дом за деца без родители – Kurir.mk

Полицијата трага по 13-годишен штитеник – Во петокот му се губи трагот

Дарко Андоновски — Mon, 07 Jan 2019 14:36:32 +0000

Во Полициската станица Гази Баба, В.М.П. пријавила дека од Јавната установа за згрижување на деца во петокот самоволно се оддалечил нивен 13 – годишен штитеник. Се преземаат мерки за пронаоѓање на лицето.

Исчезна штитеничка од Домот за деца без родители „11 Октомври“

Ивана Ефремовски — Mon, 20 Aug 2018 12:42:02 +0000

Седумнаесетгодишно девојче е пријавено за исчезнато од Домот за деца без родители „11 Октомври“ во Скопје. Според информациите на МВР, пред два дена, на 18-ти август, воспитувачка во Домот пријавила дека 17-годишно девојче, штитеник на домот, излегло и не се вратило. Полицијата презема мерки за пронаоѓање на девојчето.

Го роди на 17 години, па го остави во дом: Запознајте го Игор, синот на Ана Бекута (ФОТО)

Дарко Андоновски — Tue, 31 Jul 2018 11:35:14 +0000

Пејачката Ана Бекута својот наследник Игор Полиќ го родила како гимназијалка, на 17 години, по што ја прател тежок живот. По породувањето го оставила во дом за згрижување на деца, но и денес и е тешко да се присети на ова трауматично искуство.

#40 #friends #brener #kisskiss

A post shared by Igor (@igor.polic) on Jul 5, 2017 at 2:59pm PDT

Ана рано станала мајка, а млада поминувала низ тешки моменти, кои, за среќа, многу брзо успеала да ги преброди, а на својот син да му обезбеди безгрижно детство и нормален живот. Пејачката синот го родила во вонбрачна врска. Била одвоена од своето бебе, а околината ја осудувала. И нејзините родители се нашле на ѕидот на срамот, целото село ги оговарало, а тоа неа најмногу ја болело. Сметала дека тие не се криви за ништо.

#family #grandmother ##grandfather #1978

A post shared by Igor (@igor.polic) on May 27, 2017 at 6:10am PDT

-На седумнаесет години имав здрава и зрела одлука да родам дете, што и да се случи на овој свет. Бев малолетна, односите во семејството, селото, околината не беа сјајни. За да се смири целата ситуација го дадов Игор во дом. Остана таму осум месеци, јас одев секој десет дена да го видам и се враќав, раскажува таа.

Nedelja i svi smo tu... @igor.polic @brankopolic #anabekuta #svesamsteklasama #imesrece

