дом – Kurir.mk

Скопјнец пронајден починат во својот дом во Ѓорче Петров

Тале Кристо — Mon, 23 Oct 2023 14:47:10 +0000

На 22.10.2023 во 15.20 часот во СВР Скопје било пријавено дека во домот на подрачјето на Ѓорче Петров бил пронајден починат Љ.С.(68) од Скопје. Од страна на лекар од Итна медицинска помош била констатирана смрт без видливи траги на насилство. Извршен бил увид од увидна екипа од СВР Скопје, а по наредба од Јавен обвинител телото на починатиот било предадено за обдукција.

Скопјанец насилно им упаднал во домот во Драчево и упатил закани кон синот на сопственичката

Тале Кристо — Fri, 20 Oct 2023 15:02:01 +0000

На 19.10.2023 во 23.18 часот во СВР Скопје било пријавено дека Д.Ф. од Скопје со употреба на сила влегол во куќата на С.Н.(72) на подрачјето на Драчево, по што оштетил дел од покуќнината и упатил закани кон нејзиниот син А.Н.(24), со кого се познавале. Се преземаат мерки за расчистување на случајот.

ВНАТРЕШЕН БАЗЕН КОЈ СО ЕДНО КОПЧЕ СТАНУВА НАДВОРЕШЕН – Миле Китиќ не штедеше за вилата, вакви детали во домот немаат ниту Цеца и Брена (ФОТО)

Дарко Андоновски — Thu, 19 Oct 2023 09:56:51 +0000

Пејачот Миле Китиќ и неговата сопруга не се плашеа да ги отворат вратите од својот дом уште пред многу години, па од тогаш до денес фотографиите се дел од медиумите. Огромен тоалет, гардеробер и сала за билјард... ова се само дел од деталите кои се простираат во вилата во Белград. Како што пишуваат српските медиуми во домот има стаклен ѕид на копче кои се отвора и внатрешниот базен станува надворешен. Пејачот не жалел пари, па за секој член од семејството има изградено свој кат за максимална приватност. Неговата сопруга во една прилика открила дека се сама смислила и купила по свој терк и вкус. „Морам да ви откријам дека сите детали ги смислив самата и поради тоа сум многу горда на себе. Имам еден црн и еден бел дел во куќата, исто така сакам и некој кич детали, бидејќи сфаќам дека тие се олицетворение на богатството, а не како што се тумачи тука кај нас на овие простори“, изјавила таа во една прилика. Во домот преовладува црниот мермер, керамички предмети донесени од странство, базен, како и уметнички дела од најразлични делови од светот. Како што медиумите пишуваа во минатото, нивниот дом чини вртоглави 550 илјади евра.

ЗА ОВА ВИ СЕ ПОТРЕБНИ ВРЕЌИ ПАРИ: Погледнете во каков дом се всели пејачката Марија Микиќ, вилата е како од турските серии (ФОТО)

Дарко Андоновски — Fri, 06 Oct 2023 19:23:25 +0000

Пејачката Марија Микиќ и нејзиниот сопруг Јован Пантиќ на почетокот на оваа година се преселија во нов дом. Сето тоа парот го направи пред да дојде нивното второ дете, а куќата која ја купиле за пола милион евра е вистинска семејна оаза.

View this post on Instagram

A post shared by Marija Mikic (@wwwmarijamikiccom)

Пејачката во една прилика изјавила дека дома не е само за време на викендот кога настапува, а сите останати денови е дома со децата иако не може да се избори со нивното правење на неред. -Тука се бабите кога настапувам и помагаат. Нон стоп сум со нив, освен петок и сабота кога навечер имам настапи, а они тогаш спијат. Инаку во куќата секој ден е хаос од играчки и не можам да стигнам да ги расчистам, вели пејачката. Таа додава дека целиот живот израснала во зграда и од секогаш сонувала да живее во куќа.

View this post on Instagram

A post shared by Marija Mikic (@wwwmarijamikiccom)

-Се одлучивме да преземеме некои чекори и сега имам свој дом. Малку сме оддалечени од градот, што и тоа како сакав. Градскиот метеж ни стана товар од кога имаме деца, додава Микиќ.

View this post on Instagram

A post shared by Marija Mikic (@wwwmarijamikiccom)

Инаку во домот преовладуваат деталите, особено во дневната соба каде има многу врамени слики од децата, а на една од полиците се гледа и наградата добиена на „МАК наградите“ оваа година. Веднаш до дневната соба е кујната и трпезаријата, а дворот е вистински рај за семејството кое нема потреба да оди во кафуле за да прошета.

