доктор игор николов – Kurir.mk

Николов: Власта ништо не направи за јавното здравство за седум години, не верувам дека може да се смени нешто за 11 месеци

Дарко Андоновски — Sun, 12 Mar 2023 15:06:57 +0000

Не е проблемот само со лекови со ретки болести, нема лекови и за некои многу чести болести. Веројатно станува збор за административно одолговлекување, на пациентите ништо не им значи кога ќе им кажете во тек е тендерска постапка. Дополнително потребно е да има брза постапка за лекови за одредени дијагнози, тоа не е реализирано изминатите седум години не знам зошто би се реализирало за следните осум месеци, рече доктор Игор Николов, претседател на Комисијата за здравство на ВМРО-ДПМНЕ на гостување во денешната емисија Детектор што се емитува на телевизија Сител. Николов се осврна и на случајот со родилката во Струга на која непотребно и беа извдни органи, со женета во Прилеп која почина од рутински зафат киретажа и слично. „Недозволиво е да има вакви случаи. За да се избегнат истите, потребни се корективни мерки. Требаше да сме сведоци на корективни мерки, беа потребни детални извештаи кои треба да ги прават посебни комисии. Јавноста не видела ниту еден извештај за споменатите случаи“, посочи Николов. Проблем во здравството е што медицинскиот кадар е незадоволен и медицинските работници се повеќе заминуваат надвор. „Нема никаква активност за задржување на младите лекари во земјава. Нема едукации по што би биле задолжени да работат во јавното здравство. Нема никакви активности ниту за задржување на медицинкскиот кадар во земјава воопшто“, кажа Николов. Доктор Николов укажа дека приоритет на граѓаните, како и на медицинските лица, е да има нов клинички центар. „Власта на СДСМ направи стратешка грешка со прекин на договорот за изградба на клинички центар во Скопје. Тоа сега ќе треба да се плаќа, ќе се плаќа казна која не знаеме ни колку ќе чини. На пример, да го имавме тој клинички немаше граѓаните да се лечат во модуларни болници“, заклучи Николов.

Доктор Николов доброволно заминува за Турција да им помага на повредените

Дарко Андоновски — Thu, 09 Feb 2023 08:31:26 +0000

Доктор Игор Николов е еден од 150-те доброволци кои преку Министерството за здравство ќе заминат во Труција како дел од хуманитарната помош за настраданите во земјотресот. Тој се пријавил доброволно на повикот на Министерството и ги чека инструкциите за заминување. „Во овие моменти на солидарност, штом го видов повикот за помош, веднаш искажав подготвеност да учествувам во медицинската помош за Турција по разорниот земјотрес. Во моментов нашата помош сега е повеќе од потребна. За учество во тековните хуманитарни активности во Република Турција се пријавив на јавниот повик веднаш по пбјавата, а со цел да помогнам и дадам свој придонес како доктор со долгогодишно искуство на терциерно ниво во укажувањето помош и лекување на повредените, согласно етичките принципи кои ги налага лекарската професија. Помошта и поддршката се посебно значајни за пријателска Турција, која од секогаш давала силна поддршка за нашиот здравствен систем низ годините. Од срце им посакувам брзо закрепнување на повредените во оваа стравична катастрофа“, стои во неговиот пост на Фејсбук.

Доктор Николов: Алгоритамот кој се користи е за 15-30 позитивни, не за 900-1,100 позитивни, власта си игра пинг-понг со мерките

Магдалена Андонова — Wed, 04 Nov 2020 17:50:16 +0000

Докторот Игор Николов вечерва на Алфа телевизија во „Што не е јасно“ во бројни критики кон власта, вели дека се игра пинг-понг со мерките, а не се презема ништо конкретно, дури и алгоритамот кој се користи е за 15 до 30 позитивни не за 900 до 1,100 позитивни лица, како и то адека за една недела имаме 70% раст на новозаболени од вирусот. -Загрижува процентот на дневно заразени во однос на тестирани лица, тој број се качи од 10% до сега каде имаме од 35% до 45% позитивни лица и тоа не наведува дека целиот товар паѓа на здравствениот систем кој е оптоварен од почетокот на пандемијата, но сега е пикот и знак на прашање е како би се издржал овој период без да се носат конкретни мерки, вели Николов. -Дојдовме во ситуација да се игра пинг-понг политика, Комисија за заразни болести вели Владата, Владата вели Комисијата така рече и цело време имаме префрлање на одговорноста, и имаме за жал еден пи-ар кој цело време не убедува дека ситуацијата е под контрола, но реалноста е дека тој голем пи-ар многу им пречи на здравствените работници, истакна Николов. Тој вели дека се наоѓаме во фаза кога вирусит слободно циркулира низ популацијата фаза на епидемија каде што има масовно ширење на вирусот и доколку конкретно нешто не се превземе стравувам дека ќе имаме црно сценарио. Докторот истакна дека мерките требаше да се преземат многу порано затоа што само за една недела имаме енормен раст на бројот на заразени дури 70% повеќе заразени, а тоа е знак за преземање на мерки. -Најголем проблем не беа рестораните, туку слободно ноќно движење навечер кај младите лица, имавме ситуација кога државата не обезбеди образование, па тие се шетаа навечер во доцни часови групирајќи се по плажите, дискотеките, концертите, каде и членови на Комисијата за заразни болести беа дел од истите и тоа нивно однесување на непочитување на препораките, тоа нивно однесување доведува до слободно ширење на вирусот низ населението, критикуваше доктор Николов. Доктор Николов загрижувачки потенцираше дека имаме алгоритми кои се донесени во период за 15-30 позитивни и истите се користат и денеска кога имаме 900 или 1.100 позитивни, адаптација на алгоритмите немаше, а системот и она што е донесено до сега стимулира трансмисија на вирусот.

Доктор Николов: СДСМ е полош од вирусот, ВМРО-ДПМНЕ не бега од избори, бегаме од жртвите кои може да настанат

Ивана Ефремовски — Tue, 09 Jun 2020 19:19:18 +0000

Доктор Игор Николов, нефролог и член на Извршниот комитет на ВМРО-ДПМНЕ, вечерва на 24 Телевизија, истакна дека партијата не бега од избори, туку бега од жртвите кои може да настанат со оглед на актуелнава ситуација, тој рече дека членството бара избори затоа што СДСМ е полош од вирусот. -ВМРО-ДПМНЕ не бега од избори, бегаме од жртвите кои може да настанат од актуелнава ситуација, инаку нашите членови велат дека треба да има избори што поскоро, затоа што СДСМ е полош од вирусот, вели доктор Николов. Тој вели дека се наоѓаме во еден парадокс, а тој може да се расчисти само со ресетирање на системот. -Се наоѓаме во фаза кога студентите по медицина се дома и специјализантите, кои можат да помогнат во здравствена едукација и да дадат импут во ситуацијава со вирусот. Кога влеговме во политиканство на вирусот Заев, Спасовски, Венко велеа дека имаат котрола на вирусот, но ние сме во една фаза на дезориентација каде ни треба комплетно ресетирање на системот, свежи идеи и луѓе кои ќе даваат соодветни информации кои што доаѓаат од терен, потенцираше Николов. Во Комисијата за заразни болести побара да влезат професионалци, затоа што треба да се носат одлуки за доброто на граѓаните, не политиканство. -По мене најбезбедно е да се оддржат изборите при кај на август или почеток на септември. А во однос на најавите за избори, моите најави за политичката кампања се дека време е ВМРО-ДПМНЕ да има 60+ пратеници, изјави доктор Николов за престојните избори.