долно лисиче – Kurir.mk

Пуштен во употреба новиот спортски комплекс во Долно Лисиче

Тале Кристо — Wed, 25 Oct 2023 10:21:40 +0000

Долно Лисиче доби ново спортско игралиште за фудбал и кошарка и ново детско катче. После долги години, населеното место „Чатал“ има модерен, локален спортски комплекс, кој е заокружување на неколку важни инвестиции во спортот и инфраструктурата во овој дел од општината. Градоначалникот на Општина Аеродром, Тимчо Муцунски, претседателот на советот, Дејан Митески и останати претставници на општината и советот го посетија реконструираното и проширено игралиште во Долно Лисиче каде со средства од општинскиот буџет, направена е целосна реконструкција на фудбалското игралиште, поставено е ново осветлување, вештачка трева, реквизити за деца, како и нов терен за кошарка. Градоначалникот Муцунски при посетата истакна дека радоста на децата е најважна, а инвестициите наменети за нив се високо во приоритетите на општината. „Да ја вратите насмевка на детските лица и среќата во нивниот живот е една од најубавите и најблагодарните работи кои може да ги направите за своето семејство, својата средина и генерално за целата општината“, истакна тој во обраќање и потенцираше дека енергијата и радоста на дечињата од подрачното училиште „Гоце Делчев“ говори за тоа дека со оваа инвестиција општината направила вистински чекор, креирала катче за рекреација, забава и спорт на младите кои живеат во овој дел од Аеродром.

Без струја дел од корисниците во Чаир, Долно Лисиче и Ѓорче Петров

Катерина Бојаџиева — Wed, 23 Aug 2023 06:14:02 +0000

Од 08.30 до 12 часот денеска без електрична енергија ќе бидат корисниците од улиците „Лазар Танев“ и „Битпазарска“ во општина Чаир. Според известувањето од ЕВН Македонија АД, од 9 до 14 часот, струја ќе немаат и корисниците од ул. „7“ во село Долно Лисиче во општина Аеродром и корисниците од ул. „Мечкин Камен“ во општина Ѓорче Петров.

Пожар во Горно Лисиче, скопските пожарникари се справуваат со огнот

Ивана Ефремовски — Mon, 14 Aug 2023 17:56:06 +0000

Две екипи на противпожарна бригада на Град Скопје со две возила работат на гаснење на пожарот во Горно Лисиче, во местото наречено „Бановина“, информираат од Центарот за управување со кризи. -Гори сува трева и ѓубре. Нема опасност од ширење, известуваат од ЦУК.

Тепачка во угостителски објект во Долно Лисиче, уапсени две лица

Тале Кристо — Fri, 11 Nov 2022 16:11:36 +0000

На 10.11.2022 околу 21.20 часот на подрачје на Аеродром од полициски службеници од СВР Скопје лишени од слобода се М.Г.(22) и Г.Л.(28), двајцата од Скопје, постапувајќи по пријава според која двете лица во угостителски објект во с.Долно Лисиче, скопско, учествувале во физички напад со тврд предмет извршен од Д.С. врз Ј.Ц.(50) од с.Горно Лисиче, скопско. По целосно документирање на случајот ќе биде поднесен соодветен поднесок.

Долно Лисиче остана без вода

Ивана Ефремовски — Wed, 21 Sep 2022 08:29:38 +0000

На ден 21.09.2022 поради уличен дефект ф-100 мм на ул. 2/65 Долно Лисиче, прекинато водоснабдување ќе имаат корисниците од Долно Лисиче. Водоснабдувањето ќе биде прекинато од 10:20 часот до завршување со санација на дефектот.

