Док Риверс – Kurir.mk

Док Риверс ќе ја продолжи кариерата како коментатор на „ЕСПН“

Ивана Ефремовски — Tue, 01 Aug 2023 07:38:43 +0000

Познатиот тренер во НБА-лигата, Док Риверс, кариерата ќе ја продолжи како коментатор за „ESPN“, телевизија која ги има првата за преноси на натпревари од најсилната кошаркарска лига на светот. Риверс треба да им се придружи на Дорис Берк и познатиот коментатор Мајк Брин во првиот тим за коментари. Берк ќе стане првата жена која ќе коментира финале на НБА. Друг поранешен тренер и коментатор Марк Џексон или ќе се пресели во вториот тим или ќе го напушти „ESPN“. Шеесет и едногодишниот Риверс по завршувањето на сезоната 2022/23 доби отказ од Филаделфија. (МИА)

Док Риверс ќе седне на клупата на Милвоки

Бошко Тасиќ — Fri, 19 May 2023 04:49:58 +0000

61-годишниот кошаркарски тренер Док Риверс многу брзо би можел да најде нова работа откако мораше да ја напушти клупата на Филаделфија. Дел од медиумите шпекулираат дека Риверс е главен кандидат за нов тренер на Милвоки Бакс, клуб кој исто како и Филаделфија реши да направи промена на тренерската позиција поради неуспехот во актуелниот плеј-оф. Риверс и неговата Филаделфија водеа со 3-2 во полуфиналната серија од Источната конференција против Бостон, но Бостон продолжи по две последователни победи за конечни 4-3. По одличниот регуларен дел од сезоната, Милвоки заглави на првата пречка во плеј-офот и беше елиминиран од Мајами Хит. Поради ова, Милвоки ја прекина соработката со актуелниот тренер Мајк Буденхолцер, а американските медиуми наведуваат дека сега Риверс е првиот и најголем кандидат за негов наследник.

Филаделфија го отпушти Док Риверс

Бошко Тасиќ — Wed, 17 May 2023 04:18:19 +0000

Елиминацијата од Бостон во седмиот натпревар од четвртфиналето во разигрувањето за титула во НБА лигата беше кобно по работата на Док Риверс, стратегот кој важи за „најголем лузер“ во најсилното кошаркарско првенство кога станува збор за „мајсторките“ од клупата на Филаделфија. Со тоа искусниот стртег им се приклучи на Ник Нурс, Монти Вилијамс и Мајк Буденхолзер како тренери кои остана без работа по завршување на сезоната за франшизата.

Тренерот Док Риверс е во центарот на секс-скандал

Бошко Тасиќ — Tue, 20 Sep 2022 17:47:46 +0000

Tренерот на Филаделфија, Док Риверс, е на удар на критики поради лајкувањето на несоодветна содржина на социјалните мрежи. На видеата кои се појавија и веќе го привлекоа вниманието на кошаркарската јавност, може да се забележи дека омилените твитови на Док Риверс се оние со „содржина за возрасни“. Некои фанови на Филиделфија се пошегуваа на сметка на искусниот стручњак, додека други само споделуваа материјал кој е достапен за секого. Кога ќе отидете на профилот на Риверс, лесно можете да најдете лајкови на видеа со секс. Овој скандал стана вест на денот во кошаркарските кругови, што беше причина да се огласи и тимот на Филаделфија. Франшизата тврди дека се работи за хакерски напад врз нивниот тренер! - Ми кажаа дека Твитер-профилот на Док Риверс бил хакиран, но дека Филаделфија успеала да го врати. Лајковите се отстранети и профилот е вратен во работна состојба, изјави НБА новинарот, Џон Кларк. Под неговата објава, обожавателите на НБА започнаа дискусија за тоа дали хакирањето навистина се случило или дали Док Риверс едноставно бил невнимателен кога означил дека му се допаѓа порнографската содржина. Еден од фановите истакна дека некој треба да му објасни на Док Риверс како секој може да види кои твитови му се допаѓаат. Сиксерси не успеаја да ги убедат навивачите дека тоа се случи поради напад на профилот на Док, а на Филаделфија секако не и требаше вакво медиумско внимание пред сезоната во која се надеваат дека Џоел Ембиид и Џејмс Харден ќе ги одведат до шампионскиот прстен.

