дом за стари лица – Kurir.mk

Маж избегал од дом за стари лица во Куманово

Ивана Ефремовски — Sat, 27 Aug 2022 15:07:31 +0000

На 26.08.2022 во 17:45 часот во СВР Велес П.К.(51) од Велес пријавил дека од дом за стари лица во Куманово се оддалечил неговиот очув Ѓ.С.(83) кој имал здравствени проблеми. Се преземаат мерки за пронаоѓање на лицето.

Англија: Доктор силувал 99-годишна старица во дом за стари лица

Тале Кристо — Wed, 09 Feb 2022 08:29:06 +0000

Здравствен работник во Англија е осуден на доживотен затвор кога бил фатен како силува 99-годишна штитеничка во оддел од старскиот дом во кој работел. Нејзиното семејство сето тоа беспомошно го следело преку скриена камера. Филип Кери (48) признал дека ја нападнал жртвата во дом за стари лица во Блекпул, Ланкашир. Тој бил фатен откога семејството на 99-годишната жена поставило скриена камера во нејзината соба и го снимило неговото малтретирање, пишува „Дејли мејл“. Кери беше осуден на доживотен затвор со минимална казна од 10 години. Обвинителите за време на судењето изјавија дека семејството на старицата било загрижено кога нејзиното однесување наеднаш се променило. Таа не дозволувала физички контакт и ги молела роднините да не ја оставаат во домот бидејќи некој ќе ја повреди. Семејството потоа поставило скриена камера во нејзината соба за да се обиде да открие што точно се случува. На нивен ужас го виделе Кери како влегува во собата и ја силува старицата. Веднаш повикале полиција, која го уапсила. Кери се изјасни за виновен пред судот откога обвинителите презентираа форензички докази и презентираа снимки.

Короната влезе во кумановскиот дом за стари лица, позитивни 10 корисници и 2 вработени

Дарко Андоновски — Mon, 23 Nov 2020 11:33:47 +0000

Десет корисници на услугите на Кумановскиот дом за стари лица се позитивни на коронавирус, како и двајца вработени, соопштија денеска надлежните од установата. Оваа бројка произлегла од извршеното тестирање кое било иницирано од надлежните од домот „Зафир Сајто” а го спровеле екипи на Центарот за јавно здравје Куманово. Во тестирањето биле опфатени 36 лица од кои 30 корисници и шест вработени. – И покрај сите преземени ригорозни мерки за заштита и спречување на ширење на коронавирус во Домот за стари лица, мислевме дека ќе го сопреме продорот на вирусот во установата, за жал, по извршеното тестирање во петокот и по добиените резултати следниот ден констатирано е дека има 10 позитивни корисници на коронавирус и двајца вработени. Во оваа бројка на тестирани имаше јадро од дваесетина лица, наши корисници кои претходните денови покажаа симптоми слични на сезонски грип. Причина поради која извршивме тестирање е што во последниве две недели имаше изолирани случаи на заболени вработени, изјави директорот на Домот за стари лица, Дејан Стојановски Тој вели дека во соработка со Општата болница Куманово веднаш е договорено на корисниците да им се извршат дополнителни анализи, да им се земе крв и да се утврди третманот и терапијата на заболените. Матичните лекари ќе препишат соодветна терапија која ќе ја пружаат и сестрите вработени во домот. – Во овој момент преземени се сите мерки. И претходно овие лица беа изолирани. Во минатото ние имавме изолиран одел кој се користеше за време на сезонски грип. Размислуваме уште едно одделение да адаптираме и да пренамениме за изолација. Се надеваме дека ќе го спречиме понатамошното ширење на вирусот, рече Стојановски. За состојбата информирано е надлежното Министерство за труд и социјална политика. Во првиот бран, во Домот за стари лица имаше само една корисничка која беше заболена откако претходно поради друга здравствена состојба се лекуваше во кумановската болница и само двајца вработени. Во домот услугите ги користат 135 корисници.

