доктор – Kurir.mk

Со лековите бидете посебно внимателни во лето: Каде треба да ги чувате апчињата, а каде капките и кремите?

Ивана Ефремовски — Sun, 30 Jul 2023 13:32:13 +0000

Кога станува збор за безбедноста на лековите, почесто се зборува за чување на лековите подалеку од дофат на деца или строго следење на пропишаната доза. Кујната е необично место за чување лекови, за нив нема место ниту во спалната соба, што значи дека бањата е логичен избор. Но, фармацевтите велат дека тоа е веројатно најлошото место за домашна аптека. Лековите таму се изложени на висока влажност, што веројатно ќе предизвика губење на ефикасноста, според здружението на германски фармацевти BAH. -Ова исто така важи и за неотворена кутија со лекови. Наместо тоа, повеќето лекови претпочитаат ладни и суви места, што значи температура меѓу 15 и 25 степени Целзиусови, пренесува ХИНА. Лековите не треба да се изложуваат на високи температури или висока влажност. Лековите за кои е потребно ладење го имаат ова наведено на пакувањето или вашиот лекар ќе ви го привлече вниманието на тоа. Кога живата во термометарот ќе надмине 25 степени Целзиусови, најдобро би било повеќето лекови и козметички производи да бидат на ладно место, заштитено од директна топлина, светлина и влага. Доколку лекот не е соодветно складиран, активните супстанции може да се распаднат и со тоа да се намали ефикасноста на лекот. Во исто време, може да дојде до промена на органолептичките својства, односно промена на бојата, конзистентноста, мирисот и вкусот. Антибиотиците треба да се чуваат во фрижидер кога температурите се високи, бидејќи, на пример, би ја изгубиле стабилноста и ефективноста на собна температура. Капките, вагиналните таблети, инхалаторите, инсулинските инјекции треба да се чуваат на температура од два до осум Целзиусови степени. Експертите предупредуваат дека лековите не треба да се чуваат на температура под нулата бидејќи ќе замрзнат, што ја намалува нивната ефикасност. Ако е крема, ќе биде сомнително ако има грутки. Промената на бојата и чудниот мирис треба да се сметаат за предупредувачки знаци дека нешто не е во ред и со мастите или геловите. Во основа, ако лекот изгледа поинаку од вообичаеното, не треба да се користи.

Лекар и адвокат направиле ДРСКИ ИЗМАМИ, еве на каква злоупотреба биле жртви пациенти и доктори

Ивана Ефремовски — Fri, 28 Jul 2023 14:45:17 +0000

СВР Тетово поднесе кривична пријава против И.Б.(51) од Тетово поради постоење основи на сомнение за сторени кривични дела „злоупотреба на службена положба и овластување“, „злоупотреба на лични податоци“, „фалсификување исправа“ и „помагање“ во врска со кривично дело „осигурителна измама“, против А.Н.М.(41) од Скопје поради постоење основи на сомнение за сторени кривични дела „злоупотреба на службена положба и овластување“, „фалсификување службена исправа“, „поднесување лажни докази“ и „помагање“ во врска со кривично дело „осигурителна измама“ и против А.Љ.(29) од Тетово поради постоење основи на сомнение за сторени кривични дела „посебни случаи на фалсификување исправи“ и „помагање“ во врска со кривично дело „осигурителна измама“. Првопријавениот, во својство на лекар и раководител на Одделението за Трауматологија – Хирургија во Клинички центар Тетово, без согласност и знаење ги искористил личните податоци на шест пациенти и креирал медицински извештаи на име на лекари вработени во клиничкиот центар без одобрување и злоупотребувајќи ги нивните факсимили и системот Мој термин, како и преку координирање и издавање на медицински извештаи со невистинита содржина. Ваквите извештаи, во посредство на третопријавениот А.Љ. биле доставени до второпријавената А.Н.М., која во својство на адвокат противправно изготвила полномошна на пациентите на кои тие не се потпишале и заедно со друга документација ги доставила до осигурителна компанија, врз основа на што на име обештетување на нематеријална оштета биле исплатени парични средства на жиро сметките на лицата во износ од 297.000 денари. Средствата биле подигнати од третопријавениот, кој претходно успеал од нив да земе полномошно за подигање на паричните средства во филијала на банка во Тетово, без да им ја каже вистинската намера за изготвување на тие полномоштва.

