домашна изолација – Kurir.mk

Главниот кризен штаб денес ќе одлучува за скратување на изолацијата од 10 на 7 дена

Дарко Андоновски — Mon, 24 Jan 2022 09:16:38 +0000

На почетокот на неделава се очекува да биде познато дали изолацијата ќе биде скратена од десет на седум дена. Препораката ја донесе Комисијата за заразни болести, а според најавите, се очекува таа денеска да се најде на разгледување пред Главниот кризен штаб, а во вторник да биде на владина седница. Министерот за здравство Беким Сали во петокот изјави дека во следниот период ќе се следи состојбата со новозаразените и соодветно на тоа ќе се носат препораки и одлуки. Засега, според неговата изјава, болничките капацитети не се целосно исполнети и далеку сме од потребата одредена клиника да се пренамени во ковид центар. Ковид сертификатите, кои некои земји веќе најавија дека ќе ги укинат, засега остануваат во државава. Според министерот, се уште е рано да се зборува за укинување на овие сертификати затоа што нивото на вакцинација кај населението во земјава е многу помало во однос на другите држави. Бројките за новозаболени во земјава покажуваат дека во изминатите 24 часа се регистрирани 1.424 случаи од направени 5.604 тестирања. Од вкупниот број позитивни се регистрирани 214 реинфекции. Согласно податоците од Институтот за јавно здравје во изминатите 24 часа се регистрирани 1.083 оздравени пациенти и 15 починати. Досега во земјата се направени вкупно 1.746.689 тестирања на Ковид-19. Вкупната бројка на Ковид-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571. Соседна Грција за уште две седмици ги продолжи актуелните правила за влез во државата што значи дека и понатаму е потребен негативен ПЦР тест направен 72 часа пред патувањето или рапид тест 24 часа пред пристигнувањето за сите патници независно дали се вакцинирани или не. Новата одлука ќе важи до 7 февруари. Нема промени и во однос на невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти.

Поведена постапка против мајка – ќерка и ја однела кај татко и на видување, притоа не кажала дека малолетното дете има решение за домашна изолација

Магдалена Андонова — Fri, 22 Oct 2021 10:41:14 +0000

Основното јавно обвинителство Скопје до надлежниот суд поднесе Предлог за издавање казнен налог против едно лице кое сторило кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетата, како законски застапник на дете родено 2019 година, не постапила според прописите и наредбите со кои се определуваат мерки за спречување на ширењето на коронавирусот. Имено, иако со решение на Државниот здравствен и санитарен инспекторат детето било ставено под здравствен надзор и домашна изолација во траење од 14 дена од 11.08.2021 година, обвинетата без да го запознае таткото на детето за настанатата ситуација, од 19-22.08 му ја дала ќерката за тој да оствари видување на кое имал право со решение на Центарот за социјални работи. Таткото се сретнал со детето надвор од неговиот дом, а за одредената задолжителна изолација на ќерката дознал кога на неговиот телефонски број, преку апликацијата Вибер му пристигнало решението на Државниот здравствен и санитарен инспекторат. Надлежниот јавен обвинител му предложи на Основниот кривичен суд Скопје за обвинетата да одреди парична казна од 100 дневни глоби со поединечна вредност на дневната глоба од 20 евра во денарска противвредност.

Две лица од Гостивар не ја почитувале домашната изолација, едниот отишол во аптека, другиот заминал за Германија

Тале Кристо — Wed, 17 Mar 2021 09:08:08 +0000

Основното јавно обвинителство Гостивар поведе постапка против две лица за сторено кривично дело – Непостапување според здравствените прописи за време на епидемија согласно член 206 став 1 од Кривичниот законик. Двете лица и покрај тоа што имале решенија за домашна изолација го напушитле својот дом, првиот отишол во аптека да купи лекови, а вториот со авион отпатувал за Германија. – Првиот обвинет од село Голема Речица, на кого му бил определен задолжителен здравствен надзор и домашна изолација, не постапил согласно решението на здравствените власти, па на 03.11.2020 година го напуштил домот. На наведената домашна адреса бил затекнат само неговиот син, кој кажал дека не знае каде е татко му. Следниот ден полициските службеници извршиле разговор со обвинетиот, кој потврдил дека го напуштил домот, пешки се движел покрај реката Вардар до селото Равен и назад, купил лекови од аптека и се вратил дома, се вели во соопштението од ОЈО. Вториот обвинет, како што информираат од ОЈО, исто така имал Решение за лекување и изолација издадено од Државниот санитарен и здравствен инспекторат и од 06.02.2021 година требало да остане во домашна изолација во село Равен. Но, на 12.02.2021 година без дозвола ја напуштил државата и со авионски лет од Меѓународниот аеродром Скопје отпатувал во Минхен, Германија. За двајцата обвинети, Основното јавно обвинителство Гостивар поднесе предлози за издавање казнени налози, со кои му предложи на Основниот суд Гостивар да им изрече парични казни од по 100 дневни глоби.