A post shared by Ana Bekuta (@anabekuta1) on May 13, 2018 at 8:37am PDT

Повторно исчезната штитеничка од дом, Царовска си гледа и си молчи

Ивана Ефремовски — Tue, 10 Apr 2018 13:17:50 +0000

Владата на СДСМ преводена од Зоран Заев и министерката за труд и социјална политика, Мила царовска, продолжуваат со политиката на лаги. Тие ветуваа живот за сите, но наместо тоа тие ги заборавија сите. Лошата политика или немањето на политика и преземање на мерки за штитениците од домовите се потврдува од ден на ден. МВР денес информираше дека вчера попладнето во полициската станица Македонски Брод, пријавено е дека од домот исчезнало лице на 21 годишна возраст. Станува збор за штитеничка на Меѓуопштински центар за социјални работи-Македонски Брод. Кон крајот на март беше пријавено дека исчезнала малолетничка од домот „Ранка Милановиќ“. Таа и претходно бегала од институцијата. И ни помалку ни повеќе ова го потврди министерката за труд и социјална политика, Царовска. За исчезнати штитеници на државата во последно време се почесто се информира во полициските билтени. Пријавувањето во МВР, изјави неодамна Царовска, е начин побргу да се најдат додека да почне процесот на деинституционализација на домовите. -Тогаш можеме да кажеме дека сме добиле подобро ниво на заштита. Сега она што правиме е да се почитуваат протоколите кога лицето исчезнува да пријавиме во МВР побргу да го врати назад, изјави Царовска во март. Инаку неодамна полицијата среде ноќ на скопските улици најде малолетник од домот „25-то Мај“ кој шест месеци се водел за исчезнат. Од истиот дом 13-годишно девојче со месеци било силувано и абортирало, а уште две други штитенички останале бремени. Скандалите околу поправните домови и домовите за деца без родители не стивнуваат, надлежните молчат, а за наредниот период не се предвидени никакви системски решенија за оваа ранлива категорија на лица. Ниту директорите на домовите, ниту пак министерката за труд и социјална политика Царовска, не превземаат одговорност за катастрофалната состојба во домовите. Повторно исчезната штитеничка од дом, хоророт продолжува (21.03.2018) Во текот на вчерашниот ден (20.03.2018) штитеничка од Домот ,,Ранка Милановиќ’’ е пријавена за исчезната. Според официјални извори од МВР, во полициската станица Гази Баба, вчера во 11 часот раководителката на Домот пријавила дека на 8 март штитеничката на Домот со иницијали С.Р. се оддалечила во непознат правец. Исчезнувањето на штитеничката се случило на 8 март, а на раководителката и биле потребни неверојатни 12 дена за да го пријави случајот кај надлежните иако според Законот за исчезнато лице се смета лице кое не се појавило повеќе од 24 часа. Претходниот ваков случај е уште повеќе загрижувачки бидејќи во конкретниот случај биле потребни речиси три месеци за случајот да биде пријавен во полиција. Се работи случајот за изчезната малолетна штитеничка на Детскиот Дом ,,11 Октомври’’. Таа се упатила во непозна правец на 21.12.2017 година, а за исчезната била пријавена на 09.03.2018 година од страна на вработен во Јавната установа Центар за социјална работа. За жал речиси три месеци ниту еден вработен во Домот не успеал да го пријави нејзиното исчезнување. Сепак иако ваквата неажурност на институциите во случајот со исчезнатите штитеници, оние за кои според Закон се одговорни да се грижат досега ниеден ваков настан не може да се спореди со хоророт кој се случи во Домот ,,25 Maj’’. Имено се започна со сексуалнот злооставувано 13 годишно девојче кое остана трудно, а подоцна и абортираше. Според истрагата, штитеничката во декември лани и јануари годинава била принудувања да дава сексуални услуги на поголем број лица. Покрај сексуалната експлоатација таа била принудена да питачи. И во овој случај како и кај другите на надлежните вклучувајќи ја и полицијата, обвинителството како и ресорното министерство за труд и социјала им требало неколку месеци да реагираа иако малолетнот малолетната жртва била најдена полугола и боса во бесознание на улица во Велес. Девојчето повеќе пати на вработените во домот им раскажувало за хоророт кој го преживува, а надлежните во конкретниот случај реагира само откако се испостави дека штитеничката е трудна и за случајот почна да се говори во јавноста. Хоророт не заврши тука и подоцна се констатираше бременост уште кај две малолетни штитенички на домот, една на возраст од 17 години и друга на возраст од 15 години. Приказната за Домот ,,25 Мај’’ продолжува, на 7 март годинава пак беше пронајдено 12 годишно дете штитеник на Домот, во 1 часот по полноќ на улица во Чаир. Малолетното дете било исчезнато неверојатни 6 месеци, а според информациите побегнало поради катастрофалните услови. Ниту раководителите на домовите, ниту Царовска нема одговор за што се случува во овие установи кои наместо да ги згрижат децата ги оставаат на милост и немилост на улица. Додека првата работа која ја стори Царовска беше донесување на нацрт Стратегија за интеграција на бегалци и странци во Македонија, сеуште не постои никаква стратегија за подобрување на состојбата во домовите и заштитата на оние на кои им е нај потребна.

Се трага по 17-годишна девојка, ја нема скоро 3 месеци: Не се појавила во домот „11 Октомври“ од декември

Катерина Бојаџиева — Sat, 10 Mar 2018 10:43:25 +0000

Вработен во Јавна установа Центар за социјална работа - Скопје, вчера во 21,15 часот пријавил дека 17- годишна девојка, на која и е старател по службена должност и е сместена во Детски дом „11-ти Октомври“, не се појавила во домот од 21.12.2017 година. Старателот посочил дека девојката почесто самостојно ја напуштала установата. Се преземаат мерки за пронаоѓање на лицето.

„LIONS-Тиквеш Кавадарци“ донираше во Домот на децата без родители (ВИДЕО)

Дарко Андоновски — Thu, 21 Dec 2017 08:08:42 +0000

Во рамкитe на акцијата на жените учеснички на клубот „ LIONS-Тиквеш Кавадарци“, во Домот на децата без родители донираше повеќе предмети од домаќинството кои им беа потребни на децата за поквалитетен престој во домот. Од страна на членовите на ова Здружение набавени се и подарени : Машина за перење, телевизор, 2 панел грејни тела, миксер, Пегла, Фен, Чајник и други предмети за домаќинството. Исто така на децата им беа поделени и Новогодишни пакетчиња. Од Лионс клубот „Тиквеш“ Кавадарци најавуваат Воедно дека во 2018та година е планирано заедно со Општината Кавадарци, за овие деца да се организира екскурзија. https://www.youtube.com/watch?v=LjLAm00M_Vg