домашен притвор – Kurir.mk

Приведени насилници од Скопје- го признале делото, определен им е домашен притвор

Катерина Бојаџиева — Wed, 27 Sep 2023 07:25:31 +0000

По преземени мерки и активности, полициски службеници од Единицата за насилен криминал при СВР Скопје на 25.09.2023 ги лишиле од слобода Ф.В.(25) и А.Ф.(33), двајцата од Скопје. Тие се сомничат дека на 20.09.2023 во продажен објект кај арената „Тоше Проески“ физички го нападнале вработениот А.В. од Скопје. Двајцата биле задржани во полициска станица и во службен разговор со полициски службеници го признале делото. Во координација со јавен обвинител против нив е поднесена кривична пријава, а од страна на судија на претходна постапка определена им е мерка домашен притвор.

Јужнокорејскиот „крал на криптовалутите“, До Квон е во домашен притвор во Црна Гора

Тале Кристо — Fri, 12 May 2023 13:58:52 +0000

Основниот суд во Подгорица ја прифати гаранцијата од по 400 илјади евра што ја понудија јужнокорејските државјани До Квон, познат како крал на криптовалутите и Хон Чанд Јун и одреди по плаќањето на оваа сума тие да бидат ослободени, но да го поминуваат времето во стан во Црна Гора кој ќе го чува полицијата. Гаранцијата, како што е најавено, ќе ја платат сопругите на двајцата Јужнокорејци. „Доколку обвинетиот избега или ја прекрши мерката надзор, гаранцијата истекува и се внесува во посебен дел од буџетот за работата на судовите“, се вели во соопштението на Основниот суд Подгорица. Јужнокорејските државјани се обвинети дека сториле кривично дело фалсификување документи, а беа уапсени на крајот на март во приватен авион на аеродромот во Подгорица. До Квон и Чанд Јун се изјаснија за невини пред судот и тврдеа дека ги добиле пасошите од Костарика, кои ги поседувале, преку правен процес. „Не сум виновен. Не фалсификувавме пасоши од Костарика, ги добивме во законска процедура. Единствен релевантен доказ за тоа е тоа што документацијата за издавање пасош ја добивате од надлежните државни органи на Костарика“, рече До Квон во судницата на Основниот суд Подгорица. Јужна Кореја и САД побараа негова екстрадиција за да се соочат со обвиненија поврзани со колапсот на неговата крипто империја вредна 40 милијарди долари. Црна Гора се уште не одлучи за екстрадиција и соопшти дека прво сака да утврди дали уапсените ги прекршиле домашните прописи. Доколку биде прогласен за виновен, Квон би можел да се соочи со повеќе од 40 години затвор, што ќе биде најдолга казна за Јужна Кореја досега за финансиски криминал, објавија претходно медиумите.

Јорданскиот крал Абдула Втори и официјално го стави во домашен притвор својот полубрат Хамза

Тале Кристо — Thu, 19 May 2022 17:09:55 +0000

Јорданскиот крал Абдула Втори денеска во многу остро писмо јавно го потврди своето несогласување со својот полубрат принцот Хамза и го официјализираше куќниот притвор на поранешниот престолонаследник, нарекувајќи го „нестабилен“. Како што е наведено во посмото, кралот одобрил притворање на принцот Хамза во неговата палата и ги ограничил неговите комуникации и движење, наведувајќи ги како причина „непредвидливото однесување и аспирациите“ на полубратот. „Ќе му обезбедиме на Хамзи сè што сака да живее удобно, но тој нема да го има просторот што некогаш го злоупотребил за да ја навреди нацијата, нејзините институции и неговото семејство, за да ја поткопа стабилноста на Јордан“, напиша кралот. Писмото е најновото поглавје во кавгата на кралскиот двор. Помладиот член на кралското семејство прво беше приведен, а во јавноста стигнаа внатрешни недоразбирања, кои досега не се случиле. Хамза и Абдула се синови на кралот Хусеин, кој владееше со Јордан речиси половина век, до неговата смрт во 1999 година. По неговото крунисување, Абдула го назначи Хамза за наследник на тронот, но во 2004 година му ја одзеде оваа титула. Хамза и лани во април беше ставен во домашен притвор поради наводен заговор за дестабилизација на оваа прозападна хашемитска монархија. Принцот Хамза во март му се извини на кралот, судејќи според писмото објавено од кралската палата, и изрази надеж дека може да се сврти нова страница во ова поглавје од историјата на нивната земја и семејство.

