долари – Kurir.mk

Запленети 15 илјади австралиски долари, откако македонски државјанин сакал да ги внесе во државава без да ги пријави

Ристе Здравков — Fri, 01 Sep 2023 07:54:12 +0000

Запленети се 15.050 австралиски долари, откако македонски државјанин на влез во државава на граничниот премин Ќафасан кај царинските службеници пријавил само две илјади долари, иако со себе носел поголема сума девизи, информираат од Царинската управа. Поради сомневање, царинските службеници пристапија кон личен претрес при што во рачната ташна му пронајдоа 10 илјади евра и 15.050 австралиски долари. Согласно Законот за девизно работење на патникот му се вратени 10 илјади евра, додека останатите се задржани и согласно регулативата ќе бидат предадени во Народна банка. Против лицето е поднесена пријава за девизен прекршок до надлежниот суд.

Руските олигарси загубија дури 95 милијарди долари

Ивона Петрова — Tue, 03 Jan 2023 10:15:31 +0000

Најбогатите руски олигарси изгубија дури 95 милијарди долари како резултат на санкциите на Западот, воведени поради руската агресија врз Украина. Тоа значи дека од почетокот на војната до сега губеле по 330 милиони долари дневно. Најмногу загубил поранешниот сопственик на англискиот фудбалски клуб Челзи, Роман Абрамович – 57 отсто и сега неговото богатство изнесува 7,8 милијарди долари, покажуваат податоците на американски Блумберг. Абрамович беше еден од првите олигарси санкционирани од Велика Британија. Британските власти го опишаа како некој со „јасни врски“ со режимот на рускиот претседател Владимир Путин. Богатството на инвеститорот во енергетскиот сектор и близок пријател на Путин, Генадиј Тимченко, е помало за 48 отсто и сега изнесува 11,8 милијарди долари. Богатството на другиот партнер на Путин, Сулејман Керимов, е за 41 отсто помало и сега изнесува девет милијарди долари. Како што пишува британскиот весник Гардијан, британската влада ги замрзна средствата на олигарсите и други Руси во вредност од 18 милијарди фунти. Санкционирани се 1,27 илјади луѓе, меѓу кои и вториот најбогат Русин Владимир Потанин, кого го нарекуваат и „крал на никелот“.

Руските банки загубија речиси 25 милијарди долари во првите шест месеци од годинава

Ристе Здравков — Fri, 02 Sep 2022 09:37:48 +0000

Руските банки загубија вкупно 1,5 трилиони рубљи (24,95 милијарди долари) во првите шест месеци од 2022 година, изјави денеска висок функционер на руската централна банка во интервју. Ова е првпат ова регулаторно тело да го објави билансот на банкарскиот сектор откако Русија ја започна својата инвазија врз Украина во февруари. Околу две третини од загубите на банките се однесуваат на девизното работење, изјави Дмитриј Тулин, првиот заменик-гувернер на руската централна банка. Тулин рече дека има повеќе од 50% шанси загубите за целата година да не ја надминат бројката од 1,5 трилиони рубљи од првата половина на годината, пренесува Ројтерс. Загубите беа концентрирани кај најголемите банки. Банките со загуба забележаа вкупна загуба од 1,9 трилиони рубљи (31,6 милијарди долари), во споредба со профитабилните кредитори кои заработија вкупно 400 милијарди рубљи (6,65 милијарди долари).

Курсна листа на НБРМ: Колку чини доларот денес?

Ристе Здравков — Fri, 02 Sep 2022 07:52:37 +0000

Според курсната листа на НБРМ средниот курс на еврото денеска изнесува 61,4944 денари, а на американскиот долар 61,4698 денари. Средниот курс на британската фунта е 71.1165 денари.

Курсна листа на НБРМ: Колку чини еврото денес?

Ристе Здравков — Thu, 12 May 2022 14:00:31 +0000

Според средната курсна листа на НБРМ, еврото денеска изнесува 61.6950 денари, а американскиот долар чини 58.4620 денари. Британската фунта изнесува 72.2508 денари.

Курсна листа на НБРМ: Колку чини еврото денес?

Ристе Здравков — Fri, 29 Apr 2022 06:08:35 +0000

Според средната курсна листа на НБРМ, еврото денеска изнесува 61.5450 денари, а американскиот долар чини 58.6981 денари. Британската фунта изнесува 72.9638 денари.

Скопјанец фалсификувал 396.200 американски долари

Ивана Ефремовски — Fri, 01 Apr 2022 15:39:13 +0000

СВР Велес поднесе кривична пријава против М.М.(22) од Скопје, поради постоење основи на сомнение за сторено кривично дело „фалсификување пари“. На 10.11.2021 во Велес во продажен објект, пријавениот употребил фалсификувана банкнота од 100 американски долари. На 25.11.2021 полициски службеници извршиле претрес во просторија која ја користел пријавениот, при што биле пронајдени сомнителни банкноти во износ од 396.200 американски долари во апоени од 100 долари.

Цената на нафтата надмина 84 долари на меѓународните пазари

Тале Кристо — Wed, 12 Jan 2022 17:44:20 +0000

Цените на нафтата денеска се зголемија над 84 долари на меѓународните пазари, поттикнати од проблемите на производителите со зголемувањето на понудата и проценките дека ширењето на инфекцијата со Омикрон нема да го попречи закрепнувањето на побарувачката од корона кризата. На лондонскиот пазар цената на барелот попладнево порасна за 47 центи во однос на претходното затворање и изнесуваше 84,19 долари. На американскиот пазар денеска се тргуваше по 66 центи за барел, од 81,88 долари. Водечките производители на нафта во Организацијата на земјите извознички на нафта (ОПЕК) и нивните сојузници предводени од Русија неодамна одлучија да го зголемат производството за 400.000 барели дневно во февруари, со што се координира намалувањето на снабдувањето на три милиони барели дневно.

Кривична за скопјанец, измамил дебранец со над 1.000 долари

Ивона Петрова — Sun, 04 Oct 2020 12:00:52 +0000

Триесет годишен скопјанец заработи кривична пријава поради измама на дебранец кому му земал над 1.000 долари. -Поради постоење основи на сомнение за сторено казнено дело „измама“, Одделението за внатрешни работи во Дебар, поднесе кривична пријава против М.М.(30) од Скопје. Тој, на 29 јуни годинава, на жител од Дебар му се претставил како странски државјанин и му побарал пари со цел да плати медицинска интервенција за член на семејството на неговиот пријател, изјави Стефан Димоски, портпарол на Секторот за внатрешни работи од Охрид. Додава дека скопјанецот ставајќи го во заблуда, оштетениот му дал 1.000 американски долари и 100 евра. Димоски исто така информираше дека во изминатите два дена на подрачјето на ОВР Дебар, од страна на полициските службеници издадени се 32 прекршочни платни налози, за неносење заштитнам маска.

Му дала 500 долари бидејќи ѝ рекол дека е син на нејзин пријател

Магдалена Андонова — Mon, 17 Aug 2020 14:48:17 +0000

На 16.08.2020 во 13.00 часот, Љ.П.(79) од Скопје пријавила дека околу 10.00 часот едно лице ја измамило за сума од 500 долари. Според пријавеното, лицето дошло во нејзиниот дом и се претставило како дете на нивен познаник и ѝ ги побарало парите, по што пријавителката му поверувала и му ги дала. Се работи на расчистување на случајот.