Коронавирусот потврден во 85 отсто од словенечките домови за стари лица

Ивона Петрова — Wed, 18 Nov 2020 07:22:12 +0000

Случаи на коронавирус се потврдени во 85 отсто од домовите за стари лица во Словенија, изјави синоќа владиниот портпарол Јелко Кацин, наведувајќи дека домовите за стари лица повторно се жаришта на инфекција. Во моментов има 1.962 активни случаи на коронавирус меѓу вкупно 19.000 корисници на домови за стари лица, а 797 случаи на инфекција се потврдени меѓу скоро 12.300 членови на персоналот. Министерот за здравство, Томаж Гантар, најави тестирање за сите вработени во домовите за стари лица, пренесува агенцијата СТА. Кацин рече дека влегувањето на вирусот во домовите на старите лица предизвикува голема загриженост, бидејќи тоа е најзагрозената група, склона кон тешка форма на инфекција. Податоците покажуваат дека повеќе од половина од смртните случаи на Ковид-19 биле забележани кај лица постари од 85 години, изјави Кацин.

Уште 11 лица од дом за стари лица во Битола позитивни на корона вирусот

Магдалена Андонова — Tue, 03 Nov 2020 16:57:22 +0000

Од вчерашните 17 брисеви земени од пациенти односно штитеници во хосписот „Сју Рајдер“ во Битола 11 се позитивни на Ковид 19, јавува битолската телевизија Тера повикувајќи се на изјава на директорката на Центарот за јавно здравје во Битола д-р Елизабета Крстева. Со ова, денеска вкупната бројка на позитивни е 23 лица и сите се штитеници во хосписот. Денеска биле земени уште 13 брисеви од пациенти и седум од вработени кои имаат лесни симптоми и лесна клиничка слика.

Најмалку 40 случаи на Ковид-19 во дом за стари лица во Атина

Ивана Ефремовски — Thu, 01 Oct 2020 12:27:08 +0000

Во дом за стари лица во центарот на Атина регистрирани се над 40 позитивни случаи на Ковид-19, а дел од заразените веќе се пренесуваат во болници, јави дописничката на МИА од Атина. Претседателот на Националната организација за јавно здравје на Грција, Панајотис Аркуманеас за грчкото радио „Скај“ рече дека досега се потврдени 40 случаи, но бројката може да е и над 45 заразени лица. Доцна синоќа домот за стари лица го посетија заменик-министерот за цивилна заштита на Грција Никос Хардаљас и шефот на комисијата во Министерството за здравство професорот епидемиолог Сотирис Циодрас за да ја согледаат ситуацијата. Професорот објасни дека најчесто, во вакви места каде што не се дозволени посети, ширењето на коронавирусот е од персоналот. -Во Солун ја научивме лекцијата, во Атина ситуацијата не е добра, рече Циодрас. Во август имаше раширеност на коронавирусот во домови за стари лица во Солун, а само од еден дом починаа најмалку 20 лица. Ситуацијата со пандемијата е особено алармантна во Атина каде што секојдневно се регистрираат голем број позитивни случаи. Заменик-портпаролката на грчката Влада Аристотелиа Пелони на денешниот редовен брифинг со новинарите рече дека иако во последните седмици има зголемен број нови случаи, особено во областа Атика, поширокиот регион на Атина, сепак постои тренд на стабилизирање на случаите. (МИА)

Во дом за стари лица во Солун потврдени 22 случаи на Ковид-19

Ивона Петрова — Wed, 19 Aug 2020 10:50:38 +0000

Во домот за стари лица „Папагеоргиу“ на Светата Митрополија во западниот дел на Солун, потврдени се 22 позитивни случаи на Ковид-19, од кои 15 кај лица згрижени во домот и седум кај персоналот, јави дописничката на МИА од Атина. Одговорниот од домот за стари лица, свештеникот Георгиос Милкас рече дека сите 15 заразени се на возраст од околу 80 години имаат благи симптоми и се хоспитализирани во три солунски болници, додека пак седумтемина вработени се во домашна изолација. Во конкретниот дом има вкупно 75 лица, од кои 45 згрижени стари лица, а останатите се персонал. Ова е втор случај на ширење на коронавирусот во дом за стари лица во Солун во период од една седмица, откако минатиот вторник беа потврдени 36 позитивни случаи на Ковид-19, а починаа шестмина од заразените.