ДЗР: Алките за следење на лица во домашен притвор не работат

Магдалена Андонова — Wed, 10 Nov 2021 11:29:48 +0000

Електронските алки и системот за следење и спроведување на мерката притвор се уште не се активни, а затворениците и притворениците не се здравствено осигурени, наведува Државниот завод за ревизија во ревизорските извештаи на Управата за извршување на санкции при Министерството за правда. Ревизорите вршеле контрола на финансиските сметки (основен буџет и буџет на заеми) на Управата за извршување на санкциите за 2020 година, заедно со ревизија на усогласеност, при што клични наоди на основниот буџет се дека не е извршена ниту една внатрешна ревизија и дека затворениците не се здравствено осигурени. Клучни препораки на државниот ревизор се дека Управата треба да направи екипирање и функционирање на внатрешната ревизија и редовно да пресметува и во координација со надлежните органи да врши исплата на придонеси за задолжително здравствено осигурување и придонеси врз основа на инвалидност и телесно оштетување за лицата, кои се на издржување казна затвор и издржување на воспитна мерка во воспитно – поправен дом. Електронските алки и системот за следење и спроведување на мерката притвор се уште не е активен, за што надлежните институции во соработка со Управата потребно е да преземат мерки и активности, за овозможување оперативност и непречено функционирање на опремата за електронски надзор, со цел извршувањето на пробациските работи, односно обезбедување на ефикасен систем на електронски надзор при извршување на мерката куќен притвор на цела територија на Макеоднија, оценува државниот ревизор во делот на клучни системски слабости во извештајот за основниот буџет. Извештајот на сметката за заеми, во делот на клучни системски слабости, оценува дека инвестициите за објектите во КПД Куманово и КПД-ВПД Тетово се завршени и во тек се постапките за предавање на правото на сопственост на установите, односно издавање на одобренија за употреба и имотни листови од страна на надлежните институции. Ревизорските извештаи се достпани на страницата на ДЗР и тоа Извештај за сметка на основниот буџет и Извештај за сметка на буџет на заеми.

Рашковски останува во домашен притвор

Катерина Бојаџиева — Wed, 22 Sep 2021 19:19:18 +0000

Врховниот суд ги одби како неосновани жалбите на поранешниот генерален секретар на владата за укинување на неговиот домашен притвор. За поранешниот генерален секретар на владата, а сега осомничен за злупотреба на службената положба и финансиски малверзации Рашковски сеуште нема обвиненија, а се водат истраги за набавки на софвтери кои самиот ги заштитил како сопствени иновации а потоа како генерален секретар на владата склучил договор со фирмата инвока за да ги набави. Едниот софтвер е за систем за сообраќајни прекршоци за потребите на МВР иако министерството тоа не го побарало, а вториот софтвер бил наменет за електронско гласање. Двете зделки се во висина од околу 200 илјади евра. Рашковски е осомничен и дека од хонорарец во неговиот кабинет добивал по 300 евра месечно.

Заев: Судот му дал дозвола на Рашковски кога точно да оди на лекар

Дарко Андоновски — Thu, 16 Sep 2021 09:05:31 +0000

Премиерот Зоран Заев денеска изјави дека ексгенералниот секретар на Владата, Драги Рашковски имал дозвола од суд кога да оди точно на лекар. -Правосудните ограни и МВР соопштиле дека тој има дозвола од суд во точен период кога да оди на лекар и тоа го прочитав во медиумите. Ниту знам јас зошто е виден да се движи слободно, но знам дека има решение од здравствени потреби, точно колку пати во неделата и во кој ден, одговори Заев. Дел од медиумите вчера објавија фотографија на која се гледа Рашковски како се движи по улица во Општина Аеродром. Рашковски се наоѓа во куќен притвор како осомничен во истрага за набавка на софтвер во периодот додека беше генерален секретар.

Што стои зад домашниот притвор на Рашковски?