Док Риверс ја постигнува 100-та победа во плејофот и се израмни со Лери Браун

Магдалена Андонова — Tue, 19 Apr 2022 08:26:15 +0000

Екипата на Филаделфија предводена од тренерот Док Риверс ноќеска го победи Торонто со 112:97 во вториот натпревар од НБА плејоф серијата од првото коло. Победата беше 100-та за Риверс во плеј-офот. Тој се изедначи со познатиот тренер Лери Браун. Двајцата се на делба на 4. место на генералната листа на НБА. Лидер во победите во НБА плејофот меѓу тренерите е Фил Џексон со 229. Пред Риверс се уште и Пат Рајли со 171 и Грег Попович со 170 победи во разигрувањето за шампионскиот трофеј во најсилната кошаркарска лига на светот. (МИА)

Перкинс: Док Риверс доби отказ затоа што неговите суперѕвезди не успеаја да победат во серијата по водство од 3-1

Дарко Андоновски — Wed, 30 Sep 2020 09:23:59 +0000

Шампионот во НБА-лигата, а сега експерт за „ЕСПН“, Кендрик Перкинс верува дека Клиперси го искористија тренерот Док Риверс како жртвено јагне откако загубија од Денвер во второто коло од плејофот (3-4). -Риверс беше отпуштен затоа што неговите суперѕвезди не успеаја да ја добијат серијата во која имаа 3-1. Ме загрижува тоа што неговата клупа апсолутно не успеа да се докаже. Како и да е, Док заслужува повеќе, напиша на Твитер Перкинс. Клиперс важеа за фаворити, но не успеаја да изборат конференциско финале.

Клиперс го отпуштија тренерот Риверс

Тале Кристо — Tue, 29 Sep 2020 07:02:58 +0000

Управата на Лос Анџелес клиперс донесе одлука за смена на тренерот Док Риверс, објави Адријан Војнаровски на Твитер. Риверс работеше со тимот од 2013 година. Под водство на Американецот, Клиперс никогаш не стигнаа до финалето на Западната конференција. Оваа сезона ЛА клиперс беа елиминирани во конференциското полуфинале од НБА плејофот од страна на Денвер нагетс и покрај водството од 3-1 што го имаа по четвртиот меч. Подоцна загубија три последователни средби и серијата ја завршија со 3-4.

Риверс останува тренер на Клиперс и покрај поставениот антирекорд

Ивона Петрова — Thu, 17 Sep 2020 06:45:06 +0000

Тренерот на НБА-лигашот Лос Анџелес Клиперс, Док Риверс ќе остане на функцијата и следната сезона. Според „Јаху Спортс“, клубот не ја разгледува опцијата за смена на Риверс и покрај тоа што Клиперс бае поразен од Денвер во полуфиналето на Западната конференција на НБА. Клиперси водеа со 3-1 во победи, а на крајот загубија во серијата со 3-4 и не успеаја да се пласираат во финалето на конференцијата. Тоа на екипата на Лос Анџелес не и успева веќе 50 години, резултат апсолутно најлош во која било поголема американска спортска лига.

Док Риверс ја забележа победата бр. 900 како НБА тренер

Ивона Петрова — Fri, 08 Nov 2019 07:50:45 +0000

Кошаркарите на Лос Анџелес Клиперс победија на домашен терен со 107:101 против Портланд, а покрај шестиот успех во сезоната, тие ја донесоа и победата број 900 на својот тренер Док Риверс. Тој е тринаесеттиот ментор во историјата на Лигата, по Дон Нелсон, Лени Вилкинс, Грег Попович, Џери Слоан, Пеат Рајли, Џорџ Карл, Фил Џексон, Лери Браун, Рик Аделман, Бил Фич, Ред Ауербах и Дик Мота, со слично достигнување. Педесет и осум-годишниот Риверс ја започна својата тренерска кариера во 1999 година во Орландо, потоа го предводеше Бостон, а во 2013 година беше на чело со Клиперси. Покрај тие 900 победи, тој има 661 порази. Каваи Леонард се врати со 27 поени и 13 скока за Л.А., Лу Вилијамс постигна 26 како резерва. Ленард ја комплетираше статистиката со 4 асистенции, 2 блока и 6 грешки. Дамјан Лилард и СџЏеј МекКалум постигнаа 22 за Блејзерс. Резултати во НБА Шарлот – Бостон 87:108 Сан Антонио – Оклахома Сити 121:112 Феникс – Мајами 108:124 Л.А. Клиперс – Портланд 107:101 Лидери во одделни дивизии: Источна конференција Атлантик Дивизија: Бостон – 6 победи, 1 пораз Централна дивизија: Милвоки – 6/2 Југоисточна дивизија: Мајами – 6/2 Западна конференција Северозападна дивизија: Денвер – 5/2 Пацифик дивизија: Лос Анџелес Лејкерс – 6/1 Југозападна дивизија: Далас – 5/2