ВИДЕО: Авионот како дом и место за одмор

Тале Кристо — Tue, 26 Sep 2023 11:48:17 +0000

Честопати авионите можат да бидат повеќе од превозно средство. Така, некои луѓе решиле да си го создадат својот дом од соништата со пренамена на стари авиони. За оние, пак, кои би сакале да минат само неколку ноќи во авион, има и хотели што го нудат тоа. Откако ја изгубила својата куќа во пожар, Џо Ен Асери добила идеја и желба - да живее во авион. Така, купила „Боинг 727“ што бил вон употреба и наменет за отпад, го испратила на место што веќе го поседувала и минала шест месеци во реновирање - најголемиот дел сама. Сѐ тоа завршило со целосно функционален дом со три спални соби, две бањи, па дури и топла бања со када - каде што порано се наоѓала пилотската кабина. Вкупно, тоа чинело околу 60.000 долари во денешна противвредност. Асери, инаку козметичарка од Беноа, Мисисипи, САД, немала професионални врски со авијацијата, туку го следела необичниот предлог на нејзиниот зет - контролор на летање. Таа живеела во авионот од 1995. до 1999 година, кога бил непоправливо оштетен откако паднал од камион при преместување во близина, каде што некогашното летало би било отворено и пристапно за јавноста. Иако таа не е првата личност која некогаш живеела во авион, нејзината посветеност на својот проект имала инспиративен ефект, па сѐ повеќе луѓе го следеле нејзиниот пример. Брус Кембел, електроинженер со приватна пилотска дозвола, ѝ бил еден од првите следбеници. Тој сѐ уште - повеќе од 20 години живее во својот „Боинг 727“, во шумите на Хилсборо, во Орегон.

Средете го вашиот дом пред да дојде есента: Се што треба да исчистите за да ви биде удобно во студените денови

Ристе Здравков — Tue, 22 Aug 2023 07:28:12 +0000

Пролетта е синоним за чистење, но крајот на летото е исто така одлично време за големо расчистување на домот. Предмети како што се калливи чизми и јакни полека ќе почнат да се акумулираат во ходниците и просториите, а загреаните простории треба да се исчистат за да се максимизира протокот на топол воздух. Предметите од кои можеби ќе треба да се ослободите се лични за вас и за вашето домаќинство, но како што вели професионалната организаторка Вики Силверторн, есента е сезона за релаксација бидејќи времето станува постудено и тешко е вистински да се опуштите во неуредна и нечиста куќа. 1. НЕРЕД ВО БАЊАТА Новата сезона е одлично време да се ослободите од кремите за сончање, спрејот за бубачки и старите парфеми за да направите простор за производите што всушност ги користите. Создадете листа за проверка за чистење бања за да ве води. Меѓу работите што не треба да се чуваат во кабинетите во бањата се производите за нега на кожа со поминат рок, шминката и се што всушност не го користите. Вики Силверторн препорачува да извадите сè и да го категоризирате за да можете да видите што имате и да го распределите. Проверете го двапати датумот на истекување на старите парфеми и производи за убавина. На задната страна ќе најдете симбол кој покажува колку долго по отворањето треба да го чувате. Сите застарени производи треба да се испразнат и рециклираат. Потребен ви е само еден од секој производ, и потенцијално еден резервен, и избегнувајте складирање на голем број исти артикли. 2. ХРАНА СО ИСТЕЧЕН РОК Добра идеја е да ја организирате вашата остава додека преминуваме од топлите летни месеци на посвежо време, така што секогаш ќе ги имаме при рака потребните залихи кога готвиме есенски и зимски оброци. Истото важи и за вашиот фрижидер и замрзнувач. 3. НЕРЕД ВО ДВОРОТ И ШУПАТА Расчистувањето на дворот, градината или бараката ќе станува се помалку привлечно како што деновите стануваат сè пократки и температурата паѓа, затоа потрошете го целото време што го имате сега организирајќи ја вашата остава, алатите, скарата, мебелот и градинарските додатоци. Отстранувањето на се што е скршено или ‘рѓосано е една од задачите за одржување што треба да ги направите за да го подготвите вашиот дом за есен. Прочешлајте ги сите работи во дворот и размислете што сте користеле и дали има нешто што мислите дека нема да сакате да го користите до следното лето. 4. ОБЛЕКА Време е искрено да ги погледнеме нашите плакари и работите кои одамна не сме ги носеле. Размислете да донирате или отфрлите летна облека, костими за капење и чевли кои не ја виделе светлината на денот оваа година, затоа што има големи шанси така да биде и следното лето. Можеби ќе треба однапред да купите дополнителни корпи за складирање за да го олесните процесот на расчистување и организирање. Размислете за големи вакуумски запечатени кеси за вашата летна облека ако имате ограничен простор. 5. СЕЗОНСКИ ДЕКОРАЦИИ Размислете однапред и за празниците! Извадете ги кутиите со украси и ослободете се од се што е скршено или што едноставно повеќе не ви се допаѓа.

