Лани 201 доктор на науки и 1976 магистри на науки и специјалисти

Магдалена Андонова — Fri, 25 Mar 2022 14:49:40 +0000

Во 2021 година, звање доктор на науки стекнале 201 лице, што претставува зголемување за 15,5 проценти во споредба со 2020 година. Со звање магистер на науки и специјалист, пак, лани се стекнале 1976 лица, од кои 1727 или 87,4 проценти се магистри и 249 или 12,6 проценти се специјалисти. Бројот на магистри и специјалисти, во споредба со 2020 годинa, е зголемен за 12,4 проценти, објави денеска Државниот завод за статистика. Најголем број од лицата докторирале во областа на здравство и социјална заштита, 23,4 проценти, потоа на општествени науки, новинарство и информирање докторирале 17,4 проценти, следат бизнис, администрација и право со 15,9 проценти, уметност и хуманистички науки со 11,4 проценти, а останатиот дел од областите се со помал процент на застапеност. Сто и петнасете жени одбраниле докторска дисертација во текот на 2021 година, што претставува 57,2 проценти од вкупниот број лица што докторирале во истата година. Најголемиот процент од вкупниот број лица што докторирале, односно 30,8 проценти ја вршат својата професија во образовната дејност. Учеството на жените магистри, пак, во вкупниот број лица што стекнале научен степен магистер на науки, во 2021 година е 59,6 проценти. Во 2021 година, најголем број од магистерските трудови, 558 или 32,3 проценти, се од областа на бизнисот, администрацијата и правото, 22,2 проценти се од областа на општествените науки, новинарството и информирањето, следат инженерството, производството и градежништвото со 15,9 проценти, а останатиот дел од областите се со помал процент на застапеност. (MИА)

Али Ахмети стана почесен доктор на науки на тетовскиот универзитет

Дарко Андоновски — Thu, 17 Dec 2020 15:24:35 +0000

Тетовскиот Универзитет се почести себе си и Албанците доделувајќи му титула Доктор Хонорис Кауза на г. Али Ахмети. Првиот вицепремиер и министер за политички систем и односи меѓу заедниците Артан Груби денешниот чин на Тетовскиот Универзитет за доделување на титулата почесен доктор на науки (Doctor Honoris Causa) на претседателот на Демократската Унија за Интеграција Али Ахмети, го оцени како една правилна одлука и одлука со која всушност се почести Тетовскиот Универзитет но и сите aлбанци затоа што, како што вели и Ниче, „почитувањето на големите личности, ја возвишува нацијата.„ Груби исто така кажа дека личност како што е лидерот на Демократската Унија за Интеграција, г. Али Ахмети, кој целиот негов живот го има посветено на нацијата и еднаквоста, на демократијата и интеграцијата, на образованието и развојот, на правата и достоинството, посветувајќи се целосно во услугата кон другите, вакви личности нацијата ретко раѓа. Првиот вицепремиер им честита на ректорот, сенатот, академскиот кадар, студентите и сите оние кои се жртвуваа децении наназад за подигање на храмот на знаењето, за чествувањето на г. Али Ахмети со заслужената титула доктор Хонорис Кауза, затоа што со честа кон него тие прават чест за сите други заслужни личности.

доктор на науки – Kurir.mk

Лани 201 доктор на науки и 1976 магистри на науки и специјалисти

Али Ахмети стана почесен доктор на науки на тетовскиот универзитет