Општина Кисела Вода го санира Домот за култура „Билјана Беличанец”

Ивана Ефремовски — Mon, 20 Feb 2023 13:52:08 +0000

Започна санацијата на Домот за култура „Билјана Беличанец”. Градежните активности за санирање на штетите настанати поради неодржување на објектот од страна на претходните општински власти, ќе се одвиваат во наредните неколку месеци. Опфаќаат изолаторски работи, молеро-фарбарски активности во речиси целиот објект, кој беше темелно обновен во 2015-тата, но поради негрижа беше речиси сосема нефункционален. Градоначалникот Ѓорѓиевски денес изврши увид во градежните дејствија и најави дека по нивното завршување ова здание ќе ја добие улогата која му била планирана, да биде културен центар на локално ниво, кој со сериозно избрана програма од областа на културата ќе ја привлече публиката од цело Скопје, па и пошироко. Проектот се рализира во финансиско партнерство со Бирото за регионален развој, преку кое Министерството за локална самоуправа и’ додели на Општина Кисела Вода средства за санацијата. -Започнавме со реализација на најавениот проект за санација на Домот за култура “Билјана Беличанец”, кој на почеток од мојот мандат го затекнав во крајно лоша состојба. Иако се работи за објект кој беше темелно обновен во 2015тата, и од руинирано старо кино прерасна во прекрасно здание, оваа убава визија никогаш не заживеа. Наспроти тоа, неколкугодишната негрижа од страна на моите претходници го довеле до степен да биде речиси сосема неупотреблив. Градежниот зафат кој го реализираме ќе трае неколку месеци, по што имаме сериозен план овој дом на културата и содржински да го добие вниманието што го заслужува. Планираме со квалитетна програма да ја привлечеме публиката и да го позиционираме ова место како иден центар на културните збиднувања во општина Кисела Вода, соседните општини па и во главниот град. Затоа, сакам да упатам благодарност кон Бирото за регионален развој, преку кое остваривме финансиско партнерство со Министерството за локална самоуправа и ја овозможивме реалицијат на овој проект за санција, како прв чекор кон заживување на Домот на култура „Билјана Беличанец”-изјави градоначаникот Орце Ѓорѓиевски.

Потпишан Договор за санирање на Домот на култура “Билјана Беличанец”

Ивона Петрова — Mon, 03 Oct 2022 10:44:46 +0000

Ќе се санира Домот на култура „Билјана Беличанец”. Градоначалникот Орце Ѓорѓиевски денес го потпиша Договорот со Рамиз Реџепи, директор на Бирото за регионален развој, преку кое Министерството за локална самоуправа и’ додели на Општина Кисела Вода средства во висина од 2.294.571,00 денари. Со финансиско партнерство меѓу локалната самоуправа и оваа институција, ќе се извршат градежни зафати за санирање на штетите настанати поради неодржување на објектот, кои го направија речиси сосема нефункционален. Градежните работи ќе можат да започнат по тендерската постапка, чие распишување е следен чекор на Општина Кисела Вода. За потсетување, во овој објект беше сместено некогашното кино во Кисела Вода. По темелната обнова во 2015 година, беше пренаменет во Дом на култура, кој потоа го доби името “Билјана Беличанец”. Сепак, поради одредени судски спорови, во владение на Општината беше предаден дури шест години подоцна, а во меѓувреме, поради несовесното управување на претходните општински власти, ова место поради штетите не можеше да се користи за она коешто беше предвидено, да биде центар на културата на локално ниво. Со санацијата на Домот на култура “Билјана Беличанец” културните манифестации ќе бидат достапни не само за жителите на Кисела Вода, туку и на општините Зелениково, Сопиште и Студеничани и Аеродром кои немаат кино и дом на култура, па целиот проект има и поширока, регионална димензија. Дополнително, до овој објект е лоциран паркот Македонија, а во непосредна близина ќе се гради и затворен пазар кој освен што ќе им овозможи на граѓаните квалитетни услови за набавка на овошје и зеленчук, ќе има и модерна надворешност, па освен што се подобрува функционалноста, се подигнува и естетиката на овој дел од градот.

Дом на култура „Билјана Беличанец” – Kurir.mk

Општина Кисела Вода го санира Домот за култура „Билјана Беличанец”

Потпишан Договор за санирање на Домот на култура “Билјана Беличанец”