Нов Зеланд: Дом за стари лица во Крајстчрч под посебни мерки

Магдалена Андонова — Tue, 11 Aug 2020 07:14:27 +0000

Еден комплекс за нега на стари лица во Крајстчрч е под вонредни мерки на строга изолација откако некои од штитениците покажале симптоми на респираторни заболувања. Раководството на институцијата денеска писмено ги известила членовите на семејствата на своите штитеници, јави дневниот весник „Гласот на Нов Зеланд“. Во Нов Зеланд повеќе 100 дена нема внатрешни случаи на зараза со коронавирусот. (МИА)

Позитивни на Ковид-19 две штитенички и тројца вработени во објекти на дом за стари лица во Ченто и Кадино

Дарко Андоновски — Tue, 02 Jun 2020 14:04:33 +0000

Во рамки на скринингот, во приватен дом за стари лица, што има објекти во Ченто и Кадино, во едниот се позитивни две штитенички, а во другиот тројца вработени. Изанализирани се сите контакти и дадени се решенија за изолација, истакна на прес-конференција министерот за здравство Венко Филипче. Тој во врска со активностите на терен на Државниот санитарен и здравствен инспекторат и на епидемиолозите кои детално ги образложи претходно директорката на ДСЗИ, Иринка Сотирова Бухова, рече дека во Штип се затворени шесте конфекции, дадени се 55 решенија за самоизолација, а во текот на следните денови ќе се тестираат вкупно околу 600 вработени. – Досега се направени 100 тестирања. Еден дел од вработените се наоѓаат на своите работни места, меѓутоа тоа е со цел да се направат тестирања, значи да се земат брисевите и материјалите. Во Тетово се издадени осум решенија за позитивно дијагностицирани пациенти, 54 за нивни контакти. Имаме и информации за еден нов кластер, еден позитивен со решение за самоизолација и се прават анкети на 40 вработени. Тоа е во еден правен субјект во Тетово. До вчера таму се направени вкупно 70 тестирања, а планирани се 150, од тоа што го најавив на вчерашната прес – конференција, потенцира Филипче. Во однос на активностите на други места, посочи дека од вчера има 12 позитивни регистрирани од кумановскиот Центар за јавно здравје, од кои 11 се од Липково. Во Липково, рече, интензивно денеска работи екипата на Центарот за јавно здравје во Куманово помогната од епидемиолозите од Кратово и Крива Паланка и интензивна работа во Скопје во Чаир и во Студеничани. -Огромен број контакти од вкупно дијагностицираните се во рамки на десет семејства, и тука се прават интервјуа, се ставаат луѓе во изолација, и се тестира согласно ризикот кој епидемиолозите го проценуваат од анкетите, додаде Филипче.

Повеќе од 200 заразени со Ковид-19 во дом за нега на стари лица во Будимпешта

Дарко Андоновски — Tue, 14 Apr 2020 15:37:41 +0000

Повеќе од 200 луѓе во дом за нега на стари изнемоштени лица во Будимпешта се заразени со новиот коронавирус, а десет починаа, изјави денеска шефот на унгарските здравствени служби Сесилија Мулер. Појавата на Ковид-19, во тој дом во Будимпешта во квартот Ракоскерестур, за првпат беше објавена минатата недела кога тестовите покажаа дека 100 лица биле заразени. Иако заразени има и во други унгарски домови за нега на стари лица, случајот во домот во Ракоскерестур, е најтежок бидејќи во него се сместени 500 лица. Унгарските власти регистрирале досега 1.512 случаи на заразени со Ковид-19 и 122 лица починати од таа болест.