Долф Лундгрен – Kurir.mk

ФОТО: Долф Лундгрен ужива на Миконос со 38 години помладата свршеница, која е врсничка со ќерка му

Ивона Петрова — Thu, 20 Jul 2023 10:17:07 +0000

Холивудскиот актер Долф Лундгрен (65) ужива на одмор на Миконос, Грција со својата свршеница и ќерката. Актерот изгледа среќно во друштво на неговата 27-годишна вереница Ема Крокдал и 27-годишната ќерка Ајда. Девојката на актерот, која е 38 години помлада од него, носеше црно бикини, а својот изглед го комплетираше со темни очила за сонце и едноставен накит. Долф неодамна за прв пат јавно проговори за својата осумгодишна битка со ракот на белите дробови, кој му беше дијагностициран во 2015 година, а деталите ги откри во емисијата „Во длабочина со Греам Бесинџер“.

Популарниот актер откри дека се бори со лошата болест: Мислам дека знам зошто се разболев!

Тале Кристо — Fri, 12 May 2023 17:41:56 +0000

Долф Лундгрен, ѕвездата на акциските филмови на 80-тите години, откри дека претходните осум години се бори со канцер на белите дробови. Актерот ова го обелоденил во емисијата „In Depth with Graham Besinger“, велејќи дека канцерот му бил дијагностициран во 2015 година. Тој полемизирал за тоа дали можеби до оваа дијагноза го довело тоа што во минатото интензивно употребувал стероиди додека се занимавал со бодибилдинг. Популарниот 65-годишен актер истакнал дека болеста влегла во ремисија, но сепак се вратила во 2020 година. Тогаш еден доктор му кажал дека му останале уште две или три години живот, но тој побарал друго мислење. Препорачан му бил третман којшто резултирал со намалување на туморот. „Ова е еден ден по мојата операција, ми извадија еден тумор, потоа пронајдоа уште два и ги извадија и на крај уште три мали. Се надеваме дека е исчистен, доколку умре, умре“, изјавил актерот на видеото од болница кое е прикажано во емисијата, алудирајќи на својата незаборавна реплика од филмот „Роки 4“. Актерот проговорил и за тоа дека во 2020 година повторно му бил откриен канцерот. „Се вратив во Шведска и имав некој вид, не знам за што станува збор, па направив магнетна резонанца. Открија дека имам уште неколку тумори околу тоа подрачје. Најдоа уште еден тумор во црниот дроб, баш беше лошо. Во тој момент почнав да сфаќам дека нешто сериозно се случува. Хирургот ме повика и ми рече дека туморот пораснал, дека е преголем, дека големината е нешто помала од лимон. Ми рече дека ми останале уште две до три години живот, но по гласот почувствував дека мисли на помалку од тоа. Мислев дека тоа е сигурно така“, раскажал актерот. Лундгрен изјавил дека смета дека употребата на стероиди имала влијание на неговото тело: „Пробав стероиди уште во 80-тите и 90-тите години. Не знам дали тоа има врска со канцерот, но секако дека тоа ме погоди затоа што би можело да има врска со тоа. Размислував, секогаш мислиш дека си погрешил. Мислам дека можеби постои некаква врска меѓу терапијата со тестостерон и канцерот. Кога бев помлад, консумирав стероиди и тоа можеби во период од десет години“. Познатиот Швеѓанец после првобитните црни прогнози побарал друго мислење за својата дијагноза, а една лекарка го советувала да го промени начинот на лекување и за три месеци неговите тумори се намалиле за 20 до 30 отсто. „Само ценете го тоа што сте доволно среќни и што сте живи и ценете го секој момент којшто постои“, заклучил актерот.

Актерот Долф Лундгрен откри дека 8 години се бори со ракот

Ивона Петрова — Thu, 11 May 2023 19:29:23 +0000

Познатиот актер Долф Лундгрен во интервју за „In Depth With Graham Bensinger“ откри дека осум години се бори со ракот. Лекарите го откриле и извадиле ракот од неговиот бубрег во 2015 година. -Тогаш правев снимки на секои шест месеци, па секоја година и се беше во ред околу пет години, истакнал актерот. Тој вели дека во 2020 година почувствувал нешто, отишол на преглед и дека лекарите утврдиле дека има уште шест тумори во областа, од кои едниот бил преголем за да се отстрани и барал системска терапија. Во есента 2021 година, биле откриени повеќе тумори кога тој дошол во Лондон да ги сними продолженијата на „Аквамен“ и „Платеници“, и тогаш сфатил дека состојбата е полоша отколку што мислел. Лекарите му спомнувале тумори на белите дробови, стомакот, па дури и на 'рбетот и го советувале да се одмори од работа и да се посвети на семејството. На прашањето колку му останало, добил одговор од две-три години, но рекол дека во гласот на докторот се слушало дека е помалку од тоа. Тој побарал второ мислење и друг лекар утврдил дека ракот на бубрегот му мутира како рак на белите дробови, па соодветно го прилагодил третманот. Актерот вели дека сега е при крај со овој процес и дека се надева дека наскоро ќе продолжи да зема само лекови и дека нема да има потреба од друг вид терапија.