домаќин – Kurir.mk

Истанбул може да биде домаќин на финалето во Лигата на шампионите во 2023 година

Дарко Андоновски — Thu, 13 May 2021 08:18:05 +0000

Олимпискиот стадион „Ататурк“ во Истанбул ќе биде домаќин на финалето во Лигата на шампионите во 2023 година. Според новинарот Николо Шира, ваква одлука ќе биде донесена по завршувањето на финалето во тековната сезона кое беше преместено во Порто од Истанбул поради тешката состојба со коронавирусот во Турција. УЕФА има донесена одлука финалето на Лигата на шампионите во 2023 година да се игра во Минхен. Манчестер сити и Челси ќе се соочат во финалето во Лигата на шампионите 2020/21. Натпреварот ќе се одржи на 29 мај на „Драгао“ во Порто.

Торонто ја разгледува можноста во новата сезона да биде домаќин во Њу Џерси

Тале Кристо — Sun, 01 Nov 2020 08:52:17 +0000

Раководството на канадскиот НБА-лигаш Торонто репторс, размислува следната сезона да биде домаќин во Њу Џерси, пишува „The New York Daily News“. Веќе биле остварени разговори со операторите на „Пруденшал центар“ во Њујорк, за можноста Репторс домашните натпревари да ги игра во таа арена. Шампионот од 2019 година, сака да ја одигра претстојната сезона во еден од американските градови, поради ограничувања на движење предизвикани од коронавирусот. Клубот веќе преговарал со арените во Тампа-беј или Нешвил. Исто така беше објавено дека Канаѓаните можат привремено да се преселат во Луисвил или Канзас Сити. Останува да се почека на конечната одлука каде ќе игра Торонто како домаќин претстојната сезона.

Македонија домаќин на квалификацискиот турнир за СП

Магдалена Андонова — Thu, 10 Sep 2020 16:24:09 +0000

Македонија ќе биде организатор на женскиот ракометен квалификациски турнир за настап на Мундијалот во 2021 година, откако претходно Грција се откажа од тоа право. Нашата репрезентација ќе биде домаќин и на селекцииите на Литванија и Исланд во ноември. Двете најдобри селекции ќе обезбедат настап во бараж-мечевите на настап на Светското првенство. „Жолто-црвените“ првиот натпревар ќе го играат против Исланд, а потоа во следните два дена и со Литванија и Грција. Бараж-двомечите ќе се играат во април следната година. Светското првенство на програма е од 1 до 19 декември 2021 година во Шпанија. (MИА)

ФИФА ќе ја одложи одлуката за избор на градови домаќини на СП 2026

Тале Кристо — Tue, 07 Jul 2020 07:46:40 +0000

Светската фудбалска федерација (ФИФА) ќе ја одложи одлуката за избор на градови во кои ќе се играат натпреварите од Светското првенство во 2026 година, поради пандемијата на коронавирус, пренесува Ројтерс. Мундијалот во 2026 година ќе се одржи во три земји – САД, Канада и Мексико. Соединетите држави ќе претстават 17 градови-кандидати за домаќини, Канада и Мексико – по три. Одлуката требаше да биде донесена во март, но поради пандемијата, состанокот на ФИФА беше презакажан за 7 јули. Сега одлуката повторно ќе биде одложена за неколку недели. ФИФА ќе одбере 16 од 23 предложени градови за да бидат домаќини на натпреварите, додека треба да се намали само бројот на американски градови.

