Утре истекува рокот за подигање на изборниот поткуп наречен „Домашна платежна картичка“

Љупчо Цветаноски — Fri, 17 Jul 2020 08:56:03 +0000

Истекува рокот за предавање на домашната платежна картичка на оние граѓани што ги исполнија условите од оваа мерка што беше дел од третиот пакет-мерки на Владата за поддршка на економијата, а воведен поради корона-кризата. Рокот за подигање на картичката завршува со изборната еуфорија, односно утре. Познавачите и ден-денеска се на ставот дека ова беше очебиен изборен поткуп, на кој ниту еден политички фактор не смееше и не смее да реагира бурно, само и само поради фактот што беше спакуван како наводна помош за граѓаните. Банките имаа рок да ги издадат до 18 јули, односно утре, а граѓаните може да ги искористат најдоцна на 15 август годинава. Целта е во краток период да се вшприца поголема количина средства во економијата со купување домашни производи и услуги, а со цел поддршка во кризата предизвикана од коронавирусот. Домашна платежна картичка добија над 324 илјади граѓани, во четири категории. Првата група доби домашна платежна картичка во вредност од 9.000 денари, каде што спаѓаат лица со низок доход, приматели на социјална помош и активни баратели на работа, кои во минатата година немале поголеми приходи од 180 илјади денари, или годинава од јануари до април не повеќе од 60 илјади денари според податоците на УЈП. Во оваа група се опфатени над 114 илјади граѓани. Во втората група се околу 117 илјади лица кои добиваат по 3.000 денари, односно граѓани кои се во работен однос, но чии примања во првите четири месеци не надминуваат 60 илјади денари. Оваа категорија дополнително доби и ваучер за туризам, кој веќе почна да се користи. Во третата група се младите од 16 до 29 години кои се дел од државното образование и кои добија финансиска поддршка по 3.000 денари, а четвртата група ја сочинуваат здравствените работници со поддршка од 40 отсто од последната нето-плата.

Нина Групер обелодени дека досега со 9 милиони евра се врши легален предизборен поткуп со домашни платежни картички

Љупчо Цветаноски — Tue, 30 Jun 2020 10:42:39 +0000

Над 100.000 домашни платежни картички во вредност од девет милиони евра се издадени на граѓаните, објави министерката за финансии Нина Групер Ангеловска на својот Фејсбук профил. Таа додава дека матичните броеви од граѓаните кои поднеле приговори се испратени до институциите што извршуваат проверка дали истите ги исполнуваат условите поставени во Уредбата. -По извршените проверки ќе информираме за граѓаните чии приговори се прифатени и истите ќе бидат додадени на листата на граѓани на кои им следи поддршка и соодветно распределени во банките издавачи, наведува министерката.

Банките,како што стои во објавата, забрзано работат на печатење и издавање на #ДомашнаПлатежнаКартичка. До сега се персонализирани и испечатени над 250.000 картички. До крајот на неделава ќе се испечатат сите картички предвидени со иницијалната листа. Од следната недела, се очекува да се печатат картичките по уважените приговори.

домашна платежна картичка – Kurir.mk

Утре истекува рокот за подигање на изборниот поткуп наречен „Домашна платежна картичка“

Нина Групер обелодени дека досега со 9 милиони евра се врши легален предизборен поткуп со домашни платежни картички