Две лица од Гостивар обвинети за непочитување на решенијата за домашна изолација

Магдалена Андонова — Wed, 17 Mar 2021 08:29:53 +0000

За сторено кривично дело – Непостапување според здравствените прописи за време на епидемија согласно член 206 став 1 од Кривичниот законик, Основното јавно обвинителство Гостивар поведе постапка против две лица. Првиот обвинет од село Голема Речица, на кого му бил определен задолжителен здравствен надзор и домашна изолација, не постапил согласно решението на здравствените власти, па на 03.11.2020 година го напуштил домот. На наведената домашна адреса бил затекнат само неговиот син, кој кажал дека не знае каде е татко му. Следниот ден полициските службеници извршиле разговор со обвинетиот, кој потврдил дека го напуштил домот, пешки се движел покрај реката Вардар до селото Равен и назад, купил лекови од аптека и се вратил дома. Вториот обвинет, пак, исто така имал Решение за лекување и изолација издадено од Државниот санитарен и здравствен инспекторат и од 06.02.2021 година требало да остане во домашна изолација во село Равен. Но, на 12.02.2021 година без дозвола ја напуштил државата и со авионски лет од Меѓународниот аеродром Скопје отпатувал во Минхен, Германија. За двајцата обвинети, Основното јавно обвинителство Гостивар поднесе предлози за издавање казнени налози, со кои му предложи на Основниот суд Гостивар да им изрече парични казни од по 100 дневни глоби.

Требало да биде во домашна изолација, но полицајците не го најдоа дома

Ивана Ефремовски — Mon, 06 Jul 2020 20:16:50 +0000

Надворешната канцеларија за криминалистички работои Крива Паланка поднесе кривична пријава против В.С. (31) од Крива Паланка, поради постоење основи на сомнение за сторено кривично дело „непостапување според здравствените прописи за време на епидемија“. На 06.06.2020 во 13.20 часот пријавениот го напуштил својот дом и при извршена контрола од полициски службеници во 13.30 часот не бил затекнат дома, со што постапил спротивно на решението на Државен санитарен и здравствен инспекторат од 05.06.2020 година, со кое пријавениот се става под здравствен надзор и домашна изолација од надлежен Центар за јавно здравје Куманово во траење од 14 дена, сметано од 03 до 17.06.2020 година.

Препораки за правилна домашна изолација

Катерина Бојаџиева — Fri, 20 Mar 2020 10:26:44 +0000

Доколку имате можност работете од дома, одделете се од останатите во различни простории, бидете на безбедно растојание со другите меѓу еден и два метри, редовно проветрувајте ги просториите, останете дома освен во случај на итност, во однос на редовната исхрана изолираното лице продолжува со вообичаениот начин на исхрана, избегнувајте заедничко користење предмети за домакинство како што се крпи за раце, постелнина, чаши, прибор за јадење, доколку нарачувате продукти преку достава избегнете контакт со доставувачот, чистете ги површините во домот кои најчесто ги користите, следете ги препораките за превенција од здравствените установи, направете самопорверка на здравствената состојба со мерење на телесната температура неколку пати во текот на денот, често пати да се мијат рацете со сапун и да се користи средство за дезинфекција на раце кое содржи алкохол. Ова се препораките кои министерот за здравство Венко Филипче денеска на својот ФБ профил ги објави за тоа како да се постапи во случај на правилна домашна самоизолација. Доколку чувствувате симптоми слични на грип јавете се во центрите за јавно здравје.

Патниците од комбето и лицата со кои контактирале ставени во домашна изолација

Ивона Петрова — Thu, 27 Feb 2020 11:15:48 +0000

Пациентката кај која е потврден првиот случај на коронавирусот во Македонија, се чувствува добро и има лесна форма на клиничка слика, истакна денеска министерот за здравство Венко Филипче. Тој посочи дека во текот на вчерашниот ден биле исконтактирани сите патници од комбето со кое таа патувала од Италија кон Македонија, сите се во соодветна изолација во домашни услови. -Направен е контакт со сите лица со кои контактирале овие патници. Телефонски се исконтактирани сите и укажано им е дека треба да почекаат денеска да бидат контактирани од екипите на епидемиолози и од припадниците на МВР. Кај дел интервјуата се завршени, кај дел се врши во моментов. Добро е што скоро сите укажуваат на тоа дека немале контaкт со голема маса на луѓе, пред се’ контактите им биле во рамки на семејствата, во куќите во кои живеат или во дворовите. На сите ќе им биде назначена изолација, истакна Филипче. Министерот додаде дека во 13 часот е закажан состанок на Комитетот на кој со полициските припадници треба да се договори дали согласно условите на изолација, ќе продолжи домашната изолација или лицата ќе бидат пренесени во претходно утврдени центри со инфективни одделенија.