Се шири пожарот кај Дојран, се очекува поддршка за гаснење од воздух

Ивона Петрова — Sat, 05 Aug 2023 13:58:52 +0000

Се шири силниот пожар кај Дојран и е дојден пред селото Николиќ, а секој момент се очекува поддршка за гаснење од хеликоптер на МВР со ведро од три тони. Според градоначалникот на Дојран, Анго Ангов, пожарот бргу се шири и упатено е барање од нивна страна за подршка за гаснење од возух. -Очекуваме секој момент да дојде поддршката од хеликоптер, а пожарот се шири со голема брзина. Пожарот го гаснат пожарникари од Дојран, Валандово, Гевгелија и екипи на ЈП „Национални шуми“, но теренот е непристапен и тешко оди смирувањето на огнената стихија, изјави за МИА градоначалникот на Дојран, Ангов. Според информацијата од Центарот за управување со кризи (ЦУК), постои опасност од брзо ширење на пожарот заради ветрот и оттаму потврдуваат дека е упатен големиот хеликоптер на МВР со ведро од три тони.

Серија земјотреси во дојранско, најсилниот утрово од 4,8 степени

Ивона Петрова — Tue, 02 Jan 2018 07:34:04 +0000

Доцна синоќа, по 23 часот, се регистрирани серија земјотреси кои потекнуваат од дојранското епицентрално подрачје, но најсилниот, со интензитет од VI-VII степени според Европската макросеизмичка скала, бил утрово во 5 часот и 24 минути. Како што информира Сеизмолошка опсерваторија при Природно-математичкиот факултет во Скопје, овој земјотрес на 145 километри југоисточно од Скопје, со магнитуда од 4,8 по Рихтер, најмногу го почувствувало населението во Дојран. Во Гевгелија, Валандово и Стумица интензитетот бил VI степени, додека во Кавадарци, Радовиш и Берово V степени. Земјотресот е почувствуван и во Грција и Бугарија, а предизвикал мали оштетувања на градбите во населените места во непосредна близина на епицентарот.

дојранско – Kurir.mk

Се шири пожарот кај Дојран, се очекува поддршка за гаснење од воздух

Серија земјотреси во дојранско, најсилниот утрово од 4,8 степени