„Дизни Ворлд“ може да биде домаќин на остатокот од сезоната во НБА

Тале Кристо — Thu, 30 Apr 2020 07:05:21 +0000

НБА лигата разгледува опција остатокот од сезоната да се доигра во комплексот за забава „Дизни Ворлд“ во близина на Орландо, Флорида. Според новинарот Шамс Шарани од „Атлетик“, комесарот на НБА, Адам Силвер во средата оствари разговори со генералните менаџери на 30-тина екипи и медицински лица, разговарајќи за различни сценарија за првенството. Силвер е убеден дека сезоната може да заврши ако вакцината што ја развиле научниците од универзитетот Оксфорд, ги донесе потребните резултати кај луѓето. Досега, експерименталниот лек ремедивир дал добри резултати на тестовите кај мајмуни и се очекува да започне со тестирање кај луѓето што е можно поскоро. НБА се надева дека повеќето екипи ќе можат да продолжат со тренинзите по 8 мај, а до крајот на месецот и следниот ќе можат да играат натпревари. Покрај Дизни, Лас Вегас и Бахамите се меѓу другите опции за кои се дискутира за завршницата на шампионите. Наспроти зборовите на Силвер, д-р Ентони Фаучи, кој е директор на Националниот институт за алергии и заразни болести во Соединетите држави, во средата изјави дека големите спортски лиги треба да се помират со тоа дека сезоната 2019/20 заврши. Првенството во НБА лигата беше стопирано на 11 март, откако двајца играчи на Јута беа позитивни на коронавирус.

Берово домаќин на Државно првенство во пинг-понг за кадети

Дарко Андоновски — Sat, 01 Feb 2020 08:21:08 +0000

Берово денес и утре е домаќин на вториот турнир како дел од Државното првенство во пинг-понг во кадетска конкуренција. Натпреварите ќе се играат во салата „Македонски бранители” во Берово.

-Во рамки на првиот ден од турнирот се играат натпреварите за натпреварувачи до 12 години. Утре, ќе се натпреваруваат повозрасните кадети до 15 години. На турнирот ќе настапат најдобрите екипи во досегашниот дел од првенството, информираат организаторите.

Почетокот на првите натпревар кои се играат денес се закажани за 11 часот, додека во рамки на утрешната програма мечевите се играат со почеток во 10 часот.

Турнирот се организира под покровителство на Пингпонгарската федерација на Северна Македонија.

Израел нема пари за Евровизија, утре истекува рокот за плаќање на гаранцијата од 12 милиони евра, еве кој ќе биде новиот домаќин

Дарко Андоновски — Mon, 13 Aug 2018 18:31:01 +0000

Главниот град на Австрија би можело да биде домаќин на Евросонг догодина, иако Израел победи на годинашниот Избор за песна на Евровизија, шпекулираат австриските медиуми. Веднаш по победата на Нета со песната „Toy“ имаше противење Израел да биде домаќин на шоуто од безбедносни причини. Уште тогаш се спомнуваше Австрија, чиј претставник Цесар Сампсон го освои третото место, а според гласовите на жирито првото, како можна замена за Израел. Можно е Виена да биде домаќин на Евровизија догодина, имајќи предвид дека израелската државна телевизија КАН побара пари од државата за организација на Евросонг, но министерот за финансии одби да стави средства на располагање. Израел мора да уплати кауција од 12 милиони евра на швајцарска сметка како гаранција дека ја прифаќа организацијата на Евровизија. Рокот за уплата истекува утре, 14 август и ако тие пари не се најдат на сметката, ќе се бара друга земја што ќе го организира изборот, а Австрија, која беше домаќин пред две години, е подготвена повторно да ја преземе таа улога. КАН сега се обрати и до израелскиот премиер Бенјамин Нетанјаху со молба државата да обезбеди пари за организација на Евровизија.

Франција ќе го поддржи Мароко во изборот на домаќин за СП 2026

Дарко Андоновски — Thu, 05 Apr 2018 10:35:59 +0000

Претседателот на француската фудбалска федерација, Ноел Ле Гре, рече дека ќе ја поддржи кандидатурата на Мароко како земја домаќин на Светското фудбалско првенство 2026 година. Мароко ќе се обиде да ја доби организацијата на Мундијалот во конкуренција на заедничките кандидати САД, Канада и Мексико. - Не гледам причина да не ја поддржиме блиската земја. Во Африка, во целата историја имаше само едно светско првенство. Тоа е премалку. Мароко може да биде домаќин на турнир, дури и ако оваа земја нема исти финансиски ресурси како и нејзините конкуренти. Франција ќе гласа за Мароко, можеби ќе ги охрабри и другите европски земји да го направат тоа, изјави Ле Гре. Одлуката кој ќе го организира Мундијалот 2026 ФИФА ќе ја донесе на 13 јуни, еден ден пред почетокот на СП 2018 во Русија.