Зголемен водостојот на Дојранското Езеро

Тале Кристо — Wed, 07 Dec 2022 09:52:59 +0000

За еден сантиметар е зголемен водостојот на Дојранското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). Со тоа, водостојот на Дојранското Езеро е повисок за 1,67 метри од просечниот за декември. Нивоата, пак, на Охридското и на Преспанското Езеро се пониски од просечните и тоа за два сантиметра кај Охридското и за 1,84 метри кај Преспанското Езеро. Сепак, водостојот на Охридското Езеро е седум сантиметри над дозволениот минимум од 693,10 (мнм). Пониски од повеќегодишниот просек за овој период од годината се и нивоата на речиси сите реки во земјава и најчесто се пониски или исти со вчерашните.

Подводно чистење на Дојранското езеро, вклучени 20 нуркачи

Ивана Ефремовски — Mon, 10 May 2021 12:30:36 +0000

Дваесет нуркачи од повеќе градови од земјава, во организација на Македонско-Хрватското друштво и еколошко нуркачкиот клуб „Пена“, викендов подводно го чистеа Дојранското езеро од пластичен и друг вид отпад во рамки на проектот „За чиста и здрава вода, стоп за загадување на водата“. Организаторите велат дека основна цел на проектот била да да се подигне свеста за екологијата и чување на природните богатсва во земјава како извор на здрава животна средина, а специфичната цел е подводно чистење од отпад и особено од рибарски мрежи во кои рибите угинуваат. Имплементацијата на проектот почнала уште на 21 март и досега биле реализирани акции за чистење на реката „Пена“ месноста „Бањиче“ и езерото „Матка“ и дека до крај ќе се реализираат уште две акции за подводно чистење на езерото „Младост“ во Велес и на Мавровско езеро. Проектот е финансиски помогнат од програмата на Цивика мобилитас за поддршка на граѓанското општество. (МИА)

Дојранското езеро – Kurir.mk

Зголемен водостојот на Дојранското Езеро

Подводно чистење на Дојранското езеро, вклучени 20 нуркачи