Поставена нова вертикална и хоризонтална сигнализација во Долно Лисиче

Ивона Петрова — Thu, 24 Mar 2022 12:35:44 +0000

Општина Аеродром постави целосно нова вертикална и хоризонтална сигнализација, како и направи за смирување на сообраќајот на неколку фреквентни локации во Долно Лисиче. Сигнализацијата е поставена по барање на граѓани и родители на ученици од подрачното училиште „Гоце Делчев“. Новата сигнализација ќе ја зголеми безбедноста како на децата, така и на сите учесници во сообраќајот кои гравитираат во овој дел од нашата општина. -Се грижиме за безбедноста на сите наши граѓани, а ваква сигнализација ќе поставуваме и на други локации каде што е тоа потребно на целата територија на општината. Повикуваме на совесно однесување на сите учесници во сообраќајот, како и на санкции од надлежните институции за оние кои ги прекршуваат пропишаните правила и закони, велат од Општинат Аеродром.

Муцунски: Во соработка со граѓаните конечно носиме ДУП за долно Лисиче

Дарко Андоновски — Mon, 21 Feb 2022 12:51:31 +0000

Општината Аеродром преку соопштение до јавноста информираат дека преку јавни презентации, дискусии и идеи со локалните жители го донеле деталниот урбанистички план за Долно Лисиче. Жителите на Долно Лисиче конечно ќе добијат детален урбанистички план, со што ќе можат да си ги остварат своите права за изградби, надградби, доградби и други урбанистички потреби. Во подрачното училиште „Гоце Делчев“ минатата недела планот го презентираа стручните служби на Општина Аеродром, кои потоа низ конструктивна дискусија можеа да ги слушнат предлозите и забелешките од присутните, од кои најголем дел беа жители на Долно Лисиче. Предлогот на деталниот урбанистички план со разработка на блоковите 2, 3, 4, 5, 6, 9, 10, 11, 12, 13 и 14 е поставен на увид во Месната заедница во Долно Лисиче, каде што се наоѓаат и анкетните листови за учество во јавната анкета која ќе трае до 4 март. „Работиме гласот на секој поединец да биде чуен и токму затоа Општина Аеродром е отворена за соработка со локалните жители“, порача градоначалникот Муцунски. Тој ги повика сите заинтересирани да извршат увид и да учествуваат во анкетата затоа што забелешките, идеите и предлозите од секој еден граѓанин се од исклучителна важност и ниту еден од нив нема да остане неислушан

Без вода дел од корисниците во Драчево и Долно Лисиче

Дарко Андоновски — Mon, 22 Nov 2021 09:39:50 +0000

Поради дефект на затворач ф-100 мм на ул.„Сердарот“ бб (под пругата), денеска прекинатото водоснабдување ќе имаат корисниците на дел од „Сердарот“, „Киро Фетак 1“ и дел од Долно Лисиче, информираа од ЈП „Водовод и канализација“. Водоснабдувањето ќе биде прекинато од 10:15 часот до завршување со санација на дефектот.

Приведен дилер од Долно Лисиче, пронајдени околу 1,5 килограми дрога

Тале Кристо — Wed, 06 Oct 2021 16:24:17 +0000

Денеска (06.10.2021) полициски службеници од СВР Скопје-Единица за недозволена трговија по добиени оперативни сознанија и добиена судска наредба, извршија претрес во дом и други простории на Г,Ф. (29) во с. Долно Лисиче и други локации. При претресите пронајдени се 40 кеси со марихуана со вкупна тежина од околу килограм и половина, дигитални ваги, како и амфетамин. Лицето е лишено од слобода во ПС Аеродром за понатамошна постапка. По документирање на случајот ќе биде поднесена кривична пријава до надлежното обвинителство.

Без вода денеска корисници од Долно Лисиче и Пинтија

Магдалена Андонова — Mon, 14 Sep 2020 09:47:07 +0000

Без вода денеска од 10 часот ќе бидат дел од населба Долно Лисиче и населба Пинтија. Корисниците на вода од ул.2 во населба Долно Лисиче од 10:05 часот ќе имаат прекин во водоснабдувањето, а дел од корисниците од старата мрежа од ул.Јабланица и ул.Саса во населба Пинтија ќе имаат прекин од 10 часот. Прекинот на вода ќе трае се до завршување на интервенцијата. (МИА)