Доктор Дре – Kurir.mk

СПЕКТАКЛ ВО НАЈАВА: Доктор Дре, Снуп Дог, Еминем, Мери Џеј Блајџ и Кендрик Ламар заедно на сцена, ќе настапат на полувремето на 56. „Супербол“

Ивона Петрова — Fri, 01 Oct 2021 07:56:12 +0000

Музичарите Доктор Дре, Снуп Дог, Еминем, Мери Џеј Блајџ и Кендрик Ламар ќе бидат во центарот на вниманието на полувремето на идниот, 56. „Супербол“. Тоа ќе биде првпат пет уметници да настапат заедно на сцената, се вели во соопштението на организаторите. – Можноста да настапам на „Суперболот“ на полувреме, и тоа „во мојот двор“, ќе биде едно од најголемите возбудувања во мојата кариера, Благодарен сум им на Џеј-Зи, „Рок нејшн“, НФЛ и „Пепси“, како и на Снуп Дог, Еминем, Мери Џеј Блајџ и Кендрик Ламар што ми се придружија во она што ќе биде незаборавен културен миг, изјави Д-р Дре. Финалето во американско рагби е закажано за 13 февруари 2022, недела, на стадионот „Софи“ во Инглвуд, Калифорнија, САД. Тод Каплан, потпретседател за маркетинг во „Пепси“ (како спонзор), истакна дека тоа би било „епска, незаборавна прослава на влијанието што денес го има хип-хопот“, олицетворен во ѕвездите од Западниот Брег. Д-р Дре во оваа прилика повторно го промовираше своето ново средно училиште во јужен Лос Анџелес, што треба да се отвори следната есен. Според соопштението, „Пепси“ и НФЛ „ќе соработуваат со училиштето, неговите партнери и локалната заедница“.

Познатиот рапер Доктор Дре се разведува по 24 години брак

Тале Кристо — Tue, 30 Jun 2020 09:18:47 +0000

По 24 години брак, сопругата на познатиот американски рапер Доктор Дре поднесе документи за развод од сопругата Никол Јанг. Подробности сѐ уште не се соопштуваат. Како двојката, така и нивните застапници сѐ уште не дале свој коментар за јавноста. Андре Јанг (55) и Никол заедно имаат две деца: синот Трус и ќерката Трули. Доктор Дре денес има и четири други деца од претходно, а неговиот син Андре Јанг Помладиот загина 2008 година во сообраќајка, кога имал 20 години. Никол Јанг претходно беше мажена за НБА-кошаркарот Седал Трит. (МИА)

Немаше ни да претпоставите: Ова е најбогатиот музичар на деценијата

Катерина Бојаџиева — Wed, 25 Dec 2019 09:29:25 +0000

Американскиот рапер и продуцент Доктор Дре е најбогатиот музичар на десетлетието, според топ-листата на списанието „Форбс“. Неговата финансиска состојба се проценува на 950 милиони долари. Неговиот последен албум „Compton” излезе 2015 година, но раперот е и соосновач и сопственик на 20 отсто од акциите на продуцентската компанија Битс електроникс, којашто 2014 година беше купена од Епл. На второ место на листата на „Форбс“ е американската кантри и поп-пејачка Тејлор Свифт со 825 милиони долари, која е и најплатена музичарка за оваа 2019 година. По неа следи Бијонсе, што изминатите 10 години заработила 685 милиони долари. На листата се наоѓаат уште и поп-рок групата „Ју-ту“, раперот Диди, Елтон Џон, Џеј-Зи, Пол Мекартни, Кејти Пери и Лејди Гага.