Доктор на Ургентен центар удрен со пластично шише

Ивана Ефремовски — Wed, 05 Jul 2023 15:10:59 +0000

На 04.07.2023 во 11:45 часот Н.Б.(42) од Скопје пријавил дека во Комплексот клиники „Мајка Тереза“, поточно во Ургентен центар, додека извршувал работни задачи како лекар, едно лице го удрило со пластично шише. Се преземаат мерки за расчистување на случајот.

ВИДЕО: Познат доктор тргнал со мерцедесот да гази полицаец, а бил позитивен на кокаин – полицијата го уапси

Ристе Здравков — Sun, 21 May 2023 12:22:58 +0000

Полицијата во Нов Белград го приведе М.Б. (51) поради постоење основано сомнение дека сторил кривично дело напад на службено лице при вршење на службена должност. Се сомничи дека синоќа околу 20 часот и 30 минути не ја послушал наредбата на сообраќајната полиција која го пренасочувала сообраќајот поради јавен собир, на крстосницата на улицицата „Милентие Поповиќ“ и булеварот „Зоран Ѓинѓиќ“, а потоа го насочил автомобилот мерцедес што го возел кон полициски службеник по што го оттурнал полицаецот. Против осомничениот ќе биде поднесена соодветна прекршочна пријава бидејќи одбил алкотестирање, а од нарко тестот било утврдено дека е позитивен на кокаин. На осомничениот му е одредена мерка притвор до 48 часа и со кривична пријава ќе биде изведен пред Третото основно јавно обвинителство во Белград. Според медиумите, се работи за познат гинеколог.

Најтешко повредениот ученик е син на колега на таткото на Коста, познатиот доктор се моли за своето дете

Ивона Петрова — Wed, 03 May 2023 16:04:09 +0000

Тешко ранетото момче В.Т., кое има повреди опасни по живот во нападот во основното училиште во Белград, е син на познат пулмолог д-р Спасој Попевиќ, јавува Информер.рс. Според извор на медиумот докторот Поповиќ веќе осум часа седи во Ургентниот центар и чека вест за состојбата на своето дете. При пукањето момчето се здобило со повреди на градниот кош, вратот и два ’рбетни пршлени. - Она што го доживеавме денес е слично на сцени од хорор филмови кои ги гледавме само на телевизија. Родители кои во солзи влетуваат во Ургентниот центар, барајќи ги своите деца, не знаејќи ништо за нив... Меѓу нив бил и докторот, кој го барал својот син. Видно беше вознемирен и постојано го повторуваше своето име. Трчаше низ ходниците и го бараше во амбулантите. Неговите колеги веднаш го препознале и за жал морале да ја споделат страшната вест - дека синот е најтешко повреден, дека се борат за неговиот живот и дека го чекаат неколку тешки операции. Како лекар и самиот е свесен колку е опасна состојбата на неговото дете и какви може да има сите последици од оваа повреда врз неговото здравје, вели соговорникот на Информер. Седмоодделенецот Коста К.(13) утрово во ОУ „Владислав Рибникар“ во Врачар уби осум деца и чувар. Во овој грозоморен напад тој тешко повреди неколку ученици и наставникот по историја. Инаку, таткото на Коста е исто така познат доктор радиолог кој често гостувал во телевизиски емисии каде говорел за проблематиката на која работи.

Поднесено обвинение против докторот кој неовластено ги снимаше пациентките во тетовската болница

Тале Кристо — Sat, 22 Apr 2023 07:28:00 +0000

Основното јавно обвинителство Тетово до Основниот суд во Тетово поднесе Обвинителен предлог против едно лице за кривични дела – Несовесно работење во службата од член 353-в став 2 во врска со став 1, како и Неовластено снимање според член 152 став 2 од Кривичниот законик. Во спроведената претходна постапка беа прибрани докази кои го поткрепуваат основаното сомнение дека обвинетиот, како службено лице – анестезиолог вработен во ЈЗУ Клиничка болница во Тетово, на 14 април неовластено направил снимка од пациенти и вработени и ја објавил во живо на социјална мрежа, со што постапил очигледно несовесно во вршењето на своите овластувања и должности и потешко ги повредил нивните права. Јавниот обвинител до Основниот суд во Тетово достави предлог за продолжување на претходно определената мерка притвор за обвинетото лице.