ЗА ОВОЈ ЛУКСУЗ СЕ ФРЛЕНИ БРДО ПАРИ, А ЦЕЛИОТ ЧИНИ 500 ИЛЈАДИ ЕВРА – во овој стан живее Ана Николиќ, во еден детаљ на масата буквално и вие ќе зумирате (ФОТО)

Дарко Андоновски — Thu, 06 Jul 2023 13:01:56 +0000

Пејачката Ана Николиќ од самиот почетокот на кариерата важи за една од најпопуларните музички ѕвезди во регионот, а многуте работни успеси во кариерата и овозможиле да имаат луксузен живот како од бајките. Во тој живот пејачката со години наназад ужива со ќерката Тара која ја доби во бракот со раперот Стефан Ѓуриќ Раста, а медиумите низ годините наназад пишуваат дека живее во луксузен стан во Белград. Како што претходно пишуваа медиумите популарната пејачка наводно живее во стан од 500 илјади евра, а во неколку наврати пејачката има објавено детали од внатрешноста што го потврдуваат луксузот во него. Во него доминираат светли тонови, а на прво место е белата, потоа крем, па розовата боја. Мебелот е во доминантно бела боја, а во дневната соба има и огромен бел стилизиран камин кој служи само како декорација. Во својот дом пејачката има повеќе огледала, а и голем ходник каде има огромен гардеробер. Ѕидовите се украсени со уметнички дела, а во нејзиниот стан можат често да се видат и богати букети цвеќиња.

Совети за посвеж дом во лето

Ивона Петрова — Fri, 30 Jun 2023 10:48:04 +0000

Одредени подробности при уредувањето на домот може да станат „проблем“ во лето, покрај високите температури и да придонесат за дополнително загревање на внатрешноста на куќата. Тука спаѓаат изборот на бои, употреба на одредени апарати и несоодветна изолација. При високите дневни температури и силна сончева енергија, лекарите ги советуваат луѓето да го ограничат своето време надвор. Сепак, неретко во домот е потопло отколку надвор. Следат неколку совети за тоа. Погрешни и вистински бои Говорејќи за надворешноста на куќата, Гудел Дејвид, стручњак за домови и основач на компанијата за бојадиување „Пејнтс акрилик“ (Paints Acrylic) советува да се избегнуваат каква било потемна боја за надворешните ѕидови од куќата. - (Темните бои) апсорбираат повеќе топлина отколку светлите бои, така што ако ја обоите надворешноста на Вашата куќа во темна боја, многу веројатно е оти ќе се чувствувате потопло внатре. Наместо тоа, се препорачува посветла или рефлектирачка боја за надворешноста на Вашиот дом - како бела, беж или сива, објаснува тој. Апарати кои произведуваат топлина Многу од секојдневните активности во домаќинството создаваат повеќе топлина. Тука спаѓаат готвење, сушење алишта, па дури и вклучување на машината за миење садови. Се разбира, не треба да се престане со тие работи, но познавачите едноставно предлагаат да не се користат тие уреди во најжешките делови од денот. Оваа промена може да направи забележителна разлика во вкупната температура дома. Премногу сончева светлина Многумина претпочитаат повеќе природна светлина во секојдневниот простор, особено во долгите летни денови, но и тука не треба да се претера. И прекумерната сончева светлина создава потопла средина во домот. Препораките, секако, говорат за завеси и ролетни за заштита од Сонцето. Како и топлината, така и сончевата светлина треба да се зачува ограничена. Несоодветна изолација Уште една честа грешка што придонесува за дополнителна топлина во просторот за домување, е лошата изолација. Том Алан, стручњак за греење, водовод и апарати смета дека сопствениците на куќи треба да додадат изолационен материјал на ѕидовите, покривот и прозорците. - Но, тоа мора да се направи стручно. Најдобро е да се консултирате со професионалец, за да ги одредите најдобрите можности за изолација за Вашиот дом, забележува тој. Прениска температурата во разладувањето на домот Логично е да се претпостави дека поставувањето на температурата на термометарот на клима-уредот на што пониско ниво - ќе доведе до побрзо ладење на домот... Тоа е огромна заблуда, според стручњаците. Тоа само прави клима-уредот да работи со поголема сила и подолго, зголемувајќи ги температурите и трошоците за енергија.

Трикови за да имате пари секогаш, еве што да направите во домот

Ивона Петрова — Fri, 12 May 2023 18:31:06 +0000

Постојат многу трикови кои нудат да ви помогнат да соберете пари, но никогаш не знаете кој од нив ќе успее додека не го пробате. Ако сакате да се изненадите со покачување и да го зголемите протокот на вашата сметка, испробајте го овој едноставен трик. Куќата во која живеете не смее да биде неуредна, а јужната и северната страна на куќата не смеат да бидат преполни со работи. Просторот во вашата куќа секогаш треба да биде чист и уреден, а многу е важно парите да ги чувате на едно место. Овој трик функционира така што ќе ставите 3 монети во еден сад и ќе го оставите каде било во куќата. Со текот на времето, ќе забележите дека имате повеќе пари на вашата сметка отколку порано. Енергетските експерти истакнуваат дека сме родени богати и дека магијата на изобилството се крие во нашите мисли.

Маж влегол во домот на скопјанка, се обидел физички да ја нападне

Тале Кристо — Wed, 03 May 2023 16:20:21 +0000

Триесет и три годишна жена од Скопје утрово пријавила во полиција дека во нејзиниот дом на подрачје на Центар влегло едно лице. Како што соопшти МВР, според пријавата, лицето околу 2:00 часот влегло во домот преку незаклучена врата. Лицето се самозадоволувало и се обидело и физички да ја нападне жената. Полицијата презема мерки за расчистување на случајот.