле контрола над чамец поради невремето и не можеле да се вратат кон брегот. Веднаш се преземени мерки од страна на патролниот тим од ПС за ГН и ГП -Стар Дојран, чамецот е пронајден и потоа со помош на патролниот тим чамецот и трите лица безбедно се извлечени на брегот на Дојранското езеро.

ДРАМА УТРОВО ВО ВОДИТЕ НА ДОЈРАНСКОТО ЕЗЕРО – силниот ветер повлекол чамец со три лица среде езеро!

Дарко Андоновски — Wed, 30 Aug 2023 08:49:56 +0000

Денес околу 8.30 часот на единствениот телефонски број за итни повици 112 во ЦУК, се јавило лице кое со уште две лица се наоѓало во чамец во Дојранското езеро кое било зафатено од силно невреме. Ветрот и брановите го оддалечувале чамецот далеку од брегот, кон внатрешноста на езерето. И покрај постојаните обиди трите лица не можеле да воспостават контрола врз чамецот и да се вратат назад на брегот на езерото. Операторот на 112 ја лоцирал точната локација на која се наоѓал чамецот и веднаш ја препратил во Секторот за операции и координација на ЦУК. Оперативецот од СОК на ЦУК веднаш го известил СВР Струмица кој итно побарал помош од граничната полиција во Дојран (ПС за ГП и ГН Стар Дојран при РЦ за ГР Југ). Тим на граничната полиција врз основа на координатите добиени од ЦУК ја лоцирал точната позицијата на чамецот кој бил однесен длабоко во немирните води на езерото, со глисер влегол во бурата и во една драматично спасување проследено со силен ветер и големи бранови, успеал неповредени да ги извлече трите лица кои се наоѓале во голема опасност.

Намален водостојот на Дојранското Езеро

Катерина Бојаџиева — Thu, 24 Aug 2023 08:56:02 +0000

За два сантиметра е намален водостојот на Дојранското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). Со тоа, само водостојот на Охридското Езеро е повисок од просекот за август и тоа за само еден сантиметар, додека нивото на Дојранското Езеро е пониско за 1,3 метри, а на Преспанското Езеро за 1,91 метар од повеќегодишниот просек за овој период од годината. За разлика од езерата водостоите на реките во земјава се благо зголемени или намалени во споредба со вчера. Најголемо зголемување на нивото од 31 сантиметар има реката Струмица на мерното место кај Ново Село, а најголемо намалување од осум сантиметри има Вардар кај Велес.

Водостојот на Дојранското Езеро намален за два сантиметра

Катерина Бојаџиева — Tue, 15 Aug 2023 09:29:32 +0000

Нивото на Дојранското Езеро е за два сантиметра пониско од вчера, а на Преспанското за еден сантиметар, додека нивото на Охридското Езеро не бележи промени, покажуваат денешните хидролошки мерења. Како што информира УХМР, Дојранското и Преспанското Езеро се под августовскиот просек, а Охридското Езеро е нешто над просекот за август. Според мерењата, водостоите на реките не покажуваат поголеми отстапки во однос на вчерашниот ден.

ПРОНАЈДЕНО ТЕЛОТО НА ШТИПЈАНЕЦОТ КОЈ СЕ УДАВИ ВО ДОЈРАН: Најверојатно педалинката на која бил се превртела, а тој не знаел да плива – еве на која возраст бил

Дарко Андоновски — Sun, 13 Aug 2023 14:09:30 +0000

Мажот кој се удави околу 11:30 часот во водите на Дојранското Езеро, непосредно пред Градската плажа, е жител на Штип на возраст од 42 години. Ова се првични информации од МВР, од каде информираат дека денеска околу 11:30 часот било пријавено во СВР Струмица дека во Дојран едно лице паднало од педалинка во езерото и се удавило,а за настанот бил известен јавен обвинител. Според информацијата од Центарот за управување со кризи (ЦУК), настанот се случил кога лицето било качено на педелинка што најверојатно се превртела, а лицето не знаело да плива, а засега нема податок дали имал безбедносен елек. Во информацијата од ЦУК се додава дека местото на настанот било блиску до брегот и било обезбедено од припадници на МВР, кои ги известиле сите институции и побарале помош од специјалните нуркачки единици од МВР Тигри за да се спроведе акцијата за пронаогање на телото.

Намален водостојот на Дојранското и на Охридското Езеро

Ивана Ефремовски — Thu, 10 Aug 2023 09:44:26 +0000

За два сантиметра е намален водостојот на Дојранското Езеро, а за еден сантиметар на Охридското, додека нивото на Преспанското Езеро е исто како вчера, покажуваат резултатите од последните мерења направени од Управата за хидрометеоролошки работи (УХМР). Со тоа, водостојот на Охридското Езеро е за четири сантиметри повисок од просечниот за август, додека нивоата на другите две природни езера во земјава се пониски од просечните и тоа за 1,22 метри кај Дојранското и за 1,8 метри кај Преспанското Езеро. За разлика од езерата водостоите на реките најчесто се слични како вчерашните или се малку повисоки или пониски. Најголем скок на нивото од осум сантиметри има реката Вардар на мерното место кај Демир Капија. (МИА)

Нивото на Дојранското Езеро пониско за два сантиметра

Ивона Петрова — Wed, 19 Jul 2023 08:26:28 +0000

Нивото на Дојранското Езеро денеска е за два сантиметра пониско од вчера, а нивоата на Преспанското и Охридското Езеро се непроменети, покажуваат хидролошките мерења. Сепак, нивоата на сите три природни езера во земјава се пониски од просекот за јули. Поголеми промени на водостоите во однос на вчерашниот ден не се регистрирани, освен кај Вардар во Скопје кој покажува снижување за 25 сантиметри.

Намален водостојот на Дојранското Езеро

Ивона Петрова — Thu, 29 Jun 2023 09:20:48 +0000

За еден сантиметар е намален водостојот на Дојранското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). И покрај тоа, водостоите на трите езера се пониски од просекот за јуни и тоа за пет сантиметри кај Охридското Езеро, за 75 сантиметри кај Дојранското и за 1,89 метри кај Преспанското Езеро. За разлика од езерата, нивоата на повеќето реки во земјава се повисоки од просекот за овој период од годината и најчесто водостојот им е сличен на вчерашниот.

Намален водостојот на Дојранското Езеро

Ивона Петрова — Sat, 13 May 2023 09:35:35 +0000

За еден сантиметар е намален водостојот на Дојранското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). И покрај тоа, водостојот на Дојранското Езеро е повисок од повеќегодишниот просек за мај и тоа за 1,89 метри. Нивоата, пак, на Охридското и на Преспанското Езеро се пониски од просечните. Водостојот на Охридското Езеро е за 24 сантиметри понизок по повеќегодишниот просек за овој период од годината, а на Преспанското Езеро е понизок за два метра. Нивоата на реките најчесто се повисоки од просечните, но кај повеќето реки бележат благо намалување во споредба со вчера.