Светски познатиот уролог д-р Озгур Чакмак доаѓа во Македонија – Закажете бесплатна консултација

Super Admin — Wed, 11 Jan 2023 11:41:21 +0000

Светски познатиот уролог од Р. Турција Асцц. д-р Озгур Чакмак на покана на тимот на Здравствениот Информативен Центар „Медикал Караџи Турс“ за прв пат во нашата земја на 14. и 15. јануари 2023 г. во Велес, Македонија. За сите пациенти кои имаат уролошки проблеми, повелете искористете ја можноста да закажете термин за БЕСПЛАТНА КОНСУЛТАЦИЈА кај светски познатиот урологот чија професионална дејност на лекување е урологија, онкоурологија и роботска хирургија во урологијата. Сите оние кои сакаат да ја искористат можноста за бесплатна консултација со Асцц. д-р Озгур Чакмак на 14. и 15. јануари 2023 г. во Велес треба однапред да закажат термин на следниве телефонски броеви на ЗИЦ „Медикал Караџи“ 071.314.005 и 043.220.904 или на меил: [email protected] На лице место, пациентите ќе мора да ги обезбедат медицинските документи и тестови кои се направени до денес. Ве молиме да имате во предвид дека за време на консултациите нема да се вршат физички прегледи. Бесплатните консултации се спроведуваат врз основа на вашата медицинска документација која ќе ја приложите.

Не можете да разберете што ви препишал докторот? Гугл ќе ви го дешифрира ракописот

Ивона Петрова — Wed, 21 Dec 2022 17:29:58 +0000

Многу лекари набрзина пишуваат рецепти, што прави речиси да е невозможно пациентите да разберат што напишале. Овој проблем постои со децении и многу технолошки фирми се обидуваат да го решат ова, но без успех. Сепак, Гугл се обидува да ги „дешифрира“ тие текстови. Технолошкиот гигант објави на својата годишна конференција во Индија дека соработува со фармацевти за истражување на начини за дешифрирање на ракописот на лекарите, пишува techcrunch.com. Оваа функција, која моментално е во истражување и сè уште не е подготвена за јавноста, им овозможува на корисниците да сликаат рецепт или да го прикачат. Откако ќе се обработи сликата, апликацијата ги открива и истакнува лековите споменати во белешката, рече извршниот директор на Google. -Ова ќе дејствува како помошна технологија за дигитализација на рачно напишани медицински документи со вклучување на луѓе , како што се фармацевтите, но нема да се донесе одлука само врз основа на резултатите од оваа технологија, рече компанијата во соопштението.

We’ve started working on the complex process of identifying what’s written on medical prescriptions by building an assistive model to digitise it, using AI, for medical healthcare professionals.#GoogleForIndia pic.twitter.com/XD8YwJ6HBr
— Google India (@GoogleIndia) December 19, 2022

Германската амбасадорка: Не ставајте пари во мантилот на лекарот

Ивона Петрова — Mon, 05 Dec 2022 19:31:56 +0000

Германската амбасадорка Анке Холштајн денеска порача дека борбата против корупцијата се учи и се применува од најмали нозе до највозрасни жители. – Има многу работи кои треба да се направат, а тоа е случајот со Северна Македнија и тоа го кажа и мојот претседател за време на неговата посета. Во завност од тоа колку брзо Северна Македонија ќе прави напредок на својот пат кон ЕУ зависи од тоа колку брзо ќе се спроведат реформите. И сите ние сме сложни дека тоа е особено тешка задача која претстои и тоа не се однесува само на политичарите, туку и на сите луѓе кои треба да сфатат дека кога ќе заминат на лекар дека не треба да остават некоја банкнота во неговиот мантил, или пак наставничката треба да знае дека не треба да добие подарок од ученикот за 8 Март за да има подобра оценка и сите треба да научат и најмалите и најголемите како се води борбата против корупцијата – порача амбасадорката. Германската амбасадорка по денешното предавање на новата донација за полицијата нагласи дека битката против корупцијата е најважна за граѓаните и за европскиот напредок на државата. На новинарско прашање одговори дека Германија ќе продолжи да помага, но мора да се смени и свеста на функционерите и на граѓаните. – Борбата против корупцијата е тешка задача и тука се неопходни волја и време за кои Германија е подготвена да помогне – рече амбасадорката. Свесно сме целосно за потребата од борба пеотив корупцијата, вели македонскиот премиер.

