дома си е дома – Kurir.mk

Весковски за проектот „Дома си е дома“ : Жални се тие слики кои што ги видовме од Европските земји, а се користеа за промоција на домашниот туризам

Тале Кристо — Fri, 19 Jun 2020 16:36:29 +0000

Вечерва во „Отворено студио“ гостуваше Душко Вескоски, организационен секретар на СДСМ кој што кажа дека сликите кои што се користеа за проектот „Дома си е дома“ е навистина жално. „Жално е тоа што го видовме изминатиов период. Особено жални се тие слики кои што ги видовме од Германија и од Европските земји, кои што се користеа за промоција на домашниот туризам“, истакна Весковски. Весковски додаде дека такви грешки како оваа за проектот „Дома си е дома“ не треба да се повторат. При толку природни убавини во Македонија навистина нема смисол да се постираат слики од други земји.

Фалс кампањата на Заев, тема за вирален потсмев на социјалните мрежи

Дарко Андоновски — Mon, 15 Jun 2020 12:48:09 +0000

По најавената мерка од страна на владата за развој на домашниот туризам, каде граѓаните од пред два дена треба да добиваат ваучери за туризам на нивните електронски адреси, доживеа вирален потсмев од страна на граѓаните на социјалните мрежи. На сајтот domasiedoma.gov.mk каде се промовира мерката за ваучерите за домашен туризам има поставено слика која што е превземена од Кенигсе, Германија, наместо фотографија од некои од убавините низ Македонија за поддршка на македонскиот туризам. Истото се најде на вирален потсмев откако сопственикот на сликата објави дека македонската влада му ја објавила фотографијата од Германија, за да промовира домашен туризам. Социјалните мрежи два дена вријат од постови со коишто го исмејуваат овој недоличен потег на владата. Велат брука е што за развој на домашен туризам, владата искористила туѓа фотографија и тоа од Германија, па со креативни потсмевувачки наслови и фотографии од други места надвор од Македонија, објавуваат дека тие истите се некои градови и ветувања за проекти на оваа влада. Потсмевот продолжува и денеска со бројни коментари и критики кон владата за овој срамен потег за оваа кампања која требаше да подразбира поддршка за домашниот туризам, од толку прекрасни фотографии од места низ Македонија, да се користат фотографии од странство е вистинска брука за оваа фалс кампања на власта.

Кампањата на власта со украдената фотографија стана ХИТ: Еве како би изгледале, Дојран, Марковите кули и Смоларските водопади (ФОТО)

Дарко Андоновски — Mon, 15 Jun 2020 12:11:52 +0000

По вчерашната срамна украдена фотографија преку која владата ја промовираше кампањата „Дома си е дома“ денеска социјалните мрежи буквално „експлодираа“. Имено откако владата вчера објави украдена фотографија од германски национален парк за промоција на туризмот во нашата земја, денеска стотици фотографии на социјалните мрежи се појавуваат од познати туристички дестинации, како и познати светски објекти со споредба на македонските градови низ земјава. Уште посрамно од сето ова е што Министерството за економија одвоило дури 20 илјади евра за оваа фотографија. Повеќе детали за ова прочитајте ТУКА, а во продолжение насмејте се на сметка на власта...

Викенд во Солун, ДОМА СИ Е ДОМА

Ристе Здравков — Mon, 15 Jun 2020 11:57:47 +0000

Од толку убавини кои ги имаме, вие земавте фотографија од друга држава, да не беше трагично ќе беше комично. Епа по вашава логика и Солун е наш, среќа не ви текна да земете некоја фотографија од Грција или Бугарија, па после ќе ги нарушевте “добрососедскиве односи“. Па така и ви треба кога ПР ви водат твитерџии и шарлатани. Толку лош кадар имате у влада што ни Дунав не ве пере... упссс Вардар, јас тргнав по вашава логика дека се е наше. Старите ова го нарекувале „распашана команда“, ама толку време помина и памет не ви дојде, толку пари дадовте на ПР, а единствено што добивте е шјалм. Ништо да не работевте подобро ќе поминевме. Со денешнава технологија некое дете да пратевте во Маврово, Охрид, Преспа... ќе ви направеше фотографија „боли глава“ и немаше да се срамите, ај што се срамите вие, ама и нас не срамите бе, светот ни се смее, а фотографот чија фотографија сте украле од жал ни тужба нема да ви лупне. 20.000 евра спи*кавте за кампањава, 20.000 причини да си одите, не ве бива, неспособни сте. ПС: Солун е наш, Атина ни фали, има уште два три дела за да биде цела!!! Ристе Здравков