Тале Кристо — Sat, 17 Apr 2021 19:56:59 +0000

Не престануваат реакциите од јавноста за домашниот притвор на Рашковски. Легитимно се поставува прашањето што стои зад домашниот притвор на Рашковски? Дали судот не виде доволно докази за ефективен, затворски притвор на екс-генсекот, или пак обвинителката Трајчева не обезбедила доволно- како што тврди судот? Во биографијата на Трајчева се запишани три предмети во кои експресно во затворски притвор се ставени тогаш обвинетите, благодарение на доказите од обвинителството. Едниот е „Шпански скали“ каде првообвинет беше Миле Јанакиески, и поголемиот дел од обвинетите беа ставени во затворски притвор, меѓу кои и обични службеници. Вторите два случаи во кои Трајчева е заменски обвинител на Вилма Русковска се за 27 април, каде повторно ефективниот притвор доминира. Дополнителна дилема во делувањето на Трајчева фрла и фактот што нејзиниот брат е човек близок на СДСМ особено на претходното раководство на партијата. Тој е поранешен директор на Агенцијата за млади и спорт во времето на владеењето на СДСМ, а против него имаше отворено и истраги за злоупотреба на службената положба, своевремено, објави Алфа телевизија. На страна Трајчева, вториот сомнеж доаѓа од кај судот. Одлуката за домашен притвор на Рашковски која со часови вчера се пишуваше во Кривичен, ја донесе судијката Весна Димишкова, чие пак име се споменуваше во случајот Рекет, преку нејзиниот брат адвокат. Вчера екс генералниот секретар на Владата, во судот беше донсен со полициска придружба, но без лисици на рацете, што е спротивно на онаа пракса каде сите кои се изведени пред судија на претходна постапка се со лисици. На тоа реагираше и лидерот на ВМРО-ДПМНЕ, Мицкоски кој на фејсбук уште вчера утрото нашиша: Ако си соработник на Зоран Заев, за сомневање за сторен криминал завршуваш со одземен пасош или во куќен притвор, а во суд одиш со рацете во џеб. Во спротивно добиваш 30 дена затворски притвор и во суд те носат со лисици на рацете! Рашковски моментално е дома, во куќен притвор оти се сомничи дека ја злоупотребил службената положба и заедно со уште 3 лица го оштетиле Буџетот на Македонија за 180 000 евра. Извор: Алфа телевизија

Мицкоски пред време ги разобличи – куќен притвор за Рашковски

Дарко Андоновски — Fri, 16 Apr 2021 15:40:31 +0000

Кривичниот суд одреди домашен притвор за поранешниот генерален секретар на Владата, Драги Рашковски, кој денеска беше приведен за случајот со набавката на софтверот за сообраќајни прекршоци. Приведен е и Даниел Станчев, сопственик на фирмата „Инвока груп“ од која е набавен софтверот. Основното јавно обвинителство за гонење на организиран криминал и корупција отвори истрага против четири лица за злоупотреба на службената положба и овластување. „Во временскиот период од месец јануари 2019 година до месец јули 2020 година, првоосомничениот како службено лице, помогнат од останатите осомничени лица, со умисла извршил три временски поврзани дејствија, што претставуваат повеќекратно остварување на исто дело. Пред спроведување на постапката за јавна набавка на софтвер, првоосомничениот ја договорил набавката на софтверот со третоосомничениот доставувајќи сопствен патент за кој дал насоки за изготвување на техничка спецификација за јавната набавка. Четвртоосомничениот како надворешен соработник пренесувал информации за текот на постапката на осомничените – учесници во јавната набавка. Во текот на постапката за јавната набавка наместо комуникацијата да се извршува со користење електронски средства преку Електронскиот систем за јавни набавки, со цел фаворизирање на конкретен економски оператор првоосомничениот лично ги дефинирал техничките спецификации што упатуваат на патентот“, соопшти Обвинителството. На 02.01.2020 година, првоосомничениот донел Одлука за избор на најповолен понудувач за економскиот оператор каде сопственик и управител е второосомничениот и бил склучен Договор за набавка на услуги. Во месец јули истата година економскиот оператор доставил фактура на износ од 4.997.300 денари со вклучен 18% ДДВ, па иако софтверот не бил имплементиран, фактурата во рок од седум дена била исплатена. Летото 2019 година, првоосомничениот донел уште две одлуки за јавна набавка на работи за потребите на софтверот иако во тоа време сѐ уште не бил склучен договор за набавка на таков софтвер. Со избраните економски оператори како најповолни понудувачи биле склучени договори на износ од 1.416.000 денари со вклучен 18% ДДВ и од 4.605.021,00 денари со вклучен ДДВ. „Со дејствијата што ги извршил, првоосомничениот со неизвршување на своите службени должности при спроведување постапка за јавна набавка спровел јавни набавки спротивно на начелото за економичност, ефикасност и ефективно користење на јавните средства, утврдени согласно прописите што го уредуваат користењето на буџетските средства и за три економски оператори прибавил корист – право да учествуваат во постапките за јавни набавки и да склучат договори за истите и притоа да се стекнат со противправна имотна корист на штета на Буџетот на Р.С.Македонија во вкупен износ од 11.018.321 денари“, се наведува во соопштението. Надлежниот јавен обвинител ценејќи дека постојат околности што укажуваат дека постои опасност од бегство, криење и влијание врз сведоци за двајцата првоосомничени до судот достави предлог за определување на мерка притвор. За останатите осомничени даде предлог на судот да им определи мерки на претпазливост и тоа забрана за напуштање на живеалиштето, односно престојувалиштето; обврска на осомничените да се јавуваат повремено кај определено службено лице или определен државен орган; привремено одземање на патна или друга исправа за преминување на државната граница, односно забрана за нејзино издавање и забрана за преземање на определени работни активности кои се поврзани со кривичното дело, односно забрана за учество во спроведување на постапки за јавни набавки. Следејќи ги повеќедневните написи во медиумите за набавката на софтверот, обвинителството на 18 март годинава отвори предистражна постапка. Инаку лидерот на ВМРО-ДПМНЕ Христијан Мицкоски денеска предвреме ги разобличи сите, па објави дека за него следува кучен притвор. -Ако си соработник на Зоран Заев, за сомневање за сторен криминал завршуваш со одземен пасош или во куќен притвор, а во суд одиш со рацете во џеб. Во спротивно добиваш 30 дена затворски притвор и во суд те носат со лисици на рацете!, реагира лидрот на ВМРО ДПМНЕ Христијан Мицкоски, откако во медиумите излезе видео од осомничениот Рашковски во Кривичниот суд се појави буквално со рацете во џеб.

