дом на млади – Kurir.mk

Во завршна фаза реконструкцијата на летна сцена на штипски Дом на млади

Тале Кристо — Tue, 02 May 2023 15:48:20 +0000

Реконструкцијата на летната сцена во Дом на млади е веќе во завршна фаза, а целиот објект ќе биде отворен за јавноста и посетителите со концерт на легендарните Леб и сол, информираше градоначалникот на Општина Штип, Иван Јорданов. Забележува дека повозрасните штипјани знаат дека оваа група во ’90 години беше чест гостин во Дом на млади, па затоа, како што вели годинава реотворањето на летната сцена на оваа култна институција, повторно ќе биде со препознатливите звуци од овој бенд. - Штип ќе добие ново руво на летната сцена во Дом на млади, вели Јорданов.

СКАНДАЛОЗНО: Во Домот на млади во Штип исмевање на Богородица- граѓаните прашуваат какви трендови се шират кај младите? (ВИДЕО)

Матеја Петровски — Tue, 04 Sep 2018 09:26:07 +0000

На 28 август оваа година, на денот на еден од најголемите христијански празници, празникот Успение на пресвета Богородица, во Домот на младите во Штип беше организиран уметнички перформанс, со кои според граѓаните на срамен начин се „величи“ голото женско тело, меѓу сите други облечени. Според штипјани, подлото исмевање на женската плодност преку симулација на женското крварање и разлеана крв во меѓуножјето на гола жена е јавен срам, поради датумот која бил организиран овој перформанс било исмевање пресвета Богородица. Според граѓаните, ако се земе предвид дека за штипјани ова е еден од поголемите празници со долга традиција младите масовно да ја посетат истоимената црква во Ново Село, институционално организирање на еден ваков настан токму во Домот на младите е очигледно сквернавење на христијанската светост и исмевање на мајката Исусова. За штипјани голем проблем претставува што и овој пагански перформанс посетен од малолетни и едвај полнолетни деца, е организиран во Домот на млади, институција која ја води општината, предводена од градоначалникот Благој Бочварски. Тие прашуваат кои се новите вредности кои се пласираат меѓу младите? Имаат ли институциите некаква одговорност и ја разбираат ли својата улога во општеството? Дали при усвојување на Годишните планови и програми за работа се води ли грижа за поширокиот општествен контекст? Се злоупотребува ли уметноста за да се протнат некои скриени пораки и да се креираат сомнителни трендови?

Таленти ја разубавуваат фасадата на штипскиот Дом на млади

Матеја Петровски — Wed, 15 Aug 2018 13:16:29 +0000

Штипскиот Дом на млади на најмалите ќе им овозможи да имаат летно кино. Директорот на Дом на млади-Штип, Горан Трајков вели дека во тек се градежни активности, а во функција ќе биде ставено во септември. Тој забележа дека во тек е и еден интересен проект, кој го реализираат младите таленти, а водени од талентираната Ана Ѓорѓева. На фасадата на Дом на млади се цртаат мурали, со акрилни бои и спрејови. - Во врска со црната боја на фасадата граѓаните на град Штип мора да знаат дека е за да можат цртежите да дојдат до израз се црта на црната подлога, со цел да се има одраз и сјај, вели Трајков. Тој додава дека во летниот камп за млади таленти учесниците се на возраст од 8 до 20 години, а со новата фасада смета дека токму овие млади таленти ќе создадат едно прекрасно дело. Ѓорѓева вели дека идејата е младите уметници да покажат што се знаат, а со цел да ја разубават фасадата на Дом на млади. - Направивме спој од доброто и лошото и го претставивме што треба да биде и она што не треба да биде. На самата врата пишува „Ние сме иднината“ и се влегува во една друга димензија, која ја претставува самиот Дом на млади, рече Ѓорѓева. (Миа)