домантас сабонис – Kurir.mk

Домантас Сабонис го продолжи договорот со Сакраменто

Бошко Тасиќ — Sun, 23 Jul 2023 06:27:12 +0000

Литванскиот кошаркар Домантас Сабонис официјално го продолжи договорот со екипата на Сакраменто Кингс во НБА лигата. Синот на легендарниот Арвидас Сабонис ќе се задржи во дресот на „кралевите“ уште пет сезони. Новиот договор ќе му гарантира огромна заработувачка од дури 217 милиони долари, а кошаркарот изјави дека е задоволен од продолжувањето на соработката. Минатата сезона Домантас Сабонис одигра 79 натпревари за Сакраменто и забележа одличен „дабл-дабл“ просек од 19,1 поен, 12,3 скокови и 7,3 асистенции по натпревар. Во досегашната кариера настапуваше уште за Уникаха, Гонзага, Орландо Меџик, Оклахома Сити Тандер и Индијана Пејсерс.

Сакраменто Кингс пред потпис на нов договор со Домантас Сабонис

Бошко Тасиќ — Sun, 02 Jul 2023 06:41:17 +0000

Центарот на Сакраменто кингс, Домантас Сабонис се договори за огромно продолжување на договорот со клубот за неверојатни 217 милиони долари за пет сезони, потврдија неговите агенти за „ЕСПН“. Кингс ќе му ја зголемат платата за 2023/24 на 30.6 милиони долари и ќе додадат четири години на неговиот договор, но 27-годишниот Сабонис нема да ги „повлече“ сите пари кои се достапни, бидејќи сака да помогне во градењето на ростерот на тимот. Кингс исто така го вратија Херисон Барнс на тригодишен договор и се договоријаа со бугарската ѕвезда од Евролигата, Саша Везенков за тригодишен договор, вреден 20 милиони долари.

Литванците без Сабонис на СП ?

Бошко Тасиќ — Fri, 26 May 2023 04:43:38 +0000

Литванскиот репрезентативец Домантас Сабонис би можел да го пропушти следното Светско првенство. Мундобаскетот ќе се одржи од 25 август до 10 септември, а домаќини ќе бидат Филипините, Индонезија и Јапонија. На планетарниот собир Литванците ќе играат во групата Д со Црна Гора, Египет и Мексико, а доколку се пласираат во следната фаза потенцијално ќе закажат дуели со селекциите на Соединетите Американски Држави и Грција. Селекторот Казис Максвитис потврди дека на располагање ќе ги нема четворица играчи и најави дека надвор од тимот може да биде и Домантас Сабонис. Популарниот „Домас“ има повреда на раката уште од НБА плеј-офот (Сакраменто играше против Голден Стејт во првото коло) и е под знак прашалник.

Ембид и Сабонис прогласени за играчи на неделата во НБА

Тале Кристо — Tue, 21 Mar 2023 07:05:45 +0000

НБА на својата официјална веб-страница ги прогласи најдобрите играчи за изминатата недела. Во Западната конференција, најкорисен играч на неделата беше кошаркарот на Сакраменто кингс, Домантас Сабонис. „Кралевите“ имаа три победи во четири натпревари, а Сабонис просек од 22,8 поени, 16 скока и 10 асистенции по натпревар. Во Источната конференција наградата му припадна на центарот на Филаделфија, Џоел Ембид. Неговиот тим освои три победи. Просекот на играчот е 35 поени, 12,7 скока и 3,3 блокади. Сакраменто е на 4.место на Запад, додека Филаделфија на третата позиција во Источната конференција.

Кевин Дурент нема да настапи на ол-стар мечот, негова замена Домантас Сабонис

Бошко Тасиќ — Sat, 27 Feb 2021 06:19:38 +0000

Кошаркарот Кевин Дурент нема да биде подготвен за настап на натпреварот на сите ѕвезди кој ќе се игра наредниот викенд во Атланта.

По Ентони Дејвис од ЛА Лејкерс,сега и играчот на Бруклин Нетс поради повреда го откажа настапот за Источната Конференција.

Негова замена ќе биде кошаркарот на Индијана Пејсерс, Домантас Сабонис за кого ова ќе биде втор настап на ол - стар натпреварите. Предходно комесарот на НБА лигата, Адам Силвер, одлучи замена за повредениот Ентони Дејвис да биде бекот на Феникс Санс Девин Букер кој ќе се дебитира на натпреварот на сите ѕвезди.