Брза интервенција на пензионираниот доктор Есати од Теарце спаси живот

Тале Кристо — Sun, 04 Dec 2022 09:51:53 +0000

Во тетовско Теарце, изминатата недела работник кој паднал од бандера, ја скршил ногата и имал потрес на мозокот. Првата помош, а со тоа најверојатно и спасен живот, добил од пензиониран лекар, кој пак вели дека и понатаму волонтерски ќе помага на сите луѓе при секакви прилики. Доктор Абдулџелал Есати, познат по прекарот како доктор Џеки, вели дека кај него пензионерскиот статус не ја променила Хипократовата заклетва и затоа секаде и на секому ќе се најде да помогне. Доктор Есати живее во Теарце, па тоа што го повикале и веднаш дошол по инцидентот во голема мера помогнало повредниот да се соочи со помали последици, односно тој веднаш ја имобилизирал скршената нога и ги повратил виталните функции кај работникот. – Во брзата интервенција почесто може да се греши, ако нема особа, доктор, која ќе ја координира состојбата бидејќи ако сакаш да и помагаш на настраданиот, тогаш од неспремност и неискуство може да настане катастрофа. Да почнеме од горе, вратна кичма, ако има повреда на вратна кичма или некој пршлен, со поместување непрофесионално му одмагаш на болниот и може да има инвалидитет. Заврши задоволително, пациентот беше контактибилен, ми се заблагодарија колегите што дојдоа од Итна медицинска помош, па потоа ми се јави дежурниот анестезиолог Рувиде Скендери и ортопедот Митра. Ми рекоa: Ништо повеќе не направивме, болниот го транспортиравме за Скопје поради фрактурата што не може да се реши во Тетово, се потсети докторот инаку специјалист по анестезиологија. При помогањето на повредениот паднат од бандера, тој вели дека добра околност била што веднаш нашол вена на раката за да му даде инфузија за да се поврати од дезориентираноста и шокот во кои се нашол по пад од шест метри. Со себе секогаш носи опрема и затоа имал можност веднаш да му помогне на повредениот. Куферчето со медицински апарати и опрема му стојат подготвени во неговиот автомобил. – За среќа се погоди вената. Ја превенирав болката со аналгезија. Ја имобилизирав ногата. Ако не се имобилизира ногата тогаш е џабе да се даде аналгезија, превентива на болката затоа што поместена е таа анатомска структура и е болна. Шокот го надминавме со инфузии , ја покачив тензијата, стана контакбилен. Во кола имам и постојано ја носам опремата за да можам да помогнам. Сум поминал граници со таа опрема, рече докторот на средба со тетовските новинари. Тој иако добил благодарност од докторите од Итната медицинска помош за брзата интервенција и санација на повредите, скромно вели дека доктор не може да спаси живот. – Доктор не може да спаси живот. Доктор може да разубави живот, во конкретниот случај тоа се случи. Не можам да се фалам дека сум спасил. Се надевам дека сум помогнал. Имало и среќа затоа што тоа бил пад од висина од шест метри со се бандерата. Имал среќа што со главата паднал на трева, на меко, но сепак поради падот, тоа е голем потрес на мозокот, дезориентиран беше, со витална константи на крај, или да го опишам беше како риба во песок. Рибата ако не ја вратите во вода се знае што ќе случи. Друг бенефит е кога повредените или блиските видат лекар во близина, се подига моралот и после е лесно, истакна доктор Есати. Иако е пензионер, вели нема да прекине со безрезервната помош каде што ќе го повикаат. -Имам статус пензионер, меѓутоа, уште го немам почувствувано што значи тоа да биде пензионер, затоа што повеќе ноќе давам анестезија, пациент не се буди,но јас се будам. Никогаш не се сум рекол не никому, не затворам мобилен телефон. Мислејќи дека ќе се случи нешто за мојата фамилија, за мојот син, и затоа не можем да го затворам телефонот, постојано ми е отворен телефонот. Во оваа кризна состојба низ целито свет, предлагам да бидем волонтер да направам една екипа моја составена од синот, зетот, ќерката, сопруга, сват, снаа-сите доктори, рече доктор Џеки. Тој специјализирал на Воено-медицинска академија (ВМА) во Белград, а поминал вкупно 36 години на работа.