Ако си соработник на Зоран Заев, за сомневање за сторен криминал завршуваш со одземен пасош или во куќен притвор, а во... Posted by Hristijan Mickoski on Петок, 16 април 2021

Судот во Москва одлучи: Олеснети условите за домашиот притвор на братот на Навални и неговите приврзаници

Магдалена Андонова — Thu, 08 Apr 2021 06:16:11 +0000

Судот во Москва денеска им ги олесни условите за домашен притвор на братот на затворениот опозиционер Алексеј Навални, Олег Навални, и на неколкумина негови приврзаници, соопшти групата за набудување на протестите ОВД-Инфо Британските медиуми пренесуваат дека Олег Навални, Љубов Собол, Људмила Штајн и Константин Јанкаускас првично беа ставени во домашен притвор заради непочитување на мерките против Ковид-19, за време на јануарските протести, организирани за поддршката на Навални. Британските медиуми,повикувајќи се на Тасс, наведуваат дека московскиот суд со ново решение на четворицата им забранил да ги напуштат своите домови во периодот од 20 до 6 часот наутро. Адвокатите на затворениот руски опозиционер, Алексеј Навални, кој во затворот штрајкува со глад, денеска изјавија дека неговата здравствена состојба се влошува, пренесуваат британските медиуми. Амнести Интернешнл вчера предупреди дека Навални е затворен во услови што претставуваат тортура и можност за бавно убиство. (МИА)

Раста се пофали со луксузот во кој ужива во домашен притвор – фановите веднаш се заљубија во неговата гостинка која е тука 24/7 (ФОТО)

Дарко Андоновски — Mon, 22 Mar 2021 13:47:03 +0000

И покрај тоа што е во домашен притвор, раперот Стефан Ѓуриќ Раста си го живее животот како ништо да му недостасува. Доказ за тоа е луксузот во кој ужива Раста. Имено тој едногодишниот притвор го служи во својот луксузен стан во центарот на Белград каде живее по разводот со Ана. Станот е со поглед кон Свети Сава и луксузно е опремен, а Раста бидејќи во него поминува 24/7 во него пронајде и начин како да ужива. Тој на социјалните мрежи сподели неколку фотографии и видеа како се бања во када со пена опкружен со свеќи, јаде палачинки и пие кафе. Пејачот се пофали и со ручекот, но она што на сите им остави впечаток е мачката која целото свое време го поминува со него.